Енінг дэ Боо

	Енінг дэ Боо
Пэрсанальная інфармацыя
Нарадзіўся	22 студзеня 2004 (22 гады); Гронінген, Нідэрлянды;
Грамадзянства	Нідэрлянды;
Прафэсійная інфармацыя
Спэцыялізацыя	шорт-трэкіст, канькабежац

Е́нінг дэ Боо (па-нідэрляндзку: Jenning de Boo; нар. 22 студзеня 2004 году) — нідэрляндзкі канькабежац на кароткай трасе. Прызэр зімовых Алімпійскіх гульняў 2026 году.

Кар’ера

Пачаў займацца канькабежным спортам у родным Гронінгену, але хутка пераключыўся на шорт-трэк^[2]. Хлопец сумяшчаў два гэтыя віды спорту, акрамя гэтага таксама браў удзел у спаборніцтвах па ролікавым катаньні на нацыянальным узроўні ў Нідэрляндах. Дэ Боо пасьпеў выступіць на юнацкіх Алімпійскіх гульнях, перш чым на сталай аснове пераключыўся толькі на канькабежны спорт. Спартовец дэбютаваў на Кубку сьвету ў лістападзе 2023 году на авальным стадыёне Мэйдзі-Хакайда-Такачы ў Японіі, дзе фінішаваў дзясятым у забегу на 1000 мэтраў^[3]. На сваім дэбютным чэмпіянаце Эўропы 2024 году ў Гээрэнвээне дэ Боо сьвяткаваў перамогу ў забегу на 500 мэтраў, быў другім на дыстанцыі 1000 мэтраў і фінішаваў у тройцы ў камандным спрынце. У лютым на сваім першым чэмпіянаце сьвету на асобных дыстанцыях у Калгары ўзяў срэбны мэдаль у камандным спрынце. Праз год таксама станавіўся прызэрам чэмпіянату сьвету на асобных дыстанцыях ды ўзяў залаты мэдаль у спрынце на чэмпіянаце Эўропы.

На зімовых Алімпійскіх гульнях 2026 году дэ Боо заваяваў срэбныя мэдалі ў забегах на 500 і 1000 мэтраў. Абодва разы ён браў удзел у адным забегу зь пераможцам амэрыканцам Джорданам Столцам^[4]^[5].

Крыніцы

1 2 https://www.lausanne2020.sport/results/nh/en/Participant/List
↑ Thanks to the Chinese sprinter, De Boo attracts attention: «My pelvis is more flexible»(недаступная спасылка). The Nation View.
↑ ISU World Cup #1 — 1000m Men Division A. International Skating Union (ISU).
↑ Nazare, Pearl. American speed skater Stolz savours 'historic battles' with De Boo after more Milano Cortina glory // Reuters, 14.02.2026 г.
↑ Pascoe, Robin (14.02.2026) Jenning de Boo wins second Olympic silver, again behind Stolz. DutchNews.nl.

Вонкавыя спасылкі

Профіль (анг.) на ISU.

[_f1e22e1389a756bb-1] 1 2 https://www.lausanne2020.sport/results/nh/en/Participant/List

[2] Thanks to the Chinese sprinter, De Boo attracts attention: «My pelvis is more flexible»(недаступная спасылка). The Nation View.

[3] ISU World Cup #1 — 1000m Men Division A. International Skating Union (ISU).

[4] Nazare, Pearl. American speed skater Stolz savours 'historic battles' with De Boo after more Milano Cortina glory // Reuters, 14.02.2026 г.

[5] Pascoe, Robin (14.02.2026) Jenning de Boo wins second Olympic silver, again behind Stolz. DutchNews.nl.

[1]

[2]

[3]

[4]

[5]