Касакоўскія

	Касакоўскія
	Герб «Слепаўрон»
Тытул	графы
Краіна паходжаньня	Вялікае Княства Літоўскае
Прызнаныя ў	Вялікае Княства Літоўскае, Каралеўства Польскае, Расейская імпэрыя

Касако́ўскія (Kasakoŭskija) — шляхецкі род гербаў «Сьлепаўрон» і «Корвін».

Першыя прадстаўнікі згадваюцца ў XV ст. Прозьвішча пайшло ад вёскі Касакі каля Цеханаўца на Падляшшы.

У XVI ст. утварылася шмат галінаў роду. Нікадзім Францішак Касакоўскі (каля 1556—1609) трымаў некаторыя староствы ў Вялікім Княстве Літоўскім і дзякуючы шлюбам з прадстаўніцамі літоўскіх магнацкіх родаў заклаў трывалы падмурак роду ў Вялікім Княстве^[1].

Некаторыя прадстаўнікі роду ўжывалі графскі тытул, аднак афіцыйна атрымалі яго толькі ў 1781^[2].

Найбольш вядомыя прадстаўнікі

Ян Непамук Касакоўскі (1755—1808) — біскуп віленскі
Сымон Марцін Касакоўскі (1741—1794) — польны і апошні вялікі гетман літоўскі
Юзэф Казімер Касакоўскі (1738—1794) — біскуп інфлянцкі
Юзэф Дамінік Касакоўскі (1771—1840) — апошні лоўчы вялікі літоўскі, пасол на Чатырохгадовы сойм

Галерэя

Жаночы партрэт
Мар’яна Касакоўская (з Забелаў)
Элеанора Касакоўская (з Страшэвічаў)
Тэрэза Касакоўская (з Патоцкіх)
Кацярына Касакоўская (з Патоцкіх)
Людвіка Касакоўская (з Патоцкіх)

Іканаграфія роду Касакоўскіх у наш час захоўваецца ў зборах Летувы і Польшчы.

Крыніцы

↑ Валеры Пазднякоў. Касакоўскія // ВКЛ. Энцыкл. — Мн.: 2005 Т. 2. С. 68.
↑ Валеры Пазднякоў. Касакоўскія // ВКЛ. Энцыкл. — Мн.: 2005 Т. 2. С. 69.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

[1] Валеры Пазднякоў. Касакоўскія // ВКЛ. Энцыкл. — Мн.: 2005 Т. 2. С. 68.

[2] Валеры Пазднякоў. Касакоўскія // ВКЛ. Энцыкл. — Мн.: 2005 Т. 2. С. 69.

[1]

[2]