Амэрыканская тона

Зьвесткі зь Вікіпэдыі — вольнай энцыкляпэдыі
(Перанакіравана з «Кароткая тона»)
Перайсьці да навігацыі Перайсьці да пошуку

Амэрыка́нская то́на, каро́ткая тона (па-ангельску: ton; short ton) — немэтрычная адзінка вымярэньня масы, якая выкарыстоўваецца ў ЗША. У ЗША яе часта завуць проста «тона», у той час як для мэтрычнай і ангельскай (доўгай) тоны адмыслова ўдакладняецца, якая зь іх выкарыстоўваецца. Аднак ёсьць асобныя выпадкі, калі па змаўчаньні разумеецца альбо доўгая тона (напрыклад, пры ўказаньні водазьмяшчэньня суднаў), альбо мэтрычная тона (напрыклад, зьвесткі пра сусьветны ўраджай збожжа).

1 амэрыканская тона = 20 кароткім хандрэдвэйтам = 2000 гандлёвым фунтам = сапраўды 907,18474 кіляграмам.

Абедзьве тоны — і доўгая і кароткая — вызначаныя як 20 хандрэдвэйтаў, аднак азначэньні хандрэдвэйтаў у ангельскай і амэрыканскай сыстэмах мер адрозьніваюцца.

У адрозненьне ад мэтрычнай тоны, якая на ангельскай мове пішацца з двума n (tonne), амэрыканская тона пішацца з адным n (ton).

Глядзіце таксама[рэдагаваць | рэдагаваць крыніцу]