Перайсьці да зьместу

Дзьмітры Герман

Зьвесткі зь Вікіпэдыі — вольнай энцыкляпэдыі
Дзьмітры Герман
Пэрсанальная інфармацыя
Нарадзіўся 12 чэрвеня 1988(1988-06-12)[1] (37 гадоў)
Рост 177 см[2]
Вага 75 кг[2]
Пазыцыя паўабаронца
Клюбы
Гады Клюб Гульні (галы)¹
2007—2009 Бяроза-2010 79 (12)
2010 Баранавічы 28 (8)
2011—2012 Слонім-2017 46 (9)
2012 Рэчыца-2014 12 (3)
2013 Гарадзея 19 (2)
2014—2015 Славія Мазыр 43 (4)
2016—2018 Дынама Берасьце 33 (6)
2017 → Атлянтас 16 (2)
2018 → Слуцак 8 (0)
2019 Рух Берасьце 22 (4)
2020 Ноа Юрмала[d] 11 (7)
2021 Тамбоў[d] 6 (0)
2021—2022 Хваля 36 (3)
2023 Астравец 31 (1)
2024 Маладэчна-2018 30 (2)
2025 Хваля 13 (0)
2025 Астравец 13 (0)

Дзьмі́тры Ге́рман (нар. 12 жніўня 1988 году) — беларускі футбаліст, паўабаронца «Астраўцу».

Кар’ера

[рэдагаваць | рэдагаваць код]

Выхаванец менскага «Дынама», дзе выступаў за клюбны дубль. У 2007 годзе далучыўся да другалігавай «Бярозы». У сэзоне 2010 году пасьпяхова выступаў за «Баранавічы» ў Першай лізе, пасьля чаго далучыўся да слонімскага «Белтрансгаза», дзе быў адным зь лідэраў. У лютым 2012 году знаходзіўся на праглядзе ў «Берасьці», але безвынікова[3]. У другой палове 2012 году выступаў за «Ведрыч-97». Па заканчэньні сэзону намагаўся працаўладкавацца ў жодзінскім «Тарпэда-БелАЗ», але беспасьпяхова[4]. У выніку ў лютым 2013 году падпісаў кантракт з «Гарадзеяй»[5].

З лютага 2014 году стаў трэнавацца ў складзе мазырскай «Славіі»[6], і ў выніку пачаў у складзе гэтага клюбу сэзон 2014 году. Неўзабаве здолеў замацавацца ў асноўным складзе мазырчукоў і дапамог клюбу вярнуцца ў Найвышэйшую лігу. Сэзон 2015 году пачаў на лаўцы запасных, але хутка стаў адным з асноўных нападнікаў. У лютым 2016 году пакінуў «Славію» і выправіўся на прагляд у берасьцейскае «Дынама»[7], зь якім у сакавіку падпісаў кантракт[8]. У складзе «Дынама» здолеў замацавацца ў асноўным складзе, гуляў пераважна на пазыцыі левага паўабаронцы. Быў прызнаны аматарамі найлепшым гульцом каманды ў сэзоне 2016 году. У першай палове 2017 году страціў месца ў першым складзе і стаў зьяўляцца на полі эпізадычна. У ліпені 2017 году быў аддадзены ў арэнду летувіскаму «Атлянтасу»[9], дзе стаў трывала гуляць у асноўным складзе.

У студзені 2018 году пачаў рыхтавацца да новага сэзону зь берасьцейскай камандай[10]. Пазьней, аднак, ня трапіў на другі турэцкі збор «Дынама», і неўзабаве далучыўся да «Слуцка», які ў лютым 2018 году арандаваў гульца[11]. Пачынаў сэзон 2018 году ў пачатковым складзе, аднак з чэрвеня да канца сэзону не зьяўляўся на полі праз траўмы. У сьнежні 2018 году пакінуў слуцкую каманду[12] і неўзабаве прыяднаўся да берасьцейскага «Руху»[13]. У складзе «Руха» звычайна гуляў у стартавым складзе, у кастрычніку 2019 году атрымаў траўму, празь якую выбыў да канца сэзону. У студзені 2020 году па заканчэньні кантракта пакінуў «Рух»[14]. Сэзон 2020 правёў у складзе дзьвінскага «Лякаматыва»[15], якому дапамог перамагчы ў Першай лізе Латвіі і прабіцца ў Найвышэйшую лігу. У лютым 2021 году стаў гульцом расейскага «Тамбова»[16]. У сакавіку быў адхілены клюбам ад трэнаваньняў праз падазрэньні ў гульні на стаўках[17], у красавіку вярнуўся ў склад. Гуляў за «Тамбоў» да лета 2021 году, калі каманда выбыла з Прэм’ер-лігі і спыніла існаваньне.

У жніўні 2021 году пачаў трэнавацца зь пінскай «Хваляй» і неўзабаве падпісаў кантракт[18]. Хутка замацаваўся ў першай адзінаццатцы пінскай каманды. У студзені 2022 году падоўжыў пагадненьне з клюбам[19]. Пакінуў «Хвалю» ў сьнежні 2022 году[20]. У студзені 2023 году трэнаваўся з «Хваляй», а неўзабаве далучыўся да «Астраўца» і ў лютым афіцыйна стаў гульцом клюбу. У студзені 2024 году пакінуў «Астравец»[21] ды прыяднаўся да «Маладэчна-2018»[22], згуляўшы ў складзе пераможцаў Першай лігі амаль усе матчы. На самым пачатку лютага 2025 году стала вядома, што Герман вернецца ў пінскую «Хвалю»[23]. Улетку прыяднаўся да «Астраўцу»[24].

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Славія Мазыр2015Найвышэйшая ліга212
Дынама Берасьце2016Найвышэйшая ліга274
2017Найвышэйшая ліга62
Слуцак2018Найвышэйшая ліга80

Крыніцы

[рэдагаваць | рэдагаваць код]
  1. ↑ Soccerway (мн.)
  2. 1 2 3 http://fcvolna-pinsk.by/player/dmitrij-german/
  3. ↑ Семенюк стал игроком «Бреста», Герман и Лапшин покинули расположение клуба (рас.) Архіўная копія ад 2012-05-12 г.
  4. ↑ Чередниченко подписал контракт с «Торпедо-БелАЗ» (рас.)
  5. ↑ Пухов, Мархель и Герман подписали контракты с «Городеей» (рас.)
  6. ↑ Страханович, Гаев, Котляров, Слесарчук и еще 18 футболистов приняли участие в первой тренировке "Славии" (рас.)
  7. ↑ "Славия" рассталась с Дмитрием Германом, Петр Зыль не подошел команде (рас.)
  8. ↑ Огар, Чиж, Демешко и еще девять игроков подписали контракты с брестским "Динамо" (рас.)
  9. ↑ Брестское "Динамо" отдало Чижа и Германа в аренду и рассталось с Мозолевским (рас.)
  10. ↑ Радослав Латал провел первую тренировку брестского "Динамо" (рас.)
  11. ↑ "Слуцк" арендовал Германа у брестского "Динамо" (рас.)
  12. ↑ Сергей Щегрикович и Дмитрий Герман покинули "Слуцк" (рас.)
  13. ↑ Дмитрий Герман продолжит карьеру в "Рухе" (рас.)
  14. ↑ "Рух" объявил о расставании с Германом и Букаткиным (рас.)
  15. ↑ «Локо» настроен по-боевому (рас.)
  16. ↑ Дмитрий Герман и Родион Сямук перешли в "Тамбов" (рас.)
  17. ↑ Футбол. "Тамбов" отстранил от тренировок белоруса Дмитрия Германа, подозреваемого в игре на ставках (рас.) Архіўная копія ад 2021-08-16 г.
  18. ↑ Пинская "Волна" подписала Дмитрия Германа (рас.)
  19. ↑ Дмитрий Герман продлил контракт с «Волной» (рас.) Афіцыйны сайт пінскай «Хвалі»
  20. ↑ Пять игроков покинули "Волну" (рас.)
  21. ↑ "Островец" покинули трое игроков (рас.)
  22. ↑ "Молодечно" объявил о подписании контракта с Германом (рас.)
  23. ↑ Дмитрий Герман вернулся в "Волну" (рас.). Football.by (2025-02-01). Праверана 2025-03-10 г.
  24. ↑ Дмитрий Герман пополнил состав "Островца" (рас.). Football.by (2025-07-30). Праверана 2025-08-09 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Дзьмітры_Герман&oldid=2630012»