Каледжы аб’яднанага сьвету

Месцазнаходжаньне каледжаў

Каледжы аб’яднанага сьвету (КАС), Каледжы міжнароднай супольнасьці (па-ангельску: United World Colleges, UWC) — група навучальных установаў у розных краінах, якія сваёй галоўнай мэтай лічаць развіцьцё ўзаемаразуменьня паміж народамі праз адукацыю. Прыём навучэнцаў зь Беларусі — з 1994.

Асноўныя зьвесткі

У большасьць каледжаў міжнароднай супольнасьці прымаюцца навучэнцы, якія маюць 16—17 гадоў, па конкурсе, тэрмін навучаньня — 2 гады. Навучаньне вядзецца па праграме міжнароднага бакалаўрата (па-ангельску: International Baccalaureate, IB). Выпускнікі атрымліваюць дыплём, які прызнаецца болей чым у 130 краінах, і зь ім могуць паступаць у вышэйшыя навучальныя ўстановы.

Ініцыятарам заснаваньня першага каледжу быў нямецкі пэдагог і грамадзкі дзяяч Курт Хан. Цяпер працуюць 13 такіх каледжаў (2009). Нацыянальныя камітэты, якія іх прадстаўляюць, дзейнічаюць болей чым у 120 краінах, адкуль вядзецца прыём навучэнцаў. Каледжы, іх выпускнікі, нацыянальныя камітэты і іншыя арганізацыі і асобы, якія маюць дачыненьне да каледжаў, складаюць сусьветны рух Каледжаў міжнароднай супольнасьці (па-ангельску: UWC International). Старшыня руху з 1995 — Яе Вялікасьць каралева Ярданіі Нур.

Каледжы

• Атлянтычны каледж аб’яднанага сьвету — Ланілцід-Ваўр, графства Бро-Морганвг, Княства Камры (валійская мова); г. Лантуіт-Мэйджар, графства Вэйл-оф-Гламорган, Княства Уэльс (ангельская мова), Вялікабрытанія, заснаваны ў 1962.
• Каледж аб’яднанага сьвету ў Паднёва-Ўсходняй Азіі — Сынгапур, 1971.
• Ціхаакіянскі каледж аб’яднанага сьвету імя Л. Б. Пірсана — г. Вікторыя, правінцыя Брытанская Калумбія, Канада, 1974.
• Паўднёваафрыканскі каледж аб’яднанага сьвету «Уотэрфорд-Камхлаба» — г. Мбабанэ, Сўазілэнд, заснаваны ў 1963, статус КАС з 1981.
• Заходнеамэрыканскі каледж аб’яднанага сьвету імя А. Хамэра — г. Мантэсума, акруга Сан-Мігель, штат Нью-Мэксыка, ЗША, 1982.
• Адрыятычны каледж аб’яднанага сьвету — г. Дуіно, камуна Дуіно-Аўрысіна, правінцыя Трыест, рэгіён Фрыулі-Вэнэцыя-Джулія, Італія, 1982.
• Сельскагаспадарчы каледж аб’яднанага сьвету імя С. Балівара — г. Барынас, штат Барынас, Вэнэсуэла, заснаваны ў 1986, статус з 1987.
• Каледж аб'яднанага сьвету «Лі По Чун» — г. Ганконг, Кітай, 1992.
• Паўночны каледж аб’яднанага сьвету Чырвонага Крыжа — в. Флеке, камуна Фьялер, фюльке Сагн-ог-Фьюране, Нарвэгія, 1995.
• Каледж аб’яднанага сьвету «Махіндра» — в. Хубавалі, талука Мульшы, акруга Пуна, штат Махараштра, Індыя, 1997.
• Каледж аб’яднанага сьвету ў Коста-Рыке — г. Санта-Ана, правінцыя Сан-Хасэ, Коста-Рыка, заснаваны ў 2000, статус з 2006.
• Каледж аб’яднанага сьвету ў Мостары — г. Мостар, кантон Герцагавіна-Нерэтва, Фэдэрацыя Босьнія і Герцагавіна, Босьнія і Герцагавіна, 2006.
• Каледж аб’яднанага сьвету ў Маастрыхце — г. Маастрыхт, правінцыя Лімбург, Нідэрлянды, 2009.

• 
  Атлянтычны каледж. Выгляд з заліву.
• 
  Паўднёваафрыканскі каледж. Інтэрнат.
• 
  Паўночны каледж

Вядомыя выпускнікі

ЯКВ прынц Аранскі Вільлем-Аляксандар

Сярод вядомых выпускнікоў каледжаў (зьвесткі на 2010 г.):

• Яго Каралеўская Высокасьць прынц Аранскі Вільлем-Аляксандар(nl), Нідэрлянды
• Аляксандар Дуглас(en) — брытанскі палітык
• Ян Кхама(en) — прэзыдэнт Батсваны
• Карэн Джой Морыс(zh) — кітайская кінаакторка («Вакол сьвету за 80 дзён»(en)), сьпявачка
• Піліп Ніаркас(en) — грэцкі мільярдэр, сустаршыня дабрачыннага Фонду С. Ніаркаса
• Ёрма Оліла(fi) — старшыня праўленьня кампаніі «Нокія», Фінляндыя
• Джулі Пает(fr) — канадзкі астранаўт
• ЯКВ крон-прынц Грэцыі і Даніі Паўлас(el)
• ЯКВ прынцэса Ярданіі Рая бін аль-Хусэйн(en)
• Ліндзіве Сісулу(en) — міністар абароны Паўднёва-Афрыканскай Рэспублікі
• Ленэ Фэльтман Эспэрсэн(da) — міністар эканомікі Даніі

• 
  Ёрма Оліла
• 
  Джулі Пает
• 
  Карэн Джой Морыс

• 
  Ліндзіве Сісулу
• 
  Ленэ Эспэрсен
• 
  Аляксандар Дуглас

Вонкавыя спасылкі

• UWC Official Website  (анг.)
• UWC Student Magazine  (анг.)
• Каледжы аб'яднанага свету
• Жительница Светлогорска окончила индийский колледж  (рас.) // Белорусская деловая газета, 18 верасьня 2002.
• Раманцоў В. Амерыканскі дыплом для нашай зямлячкі // Гомельская праўда, 15 ліпеня 2004, С. 5.
• Белоруска заняла III-е место на международном турнире по «Дебатам»  (рас.) // БелаПАН, 8 студзеня 2009.
• Маслюкоў Т. У міжнародныя каледжы прыняты новыя навучэнцы з Беларусі // 1 траўня 2009.
• Беларусы ў найдаражэйшых каледжах ЗША. Адкуль грошы? // Радыё Свабода. 6 жніўня 2009.