Камень Паморскі

Камень Паморскі
Населены пункт
Герб
Краіна	Польшча
Першыя згадкі	1176
Геаграфія
Плошча	10,75 км²
Вышыня НУМ	10 ± 1 м
Часавы пас	UTC+1 UTC+2 (летні час)
Каардынаты	53°58′12″ пн. ш. 14°46′21″ у. д.
Насельніцтва
Колькасьць	▼8564 чал. (31 сакавіка 2021)
Лічбавыя ідэнтыфікатары
Паштовы індэкс	72-400
Нумарны знак	ZKA
Сайт	kamienpomorski.pl
Камень Паморскі на мапе Польшчы Камень Паморскі

Ка́мень Памо́рскі (па-польску: Kamień Pomorski, па-нямецку: Cammin in Pommern) — места ў Заходнепаморскім ваяводзтве, цэнтар Каменскага павету і аднайменнай гміны. Насельніцтва — 8627 чалавек (2021), плошча — 10,74 км².

Геаграфія

Камень Паморскі разьмешчаны на разьліве Дзіўны, за 90 км на паўночны ўсход ад Шчэціну, у паўночнай частцы Заходняга Памор’я.

Мінуўшчына

Камень Паморскі паўстаў як асада племені валынянаў на пераломе VIII—IX стст. Гарадзішча праўдападобна паўстала ў X ст. Каля 967 року Мешка I уключыў абшар у склад польскай дзяржавы.

Першая пісьмовая згадка пра Камень Паморскі датаваная 1124 рокам, калі Балеслаў III Крывавусны ахрысьціў ягоных жыхароў і збудаваў два касьцёлы. У 1175 у Камень з Воліну перанесеная сядзіба Паморскага біскупства, якое адгэтуль стала называцца Каменскім. У 1274 Камень атрымаў статус места. У XIV стагодзьдзі ўвайшоў у Ганзейскі зьвяз.

У 1545 утворанае лютэранскае біскупства, якое праіснавала да 1648 року. У XVII стагодзьдзі места пераходзіла пад уладу Швэцыі (1630—1679), Брандэнбургу (1679), урэшце Прусіі.

Ад 1750 року праз Камін праходзіла рэгулярная паштовая лінія Бэрлін — Наўгард. У 1842 з Каміну да Штэтыну вырушыў першы параход «Cammin». У 1876 выпадкова адкрытыя салёныя крыніцы, з часам пачалася распрацоўка і тарфянікаў. У 1882 року праведзеная першая чыгунка да Штэтыну.

У часе II сусьветнай вайны немцы стварылі ў месьце лягер прымусовай працы. 5 сакавіка ў Камін увайшлі сілы 2-й гвардзейскай танкавай арміі(d) I Беларускага фронту. У 1946 места ўключанае ў склад Польшчы пад назовам Камень Паморскі.

Эканоміка

Места мае статус курорту.

У марскім порце над затокай разьвітая індывідуальная рыбная лоўля, вясьлярства, пасажырскі турызм.

Транспарт

Празь места праходзяць ваяводзкія дарогі 103, 106, 107.

Чыгуначная станцыя ў кірунках Высокай Каменскай і Шчэціна.

Гарады-партнэры

• Bromölla (Швэцыя)
• Кавары (Польшча)
• Люнэн (Нямеччына)
• Порваа (Фінляндыя)
• Торгеляў (Нямеччына)

Вонкавыя спасылкі

• Kamień, niem. Cammin // Słownik geograficzny Królestwa Polskiego i innych krajów słowiańskich. Tom III: Haag — Kępy. — Warszawa, 1882. — S. 740