Дэльта Акаванга

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Дэльта Акаванга (або Балота Акаванга) у Батсване — найбольшая ў сьвеце ўнутраная рачная дэльта, то бок дэльта, якая ня мае сьцёку ў акіян ці мора.

« «Загадка, і куды дзяецца ўся гэтая вада; містыка нейкая», Аўрэл Шульц, 1897 »

Раней тэрыторыя дэльты была часткай возера Макгадыкгадзі, што высахла каля 10 тыс. рокаў таму. Зараз рака Акаванга, што сьцякае з плято Анголы, ня мае сьцёку ў моры. Замест гэтага, яна ўліваецца ў пяскі пустэльні Калахары, абвадняючы 15000 км² пустэльні. Шторок каля 11 км³ вады дасягае дэльты. Частка гэтай вады падчас вільготнага сэзону сягае далёка на поўдзень, ствараючы возера Нгамі.

Выгляд дэльты з вышыні 1200 футаў

Вада ракі незвычайна чыстая, перш за ўсё з-за адсутнасьці сельскагаспадарчай і прамысловай дзейнасьці ўздоўж ракі Акаванга. У дэльце вада праходзіць скрозь фільтар шматлікіх выспаў і выпарваецца, пакідаючы пасьля сябе шмат солі. Гэтыя адклады солі часта бываюць настолькі магутнымі, што расьліннасьць зьнікае ў цэнтральных частках выспаў, дзе ў большай колькасьці адкладаюцца крышталі солі.

Антылёпа скочыць па-над пратокаю

Рака Акаванга разьліваецца шторок на працягу вільготнага сэзону, які пачынаецца ў сярэдзіне лета на поўначы і на 6 месяцаў пазьней на поўдні. Вада дэльты адносна хутка выпарваецца з-за высокіх тэмпэратураў і сухога паветру, што прыводзіць да цыклічнай зьмены памеру дэльты. Выспы часта цалкам зьнікаюць на працягу паводак, а затым зноў асушваюцца на працягу сухога сэзону.

Крыніцы[рэдагаваць | рэдагаваць крыніцу]

  • Bock, J. (2002). Learning, Life History, and Productivity: Children’s lives in the Okavango Delta of Botswana. Human Nature 13(2) 161—198. Full text
  • Allison, P. (2007). Whatever You Do, Don’t Run: True Tales Of A Botswana Safari Guide

Вонкавыя спасылкі[рэдагаваць | рэдагаваць крыніцу]

Commons-logo.svg Дэльта Акавангасховішча мультымэдыйных матэрыялаў

Каардынаты: 19°00′ пд. ш. 23°00′ у. д. / 19° пд. ш. 23° у. д. / -19; 23