Карл Бэнц

Карл Фрыдрых Бэнц
	Карл Фрыдрых Бэнц
	Karl Friedrich Michael Benz
Род дзейнасьці	вынаходнік
Дата нараджэньня	25 лістапада 1844
Месца нараджэньня	Мульбург, цяпер прадмесьце Карльсруэ, Нямеччына
Дата сьмерці	4 красавіка 1929 (84 гады)
Месца сьмерці	Ladenburg[d], раён Райн-Некар[d], Карльсруэ[d], Бадэн-Вюртэмбэрг
Прычына сьмерці	пнэўманія
Месца пахаваньня	Ladenburg[d]
Грамадзянства	Нюрнбэрг; Нюрнбэрг[d]; Нюрнбэрг[d]
Альма-матэр	Тэхналягічны інстытут Карльсруэ
Занятак	інжынэр і вынаходнік
Дзеці	5[d]
Узнагароды	мэдаль Рудольфа Дызеля honorary doctorate of the Karlsruhe Institute of Technology[d]
Подпіс
	Карл Фрыдрых Бэнц у Вікісховішчы

Карл Фрыдрых Бэнц (па-нямецку: Karl Friedrich Michael Benz; 25 лістапада, 1844, Мульбург, цяпер прадмесьце Карльсруэ — 4 красавіка, 1929) — нямецкі канструктар рухавікоў і аўтамабіляў, якому традыцыйна надаецца першынства ў стварэньні бэнзінавага аўтамабіля. Іншыя сучасьнікі Бэнца, Готліб Даймлер і Вільгельм Майбах, працавалі незалежна ад яго над тымі ж самымі задачамі, але Бэнц першым запатэнтаваў свае вынаходніцтвы, якія былі зьвязаныя з усімі працэсамі пры ўнутраным спальваньні ў рухавіку аўтамабіля. У 1886 годзе Карл Бэнц атрымаў патэнт на сваю першую мадэль рухавіка, якую ён зрабіў у 1878 годзе.

У 1885 годзе Бэнц сканструяваў Motorwagen, першы камэрцыйны аўтамабіль з чатырохтактавым бензінавым рухавіком адмысловай канструкцыі. Гэта быў трохкалёсны аўтамабіль з прывадам на пярэдняе кола, у якім пасажыры і рухавік разьмяшчаліся з задняга боку. Цяпер такі аўтамабіль завецца Tri-Car.

Сярод іншых рэчаў, якія даў чалавецтву Бэнц, можна назваць сыстэму кантролю хуткасьці — паскаральнік, сыстэма іскравога запальваньня ад гальванічнага элемэнту, сьвечка запальваньня, сыстэма счапленьня, каробка перадач, сыстэма вадкаснага ахаладжэньня, карбюратар.

У 1893 годзе Карл Бэнц прапанаваў новую мадэль каробкі перадач у мадэлі «Вікторыя». Гэтая мадэль была распрацаваная для двух пасажыраў і прадавалася па зьніжаным кошце, каб дапамагчы запуску масавай вытворчасьці аўтамабіляў.

У 1896 годзе Карл Бэнц распрацаваў і запатэнтаваў першы рухавік унутранага спальваньня з гарызантальным разьмяшчэньнем поршняў. Гэтая распрацоўка па сёньняшні дзень ужываецца ў некаторых рухавіках вялікай магутнасьці (для гоначных аўтамабіляў).

Бэнц заснаваў кампанію Benz Company, якая была папярэдніцай кампаніяў Daimler-Benz, Mercedes-Benz, і DaimlerChrysler. Перад сьмерцю гэты чалавек застаў пераварот у вытворчасьці аўтамабіляў у 1920-я гады, які фактычна адбыўся дзякуючы ягоным вынаходніцтвам.