Дзіцячы фонд ААН

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Марка ААН

ЮНІСЭФ (па-ангельску: United Nations International Children’s Emergency Fund) — фундацыя Аб’яднаных Нацыяў для дапамогі дзецям.

Гэтая арганізацыя ўваходзіць ў ААН. Была створана па ініцыятыве Людвіка Рэйхмана 11 сьнежня 1946 году ў выніку рашэньня Генэральнай асамблеі ААН. Галоўнай мэтай дзеяньня ЮНІСЭФ зьяўляецца забесьпячэньне атрыманьня дзецьмі паўнавартаснай ежы, аховы здароўя, адукацыі і г. д. Геаграфічных абмежаваньняў дзеяньня арганізацыі няма.

Першапачаткова ЮНІСЭФ займалася дапамогай дзецям, якія жылі ва ўмовах зруйнаванай пасьля Другой сусьветнай вайны Эўропы лекамі, адзеньнем, ежай і г. д. Пасьля 1953 году, калі ЮНІСЭФ быў далучаны да ААН, сфэра яго дзейнасьці значна пашырылася. Фундацыя пачала займацца ня толькі аховай здароўя дзяцей, але і забесьпячэньнем элемэнтарнай адукацыі маці і дзяцей у краінах, якія разьвіваюцца. За сваю дзейнасьць у 1965 годзе ЮНІСЭФ атрымаў Нобэлеўскую прэмію міру.

Фонд прымаў актыўны ўдзел у распрацоўцы ААН у 1989 годзе Канвэнцыі аб правах дзіцяці.

У 2001 годзе ў сувязі з тым, што ЮНІСЭФ падтрымлівае аборты (выдае 1% гадавога бюджэта на датацыю абортаў) ад спонсарства фундацыі адмовіўся Ватыкан.

Штаб-кватэра ЮНІСЭФ знаходзіцца ў Нью-Ёрку.

Вонкавыя спасылкі[рэдагаваць | рэдагаваць крыніцу]

Commons-logo.svg Дзіцячы фонд ААНсховішча мультымэдыйных матэрыялаў