Каоры Сакамота

	Каоры Сакамота
Пэрсанальная інфармацыя
Поўнае імя	па-японску: 坂本花織
Нарадзілася	9 красавіка 2000 (25 гадоў); Кобэ, Японія;
Грамадзянства	Японія;
Прафэсійная інфармацыя
Спэцыялізацыя	фігурыстка

Каоры Сакамота (па-японску: 坂本花織; 9 красавіка 2000 году) — японская фігурыстка, якая выступае ў адзінкавым катаньні. Прызэрка Алімпійскіх гульняў ды шматразовая чэмпіёнка сьвету.

Кар’ера

Дзіцём стала на каўзачы. У апошнія дні 2014 году дэбютавала на чэмпіянаце Японіі, дзе была шостай. Тым ня менш, у наступныя гады спалучала выступы ў юніёрскіх турнірах і дарослых спаборніцтвах. У перадалімпійскі сэзон 2017—2018 гадоў сканцэнтравалася на выступах у прафэсійным фігурным катаньні. У кастрычніку 2017 году запачаткавала выступы на этапах Гран-пры, адкатаўшы на этапе ў Маскве. Перад зімовымі Алімпійскімі гульнямі 2018 году нечакана перамагла на чэмпіянаце чатырох кантынэнтаў, а на Алімпіядзе была шостай. У сьнежні таго ж году стала чэмпіёнкай Японіі^[1].


Кароткая і адвольная праграмы спартоўкі на этапе Гран-пры ў Амэрыцы ў 2019 годзе

У 2021 годзе зноў стала чэмпіёнкай краіны. На зімовых Алімпійскіх гульнях 2022 году Сакамота ўзяла ўдзел як адзіночных катаньнях, гэтак і ў камандных спаборніцтвах. У складзе каманды фігурыстка выступіла ў адвольнай праграме, без памылак выканала сваю праграму, што прынесла зборнай дзевяць пунктаў^[2] і бронзавыя мэдалі^[3]. Аднак, па дыскваліфікацыі расейскіх спартоўцаў японская зборная атрымала срэбныя мэдалі. У асабістым турніры ў кароткай праграме фігурыстка чыста адкатала сваю праграму і разьмясьцілася на прамежкавым трэцім месцы, палепшыўшы асабісты рэкорд^[4]. Паводле вынікаў адвольнай праграмы таксама была трэцяй, што прынесла ёй бронзавы мэдаль з агульнай колькасьцю пунктаў роўнай 233,13^[5].

У сакавіку 2022 году японка ўзяла на чэмпіянаце сьвету залаты мэдаль у адзіночных катаньнях, паўтарыўшы ў наступныя гады свой вынік яшчэ двойчы. У гэтыя ж часы спартоўка ўсьцяж абараняла свой тытул чэмпіёнкі Японіі. На чэмпіянаце сьвету 2025 году пасьля трох гадоў дамінаваньня саступіла тытул наймацнейшай фігурысткі амэрыканцы Алісы Лю, прагуляўшы ёй як у кароткай праграме, гэтак і адвольным выступе.

Крыніцы

↑ Sakamoto shakes it up at Japanese Nationals; win's first title. Golden Skate (23.12.2018). Архіўная копія ад 05.11.2021 г.
↑ Результаты произвольной программы женщин в командном турнире по фигурному катанию на Олимпиаде-2022: Валиева показала лучший результат, Сакамото – 2-я. Sports.ru (07.02.2022). Архіўная копія ад 20.03.2022 г.
↑ Российские фигуристы выиграли командный турнир на Олимпиаде в Пекине. РИА Новости (07.02.2022). Архіўная копія ад 03.03.2022 г.
↑ Результаты короткой программы у женщин на турнире по фигурному катанию на Олимпиаде-2022: Валиева выиграла, Щербакова – 2-я, Трусова – 4-я. Sports.ru (15.02.2022). Архіўная копія ад 20.03.2022 г.
↑ Олимпиада-2022. Фигурное катание. Щербакова победила, Трусова – 2-я, Сакамото – 3-я, Валиева – 4-я. Sports.ru (17.02.2022). Архіўная копія ад 24.03.2022 г.

Вонкавыя спасылкі

Профіль (анг.) на ISU

[1] Sakamoto shakes it up at Japanese Nationals; win's first title. Golden Skate (23.12.2018). Архіўная копія ад 05.11.2021 г.

[2] Результаты произвольной программы женщин в командном турнире по фигурному катанию на Олимпиаде-2022: Валиева показала лучший результат, Сакамото – 2-я. Sports.ru (07.02.2022). Архіўная копія ад 20.03.2022 г.

[3] Российские фигуристы выиграли командный турнир на Олимпиаде в Пекине. РИА Новости (07.02.2022). Архіўная копія ад 03.03.2022 г.

[4] Результаты короткой программы у женщин на турнире по фигурному катанию на Олимпиаде-2022: Валиева выиграла, Щербакова – 2-я, Трусова – 4-я. Sports.ru (15.02.2022). Архіўная копія ад 20.03.2022 г.

[5] Олимпиада-2022. Фигурное катание. Щербакова победила, Трусова – 2-я, Сакамото – 3-я, Валиева – 4-я. Sports.ru (17.02.2022). Архіўная копія ад 24.03.2022 г.

[1]

[2]

[3]

[4]

[5]