Перайсьці да зьместу

Зак Лавін

Зьвесткі зь Вікіпэдыі — вольнай энцыкляпэдыі
Зак Лавін
па-ангельску: Zachary Thomas LaVine[1]
Пазыцыя: атакавальны абаронца
Рост: 196 см
Вага: 91 кг[2]
Грамадзянства:
Нарадзіўся: 10 сакавіка 1995(1995-03-10) (30 гадоў)
Альма-матэр:
Драфт

13, драфт НБА 2014 году
Мінэсота Тымбэрўулвз

Клюбная інфармацыя
Клюб Сакрамэнта Кінгс
Нумар 8
Клюбы
Гады Клюб
2013—2014 ЮКЛА Бруінз[d]
2014—2017 Мінэсота Тымбэрўулвз
2017—2025 Чыкага Булз
2025—4 Сакрамэнта Кінгс
Асабістыя ўзнагароды і дасягненьні
Статыстыка на NBA.com

Закары Лавін (па-ангельску: Zachary LaVine; нар. 10 сакавіка 1995 году) — амэрыканскі баскетбаліст клюбу «Сакрамэнта Кінгс» у НБА. Двухразовы чэмпіён конкурсу слэм-дану НБА. Алімпійскі чэмпіён 2020 году ў складзе зборнай ЗША на гульнях у Токіё.

Кар’ера

[рэдагаваць | рэдагаваць крыніцу]
Лавін у студэнцкія часы.

Лавін быў абраны на драфце НБА 2014 году клюбам «Мінэсота Тымбэрўулвз» пад агульным 13-м нумарам. Свой першы кантракт з клюбам падпісаў 8 ліпеня 2014 году[4]. У першых пяці гульнях сэзону 2014—2015 гадоў Лавін адгуляў у агульнай складанасьці 12 хвіліназ. Калі праз траўму шчыкалаткі на некаторы час выбыў гулец стартавага складу Рыкі Рубіё, Лавін заняў ягонае месца[5][6]. У сваім першым сэзоне ён выйграў конкурс слэм-данкаў НБА, стаўшы наймаладзейшым пераможцам спаборніцтваў пасьля 18-гадовага Кобі Браянта ў 1997 годзе[7]. Праз год паўтарыў гэтым вынік.

23 сьнежня 2016 году аднавіў свой рэкорд выніковасьці, назьбіраўшы 40 пунктаў у матчы супраць «Сакрамэнта Кінгс». 4 лютага ён атрымаў траўму левага калена, якая патрабавала ўмяшальніцтва хірурга[8]. У выніку гулец прапусьціў астатнюю частку сэзону. 22 чэрвеня 2017 году ён стаў гульцом «Чыкага Булз», куды яго абмянялі разам з Крысам Данам, а ў адваротным кірунку рушыў Джымі Батлер[9]. Таксама каманды абмяняліся правамі на выбар на драфце. 13 студзеня 2018 году, у сваёй першай гульні за 11 месяцаў, Лавін набраў 14 пунктаў у пераможным матчы супраць «Дэтройт Пістанз» (107:105)[10].

5 лістапада 2018 году ён набраў 41 пункт, улучна зь пераможным кідком, у гульні супраць «Нью-Ёрк Нікс». 23 лютага 2019 году ён пераадолеў свой рэкорд 42-а пунктамі ў гульні супраць «Бостан Сэлтыкс». 1 сакавіка 2019 году ў матчы супраць «Атланты Гокс», якая завяршылася зь лікам 168:161 на карысьць «Чыкага» і ў якой было чатыры авэртаймы, ён паклаў на свой рахунак 47 пунктаў. 23 лістапада 2019 году ён набраў 49 пунктаў у матчы супраць «Шарлот Горнэтс»[11].

28 кастрычніка 2023 году баскетбаліст набраў 51 пункт у матчы супраць «Дэтройт Пістанз» (118:102)[12]. У лютым 2024 году «Чыкага Булз» абвесьціў, што нападніку будзе зробленая апэрацыя на правай назе ў канцы сэзону[13]. Ён таксама дасягнуў 1051 трохачковых кідка, выкананых у складзе «Булз», абышоўшы паводле гэтага паказьніку былога рэкардсмэна Кэрка Гінрыка ў гісторыі франшызы[14]. 3 лютага 2025 году Лавін поруч з Сыдзі Сысако ў дадатак да трох выбараў у першым раўндзе і трох выбараў у другім раўндзе драфтаў, былі абмяняныя ў «Сакрамэнта Кінгс». Ва ўгодзе яшчэ браў удзел «Сан-Антоніё Спэрз»[15].

Крыніцы

[рэдагаваць | рэдагаваць крыніцу]
  1. ^ а б https://www.nba.com/gamenotes/bulls.pdf
  2. ^ а б Нацыянальная баскетбольная асацыяцыя https://www.nba.com/player/203897
  3. ^ а б College Basketball at Sports-Reference.com
  4. ^ «Timberwolves Sign First-Round Pick Zach LaVine». NBA.
  5. ^ Zgoda, Jerry (10.11.2014). «Wolves place trust in LaVine». Star Tribune.
  6. ^ Harper, Zach (12.11.2014). «Zach LaVine approaches surprise point guard role with confidence». CBS Sports.
  7. ^ Lonzo Ball earns MVP honors at Ballislife All-American Game in Long Beach». Press Telegram.
  8. ^ «Zach LaVine surgery update». NBA.
  9. ^ «Bulls acquire Dunn, LaVine and Markkanen from Minnesota». Chicago Bulls.
  10. ^ «Bulls top Pistons 107-105 in Zach LaVine’s return». ESPN.
  11. ^ «LaVine scores 49, hits winner day after benching». ESPN.
  12. ^ Villas, Rexwell (28.10.2023). «Bulls’ Zach LaVine dropping 51 points vs. Pistons has fans going bonkers». ClutchPoints.
  13. ^ «Bulls’ Zach LaVine to have season-ending foot surgery ahead of trade deadline». FOX Sports.
  14. ^ Pagaduan, Jedd (29.11.2024). «Bulls’ Zach LaVine sets impressive franchise record vs. Celtics». ClutchPoints.
  15. ^ «Kings Acquire Zach Lavine, Sidy Cissoko and Multiple Draft Picks in Three-Team Trade». NBA.
Атрымана з «https://be-tarask.wikipedia.org/w/index.php?title=Зак_Лавін&oldid=2605389»