Засталь Зялёна Гура

Засталь
Заснаваны	1946
Месцазнаходжаньне	Зялёна Гура, Польшча
Арэна	Заля Зялёнай Гуры Зьмяшчальнасьць: 6080
Галоўны трэнэр	Аркадыюш Мілашэўскі[d]
Чэмпіянат	Польшчы
Форма
Клюбныя колеры
Спасылкі
Афіцыйная бачына
Галерэя здымкаў у Вікісховішчы

«За́сталь» (па-польску: Zastal) — польскі прафэсійны баскетбольны клюб, з гораду Зялёна Гура. Створаны ў 1946 годзе. У найвышэйшай лізе дэбютаваў у 1984 годзе. Упершыню стаў чэмпіёнам Польшчы ў 2013 годзе. Двухразовы ўдзельнік гульняў у Эўралізе (2014 і 2016) і чвэрцьфіналіста Эўракубку (2016). З 2018 па 2022 гады выступаў у Адзінай лізе ВТБ.

Гісторыя

Клюб быў заснаваны ў 1946 годзе пад назвай «Зялёні», і ў наступныя гады некалькі разоў зьмяняў назву. Сярод назваў каманды былі «Сталь», «Вагма» і «Лехія». У пачатку 1960-х гадоў каманда стала спаборнічала ў трэцім дывізіёне Польшчы пад назовам «Лехія». У сэзоне 1966—1967 гадоў клюб упершыню прабіўся ў другі дывізіён. У 1968 годзе каманда ўзяла новы назоў, якім карыстаецца дасюль, — «Засталь».

У сэзоне 1983—1984 гадоў «Засталь» упершыню ў гісторыі прасунуліся ў найвышэйшы дывізіён Польскай баскетбольнай лігі. Клюб заставаўся там доўгі час, аднак у сэзоне 1999—2000 гадоў зь фінансавых чыньнікаў быў вымушаны пакінуць лігу. Гэтыя праблемы прывялі да таго, што «Засталь» апусьціўся ажно ў Трэцюю лігу. У чэрвені 2001 году ўладальнікам каманды стала спартовае акцыянэрнае таварыства «Грона», а праз сэзон клюб вярнуўся ў другі дывізіён.

У сэзоне 2009—2010 гадоў «Засталь» заняла другі радок у Першай лізе і зноў вярнулася ў элітны дывізіён. У гэты час пачаліся залатыя гады для клюбу. У сэзоне 2011—2012 гадоў каманда заняла трэці радок у лізе. Праз спонсарскія чыньнікі ўлетку 2012 году каманда пачала называцца «Стэльмэт». У сэзоне 2012—2013 гадоў зялёнагурскі клюб упершыню стаў чэмпіёнам краіны, кваліфікаваўшыся ў Эўралігу 2013—2014 гадоў. У наступныя гады клюб стала змагаўся за тытул чэмпіёна Польшчы, а таксама гуляў у Эўропе. Пасьля польскі клюб далучыўся да Адзінай лігі ВТБ, дзе ў тым ліку спаборнічаў зь менскімі «Цмокамі». 24 лютага 2022 году каманда спыніла свае выступы ў Адзінай лізе ВТБ праз уварваньне Расеі ва Ўкраіну.

Дасягненьні

Нацыянальныя турніры

Чэмпіянат Польшчы:

• Чэмпіён (5): 2013, 2015, 2016, 2017, 2020
• Срэбраны прызэр: 2014, 2021
• Бронзавы прызэр: 2012

Кубак Польшчы:

• Пераможца (3): 2015, 2017, 2021
• Срэбраны прызэр: 2016

Супэркубак Польшча:

• Пераможца: 2015, 2020, 2021

Вонкавыя спасылкі

• Афіцыйны сайт.
• Профіль на Eurobasket.com