Катарына Шмід

	Катарына Шмід
Пэрсанальная інфармацыя
Поўнае імя	па-нямецку: Katharina Schmid
Нарадзілася	23 траўня 1996 (29 гадоў); Обэрстдорф[d], раён Верхні Альгой[d], Швабія, Баварыя, Нямеччына;
Грамадзянства	Нямеччына;
Прафэсійная інфармацыя
Спэцыялізацыя	скакуха з трампліну
	Узнагароды і мэдалі Bayerischer Sportpreis[d] (2023)

Катары́на Шмід (па-нямецку: Katharina Schmid), у дзявоцтве Альтга́ўс (ням. Althaus; нар. 23 траўня 1996 году) — нямецкая скакуха на лыжах з трампліну. Шматразовая чэмпіёнка сьвету, а таксама двухразовая срэбная Алімпійская мэдалістка.

Кар’ера

Дэбютавала на этапах Кубка сьвету ў сэзоне 2011—2012 гадоў. Першым стартам у гэтым спаборніцтвах стаў выступ на этапе ў Лілегамэры, заняўшы 33-і радок. Брала ўдзел у зімовых Алімпійскіх гульнях 2014 году, дзе фінішавала ў трэцяй дзясятцы. На чэмпіянаце сьвету па лыжных відах спорту 2015 году ў Фалюне стала чэмпіёнкай сьвету ў скачках з трампліну ў зьмяшаных камандах поруч з сваімі нямецкімі калегамі, як то Карынай Фогт, Рыхардам Фрайтагам і Сэвэрынам Фройндам^[2].

У сярэдзіне студзеня 2017 году ўпершыню трапіла на подыюм этапу Кубка сьвету, стаўшы трэцяй на турніры ў Сапара. Сваю першую перамогу на этапе здабыла 12 лютага таго ж году ў Любна-аб-Савіньі^[3], хоць гэтаму спрыяла адсутнасьць такіх фаварытак, як то Сара Таканасі і Юкі Іта, якія рыхтаваліся да тэставых алімпійскіх спаборніцтваў у Пхёнчхане. Спартоўка моцна пачала Кубак сьвету 2017—2018 гадоў, шэсьць разоў запар трапляючы на подыюм, пры гэтым двойчы перамагаючы на турніры ў Лілегамэры. У выніку немка фінішавала на другім месцы ў агульным заліку. Яна зноў добра распачала новы сэзон, у першых пяці этапах узяўшы тры перамогі ў індывідуальных выступах. На зімовых Алімпійскіх гульнях 2018 году здабыла срэбны мэдаль у асабістых скачках. Сэзон 2018—2019 гадоў таксама скончыла другой. На чэмпіянаце сьвету 2019 году агулам узяла тры мэдалі, два зь якіх былі залатыя.

На зімовых Алімпійскіх гульнях 2022 году як і ў папярэдні раз узяла срэбны мэдаль у індывідуальных спаборніцтвах. У тым жа сэзоне 2022—2023 гадоў зноў была другой у агульным заліку Кубка сьвету, а на чэмпіянаце сьвету 2023 году атрымала тры залатыя мэдалі, адзін зь якіх быў здабыты ў асабістых выступах на нармальным трампліне.

Крыніцы

↑ Katharina Althaus // http://www.munzinger.de/search/go/document.jsp?id=01000009773
↑ German mixed team takes Gold in Falun. International Ski Federation (22.02.2015). Архіўная копія ад 03.12.2015 г.
↑ German podium sweep in Ljubno. International Ski Federation (12.02.2017). Архіўная копія ад 13.02.2018 г.

Вонкавыя спасылкі

Профіль (анг.) на FIS

[_da7bd9c43179a0e4-1] Katharina Althaus // http://www.munzinger.de/search/go/document.jsp?id=01000009773

[2] German mixed team takes Gold in Falun. International Ski Federation (22.02.2015). Архіўная копія ад 03.12.2015 г.

[3] German podium sweep in Ljubno. International Ski Federation (12.02.2017). Архіўная копія ад 13.02.2018 г.

[1]

[2]

[3]