Кастусь Харашэвіч

Кастусь Харашэвіч
Імя пры нараджэньні	Кастусь Іванавіч Харашэвіч
Дата нараджэньня	6 ліпеня 1927
Месца нараджэньня	в. Літва, Віленскае ваяводзтва, Польшча, цяпер Маладэчанскі раён, Беларусь
Дата сьмерці	12 ліпеня 2013 (86 гадоў)
Месца сьмерці	Маладэчна
Месца пахаваньня	Старыя могілкі ў Маладзечне[d]
Месца вучобы	Менскі дзяржаўны мастацкі каледж імя Аляксея Глебава (1958)
Занятак	пэйзаж, партрэт, нацюрморт
Навуковая сфэра	жывапіс
Жанры	пэйзаж
Узнагароды	За заслугі ў выяўленчым мастацтве[d] (1999)

Кастусь Харашэвіч, сапр. Канстанцін Іванавіч Харашэвіч (6 ліпеня 1927, в. Літва, цяпер Маладэчанскі раён, Беларусь — 12 ліпеня 2013, Маладэчна ) — беларускі мастак-жывапісец..

Біяграфія

Вучыўся ў Барыса Кіта ў Маладэчанскай гандлёвай школе падчас 2-й сусьветнай вайны. Прымаў удзел у дзейнасьці СБМ.

Скончыў Менскае мастацкае вучылішча (1958). Дыплёмная работа — «Сялянскі бунт у дарэвалюцыйнай вёсцы».. Сябра Беларускага саюза мастакоў (з 1969). Сябра мастацкай суполкі «Пагоня»..

Сузаснавальнік разам з Ядвігай Разьдзялоўскай студыі выяўленчага й дэкаратыўна-прыкладнога мастацтва ў Маладэчне.

Творчасьць мастака-пэйзажыста Кастуся Харашэвіча прадстаўлена больш чым 500 карцінамі, якія адлюстроўваюць знакавыя падзеі ў гісторыі Павільля і ўсёй Беларусі.

Ад пачатку 2000-х гадоў мастак працуе над стварэньнем галерэі партрэтаў дзяячоў культуры і гісторыі, сваіх землякоў. Сярод іх Янка Купала, Францішак Багушэвіч, Вацлаў Ластоўскі, Барыс Кіт, Павал Валошын, Сымон Рак-Міхайлоўскі, Браніслаў Тарашкевіч, Пятро Мятла.

Яго творы захоўваюцца ў Беларускай бібліятэцы імя Францыска Скарыны ў Лёндане, Нацыянальным мастацкім музэі Беларусі, Музэі сучаснага выяўленчага мастацтва, Менскім абласным краязнаўчым музэі ў Маладэчне, Скандынаўскім цэнтры ў Менску, а таксама ў прыватных зборах у Польшчы, Нямеччыне, ЗША, Канадзе й Ізраілю.

У 2011 годзе ў філіяле дзяржаўнага літаратурнага музэю імя Янкі Купалы ў Яхімоўшчыне адкрылася пэрсанальная галерэя твораў Кастуся Харашэвіча.

Аўтар кнігі ўспамінаў «Зьведанае й перажытае», 2004 год.

Памёр 12 ліпеня 2013 году ў Маладэчне.

Пэрсанальныя выставы

• 1977 — Саюз мастакоў БССР, Мінск
• 1977 — Панявеж (Літва)
• 2003 — Рэспубліканская мастацкая галерэя, Менск
• 2010 — «Крыніцы моцнага натхненьня», Менск

Адзнакі

• Мэдаль Беларускага саюза мастакоў «За заслугі ў выяўленчым мастацтве» (1999)
• Спэцыяльная прэмія Маладэчанскага гарадзкога выканаўчага камітэту «Талент» у намінацыі «Мастак году» (1999, 2003)

Асноўныя творы

• 1956 — «Старое Заслаўе»
• 1958 — «Сьцяжынка майго дзяцінства»
• 1960 — «Від на Мядзел»
• 1961 — «Мой родны кут»
• 1962 — «Мястэчка»
• 1963 — «Паўстаньне нарачанскіх рыбакоў»
• 1963 — «Інтэр'ер з калаўротам»
• 1966 — «Вялікдзень»
• 1967 — «Выступленьне Браніслава Тарашкевіча перад сялянамі Заходняй Беларусі»
• 1971 — «Прадвесьне»
• 1973 — «Нацюрморт. Помнікі гісторыі і культуры Беларусі»
• 1976 — «Стары двор. Магіла Цёткі»
• 1977 — «Вільня. Зарэчча»
• 1978 — «Раскіданае гняздо»
• 1979 — «Зіма ў Маладэчне»
• 1980 — «Браслаўскія азёры»
• 1982 — «Дарога ў Гальшаны»
• 1984 — «Пасьля навальніцы»
• 1987 — «Маладзечна. Плошча Свабоды»
• 1990 — «Далягляды маёй Бацькаўшчыны»
• 1995 — «Нацюрморт»
• 1997 — «Руіны Наваградка»
• 1999 — «Барыс Кіт. Акадэмік астранаўтыкі»
• 2002 — «Янка Купала ў Яхімоўшчыне»
• 2003 — «Кастусь Каліноўскі. За нашу і вашу свабоду. Памяці паўстаньня на Беларусі 1863 г.»

Літаратура

• Беларуская энцыкляпэдыя — Мн. 2003 г. — т.16
• Энцыкляпэдыя літаратуры і мастацтва Беларусі — Мн. 1994 г. — т.6
• Гісторыя беларускага мастацтва. — Мн. 1994 г. — т.6
• Мастакі савецкай Беларусі. — Мн. 1976 г.
• Беларускі саюз мастакоў: энцыкляпэдычны даведнік. — Мн. 1998 г.
• Кастусь Харашэвіч. Старонкі жыцьця і творчасьці. — 2006 г.
• Грамыка М. «У кожнага свой Рушчыц» // Мастацтва. — 2001 г. — № 4. — С. 26—29
• Яніцкая М. «Мастак-жывапісец» // Культура. № 6 — люты 1992 г.
• Пыцько А. «Ці цяжка быць незалежным» // Наш дзень. — 7 жніўня 1992 г.
• Зубрыцкая І. «Крылы млына, як сімвалы надзеі» // Менская праўда — 9 чэрвеня 1998 г.
• Харэўскі С. Кастусь Харашэвіч. Пасьля навальніцы // Наша Ніва, № 17 — 1997 г.
• Зубрыцкая І. «Мой родны кут, як ты мне мілы». // Рэгіянальная газета — 3 снежня 1999 г.
• Сысун Л. «Навек с мастацтвам зьвязаны». // Маладэчанская газэта, 6 ліпеня 2000 г.
• Кастусь Харашэвіч. «Зьведанае й перажытае». // 2004 год.

Вонкавыя спасылкі

• Харашэвіч Кастусь // Рэгіянальная газета
• Кастусь Харашэвіч: «Я такі! Таму малюю чорным» // Рэгіянальная газета
• Самы запамінальны Новы год: Харашэвіч, Чарняўскі, Казлоўскі // Рэгіянальная газета
• Галерэя Харашэвіча − у музэі Купалы // Рэгіянальная газета
• Зьявілася пэрсанальная галерэя Кастуся Харашэвіча(недаступная спасылка) // Рэгіянальная газета
• Реестр профессиональных художников Российской Империи, СССР, «русского зарубежья», Российской Федерации и стран бывшего Советского Союза
• АртРу. Инфо — Персоны — Хорошевич Константин Иванович
• 100 твораў мастацтва ХХ ст.: Кастусь Харашэвіч. Пасьля навальніцы // Наша Ніва