Зінаіда Гасьціловіч

Зінаіда Гасьціловіч лац. Zinajida Haściłovič
Дата нараджэньня	29 лютага 1952(1952-02-29) (74 гады)
Месца нараджэньня	Рэўкі, Вішнеўскі сельсавет, Валожынскі раён, Маладэчанская вобласьць, БССР, СССР
Месца вучобы	Менская дзяржаўная пэдагагічная вучэльня імя Крупскай[d] (1971) філялягічны факультэт БДПУ імя Максіма Танка[d] (1970)
Занятак	паэтка, пісьменьніца, настаўніца
Сябра ў	Саюз пісьменьнікаў Беларусі і Рунь

Зінаіда Геранімаўна Гасьціловіч (у дзявоцтве Краскоўская; 29 лютага 1952) — беларуская паэтка, настаўніца. Сябра Саюзу пісьменьнікаў Беларусі.

Біяграфія

У 1959 годзе пайшла ў Ластаянцаўскую васьмігадовую школу, па заканчэньні якой у 1967 годзе паступіла ў Менскую пэдагагічную вучэльню, дзе атрымала спэцыяльнасьць настаўніка пачатковых клясаў. У 1971 годзе вярнулася ў Валожынскі раён. Пэдагагічную дзейнасьць пачынала ў Анцэлеўшчынскай пачатковай школе.

13 студзеня 1973 году выйшла замуж за Рамуальда-Андрэя Аляксандравіча Гасьціловіча, пераехала ў вёску Падбярэзь Валожынскага раёна. У 1974 годзе нарадзілася дачка Ала, у 1976 годзе — дачка Вольга.

У 1976 годзе паступіла на філялягічны факультэт Менскага дзяржаўнага пэдагагічнага інстытуту.

У 2008 годзе выйшла на пэнсію.

Творчасьць

Першы верш «Партрэт» напісала ў 1965 годзе, калі была вучаніцай 6 клясы. Першае публічнае выступленьне адбылося на сьвяточнай вечарыне ў 1968 годзе ў Менскай пэдагагічнай вучэльні.

Літаратурны дэбют у друку адбыўся 19 жніўня 1995 году на «Літаратурнай старонцы» газэты «Працоўная слава» Валожынскага раёну, дзякуючы якому паэтка стала сябрам народнага літаратурна-мастацкага абʼяднаньня «Рунь».

У 2017 годзе, дзякуючы выдавецтву «Каўчэг», выйшаў з друку паэтычны зборнік «Лёсу майго карункі» і зборнік «Плынь нашага жыцьця» у суаўтарстве з родным братам Дзьмітрыем Краскоўскім.

Глядзіце таксама

• Гасьціла