Перайсьці да зьместу

Зоі Садоўскі-Сынат

Зьвесткі зь Вікіпэдыі — вольнай энцыкляпэдыі
Зоі Садоўскі-Сынат
Пэрсанальная інфармацыя
Нарадзілася6 сакавіка 2001(2001-03-06) (24 гады)
Грамадзянства
Прафэсійная інфармацыя
Спэцыялізацыясноўбордар
Узнагароды і мэдалі
Сябра ордэна Заслугаў Новай Зэляндыі

Зоі Садоўскі-Сынат (па-ангельску: Zoi Sadowski-Synnott; 6 сакавіка 2001 году) — новазэляндзкая сноўбардыстка, якая спаборнічае ў слоўп-стайле і біг-эйры. Алімпійская чэмпіёнка і прызэрка. Дзякуючы перамозе ў слоўп-стайле ў 2022 годзе прынесла першы ў гісторыі залаты алімпійскі мэдаль для Новай Зэляндыі.

Кар’ера

[рэдагаваць | рэдагаваць код]

Упершыню вызначылася на чэмпіянаце сьвету 2017 годзе, дзе ўзяла срэбны мэдаль у слоўп-стайле[4]. Затым выступала за Новую Зэландыю на зімовых Алімпійскіх гульнях 2018 году ў Пхёнчхане[5], дзе стала ўладальніцай бронзавага мэдаля ў біг-эйры, стаўшы толькі другой новазэляндкай, якая брала алімпійскі мэдаль на зімовых гульнях пасьля Анэліз Кобэргер, якая выйграла срэбра ў жаночым слаламе на зімовых Алімпійскіх гульнях 1992 году[6]. Таксама спартоўка стала наймаладзейшая новазэляндзкая алімпійскай прызэркай. У выніку была абраная сьцяганосцам зборнай на цырымоніі закрыцьця[7].

У студзені 2019 году Садоўскі-Сынат здабыла залаты мэдаль у слоўп-стайле і срэбны мэдаль у біг-эйры на сусьветных экстрэмальных гульнях у ЗША[8]. Празь месяц спартоўка стала пераможцай у слоўп-стайле на чэмпіянаце сьвету 2019 году. Гэты ж вынік паўтарыла праз два гады, пасьпяхова абараніўшы тытул. Сноўбардыстка працягвала зьбіраць мэдалі на сусьветных спаборніцтвах. На сусьветных экстрэмальных гульнях 2022 году яна адначасна стала чэмпіёнкай як у слоўп-стайле, гэтак і біг-эйры[9]. 6 лютага 2022 году Садоўскі-Сынат атрымала залаты мэдаль у спаборніцтвах па слоўп-стайле на зімовых Алімпійскіх гульнях 2022 году ў Пэкіне. Гэта быў першы залаты мэдаль краіны агулам на зімовых Алімпійскіх гульнях[10]. Да золата Садоўскі-Сынат узяла яшчя срэбны мэдаль у біг-эйры, стаўшы першай новазэляндкай, якая здабыла некалькі мэдалёў на зімовых Алімпійскіх гульнях[11]. У сакавіку 2025 году яна заваявала свой трэці тытул чэмпіёнкі сьвету па слоўп-стайле на чэмпіянаце сьвету 2025 году[12].

Крыніцы

[рэдагаваць | рэдагаваць код]
  1. ↑ https://www.stuff.co.nz/sport/olympics/101690998/Zoi-Sadowski-Synnotts-double-wildcat-catapults-her-into-NZ-Olympic-folklore
  2. ↑ http://www.worldsnowboarding.org/riders/zoi-sadowski-synnott/
  3. ↑ https://dpmc.govt.nz/publications/new-year-honours-list-2023
  4. ↑ FIS Freestyle Ski and Snowboarding World Championships 2017 Women’s Snowboard Slopestyle Final Results. Medias4.fis-ski.com.
  5. ↑ Nico Porteous joins brother in team for Winter Olympics, history beckon // Stuff (company), 24.10.2017 г.
  6. ↑ Bronze medal! Zoi Sadowski-Synnott wins New Zealand’s first Winter Olympics medal since 1992 in Big Air final. The New Zealand Herald (22.02.2018).
  7. ↑ Zoi Sadowski-Synnott to carry New Zealand flag at closing ceremony // Stuff, 25.02.2018 г.
  8. ↑ Gold for Kiwi Zoi Sadowski Synnott after late call up to elite US event // Stuff, 27.01.2019 г.
  9. ↑ Sadowski-Synnott wins again. Radio New Zealand (23.01.2022).
  10. ↑ Sadowski-Synnott wins slopestyle gold // BBC Sport, 06.02.2022 г.
  11. ↑ Wilson, Sam. Live Winter Olympics: Zoi Sadowski-Synnott goes for gold again // Stuff, 15.02.2022 г.
  12. ↑ Olympic champion Zoi Sadowski-Synnott shines to seize third slopestyle world title at 2025 Snowboard World Championships. Olympics.com (21.03.2025).

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Зоі_Садоўскі-Сынат&oldid=2653478»