Карляс Саавэдра Лямас

Карляс Саавэдра Лямас
	Карляс Саавэдра Лямас
	гішп. Carlos Saavedra Lamas
Род дзейнасьці	палітык, дыплямат
Дата нараджэньня	1 лістапада 1878
Месца нараджэньня	Буэнас-Айрэс, Аргентына;
Дата сьмерці	5 траўня 1959 (80 гадоў)
Месца сьмерці	Буэнас-Айрэс, Аргентына;
Прычына сьмерці	інсульт
Месца пахаваньня	Рэкалета (могілкі);
Месца вучобы	Унівэрсытэт Буэнас-Айрэса; Нацыянальны каледж Буэнас-Айрэса[d]; Нацыянальны ўніверсітэт Ла-Платы[d];
Занятак	юрыст, адвакат, дыплямат, палітык, прафэсар унівэрсытэту
Навуковая сфэра	палітыка, дыпляматыя, працоўнае права[d], міжнароднае права і канстытуцыйнае права[d]
Месца працы	Унівэрсытэт Буэнас-Айрэса; Нацыянальны ўніверсітэт Ла-Платы[d];
Сябра ў	Academia Nacional de Ciencias Morales y Políticas[d]
Узнагароды
	Карляс Саавэдра Лямас у Вікісховішчы

Карляс Саавэдра Лямас (па-гішпанску: Carlos Saavedra Lamas, 1 лістапада 1878, Буэнас-Айрэс, Аргентына — 5 траўня 1959, Буэнас-Айрэс, Аргентына) — аргентынскі навуковец-правазнавец і палітык, у 1936 годзе стаў першым лацінаамэрыканскім ляўрэатам Нобэлеўскай прэміі міру.

Біяграфія

У 1903 годзе скончыў Унівэрсытэт Буэнас-Айрэса са ступеньню доктара права. Зьяўляўся прафэсарам міжнароднага права, а таксама выкладаў правазнаўства і сацыялёгію ва ўнівэрсытэце Ля-Платы. Сваю палітычную кар’еру пачаў у 1906 годзе, узначаліў грамадзкую крэдытную службу. У 1908 годзе быў абраны ў парлямэнт Аргентыны, а ў 1915 годзе быў прызначаны міністрам юстыцыі і грамадзкай адукацыі. З 1932 па 1938 год займаў пасаду міністра замежных справаў ва ўрадзе Агустына Пэдра Хуста. 3 жніўня 1932 году ў сваёй міністэрскай дэклярацыі сфармуляваў прынцыпы міжнародных адносінаў, якія былі пакладзены ў аснову пакта Саавэдра Лямаса 1933. У 1935 годзе прыняў удзел ва ўрэгуляваньні балівійска-парагвайскага канфлікту, стварыўшы прымірэнчую камісію з шасьці нэўтральных амэрыканскіх дзяржаваў, пры пасярэдніцтве якой у чэрвені 1934 году было складзена мірнае пагадненьне. За свае міратворчыя заслугі ў 1936 годзе ён стаў ляўрэатам Нобэлеўскай прэміі міру. У тым жа годзе быў абраны прэзыдэнтам Лігі народаў.

Літаратура

Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 ас. — ISBN 985-11-0238-5 (Т. 14)

Вонкавыя спасылкі

Карляс Саавэдра Лямас — сховішча мультымэдыйных матэрыялаў

Інфармацыя на сайце Нобэлеўскага камітэту

Гэта — накід артыкула. Вы можаце дапамагчы Вікіпэдыі, пашырыўшы яго.

1 2 Carlos Saavedra Lamas // Encyclopædia Britannica (анг.)
1 2 Carlos Saavedra Lamas // Brockhaus Enzyklopädie (ням.) — F.A. Brockhaus, 1796.
1 2 Carlos Saavedra Lamas // Gran Enciclopèdia Catalana (кат.) — Grup Enciclopèdia, 1968.
1 2 3 4 5 Saavedra Lamas, Carlos // Нацыянальная служба Чэскай рэспублікі

[_bae2837ec4683c88-1] 1 2 Carlos Saavedra Lamas // Encyclopædia Britannica (анг.)

[_8d2b9a50d2528dc0-2] 1 2 Carlos Saavedra Lamas // Brockhaus Enzyklopädie (ням.) — F.A. Brockhaus, 1796.

[_81be75678d3a082c-3] 1 2 Carlos Saavedra Lamas // Gran Enciclopèdia Catalana (кат.) — Grup Enciclopèdia, 1968.

[_ebed154c5fd27037-4] 1 2 3 4 5 Saavedra Lamas, Carlos // Нацыянальная служба Чэскай рэспублікі

[1]

[2]

[3]

[4]