Каршэрынг

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Каршэрынгавы электрамабіль BMW i3 на зарадцы ў Мюнхэне

Каршэрынг (па-ангельску: carsharing — супольнае выкарыстаньне аўтамабілю) — альтэрнатыўная мадэль валоданьня і выкарыстаньня аўтамабілю. Уяўляе сабой кароткатэрміновую арэнду, звычайна дзеля кароткіх унутрымескіх паездак з пагадзіннай аплатай. Спосаб прыдатны для грамадзянаў, якія рэдка карыстаюцца аўтамабілямі, а таксама для людзей, якія хочуць паспрабаваць іншыя мадэлі аўтамабіляў.

Сыстэмы супольнага валоданьня аўтамабілямі дзейнічаюць у больш чым 1000 местах сьвету. Пры наяўнасьці разгалінаванай сыстэмы пунктаў арэнды зьяўляецца магчымасьць атрымаць аўтамабіль у адным пункце, здаўшы яго ў месцы прызначэньня.

Выкарыстаньне сыстэмы дазваляе скараціць для ейных удзельнікаў выдаткі на супольны кошт транспарту, паколькі яны аплачваюць толькі непасрэдны час карыстаньня аўтамабілем. Супольныя карыстальнікі аўтамабіляў маюць магчымасьць адмовіцца ад набыцьця ўласнага мэханічнага транспартнага сродку, што зьмяншае праблему росту колькасьці прыватных аўтамабіляў.

Вонкавыя спасылкі[рэдагаваць | рэдагаваць крыніцу]

Commons-logo.svg Каршэрынгсховішча мультымэдыйных матэрыялаў