Домэн Прэўц
| Домэн Прэўц | |
.jpg) | |
| Пэрсанальная інфармацыя | |
|---|---|
| Нарадзіўся | 4 чэрвеня 1999[1] (26 гадоў) |
| Грамадзянства | |
| Прафэсійная інфармацыя | |
| Спэцыялізацыя | скакун з трампліну |
Домэн Прэўц (па-славенску: Domen Prevc; нар. 4 чэрвеня 1999 году) — славенскі скакун на лыжах з трампліну. Пераможца Турнэ чатырох трамплінаў 2025—2026 гадоў. Паходзіць з спартовай сям’і, бо ягоныя браты Пэтэр і Цэнэ, а таксама сястра Ніка таксама прафэсійна займаюцца ці займаліся скачкамі з трампліну.
Кар’ера
[рэдагаваць | рэдагаваць код]
Дэбютаваў у Кубку сьвету 22 лістапада 2015 году ў Клінгенталі, заняўшы восьмае месца. Яму спатрэбілася ўсяго чатыры старты на турніры, каб дасягнуць свайго першага подыюма 19 сьнежня 2015 году ў Энгельбэргу, дзе спартовец заняў другое месца[2]. На гэтым спаборніцтве Домэн і Пэтэр Прэўцы ўдвох узьняліся на подыюм, стаўшы першымі братамі-прызэрамі ў гісторыі Кубка сьвету[3]. Упершыню перамог на этапе Кубка сьвету 25 лістапада 2016 году на адкрыцьці сэзону ў Руцы. Неўзабаве пасьля гэтага, у сьнежні, ён здабыў перамогі яшчэ ў трох стартах у Клінгенталі, Лілегамэры і Энгельбэргу[4][5][6].
У наступныя гады славенец ня меў вялікіх посьпехаў, часам прапускаючы спаборніцтвы і часта фінішуючы ў другой ці трэцяй дзясятцы. У выніку Прэўц нават ня быў запрошаны на чэмпіянат сьвету 2017 году. Толькі 28 студзеня 2023 году спартовец упершыню амаль за пяць гадоў узьняўся на подыюм на этапе Кубка сьвету ў Аўстрыі, а чарговая перамога на этапе адбылася толькі 18 лютага 2024 году ў японскім Сапара.
Прарыў адбыўся на чэмпіянаце сьвету 2025 году, дзе Прэўц узяў залатыя мэдалі на вялікім трампліне ў асабістых выступах і ў складзе славенскай каманды, а таксама разжыўся срэбрам у мяняшай камандзе. 30 сакавіка 2025 году ў Планіцы скакун усталяваў новы сусьветны рэкорд, скокнуўшы на 254,5 мэтры[7]. Фантастычна пачаў сэзон 2025—2026 гадоў, з канца лістапада па пачатак студзеня заўжды трапляючы на подыюм. Пры гэтым спартовец запар перамог у пяці з шасьці стартах сьнежня. На сутыку 2025 і 2026 гадоў упершыню ў кар’еры стаў пераможцам Турнэ чатырох трамплінаў[8].
Крыніцы
[рэдагаваць | рэдагаваць код]- ↑ Domen Prevc // https://pantheon.world/profile/person/Domen_Prevc
- ↑ World Cup leader Prevc beats 16-year-old brother for win. wtop.com. Архіўная копія ад 22.12.2015 г.
- ↑ Prevc brothers make history in Switzerland. Eurosport.
- ↑ Domen Prevc dominates the world's elite in Klingethal. International Ski Federation.
- ↑ Outstanding performance by Domen Prevc in Lillehammer. International Ski Federation.
- ↑ Domen Prevc jumps to his next win in Engelberg. International Ski Federation.
- ↑ Fantastičen finale: Prevc do svetovnega rekorda, Lanišek do zmage. RTV Slovenija (30.03.2025).
- ↑ Marczuk, Wiktor (2026-01-06) Domen Prevc zwycięzcą 74. Turniej Czterech Skoczni. To nie on jednak wygrał w Bischofshofen. TVP Sport. Праверана 2026-01-06 г.
Вонкавыя спасылкі
[рэдагаваць | рэдагаваць код]- Профіль (анг.) на FIS