Дзьмітры Бясьсьмертны
| Дзьмітры Бясьсьмертны | ||
| Пэрсанальная інфармацыя | ||
|---|---|---|
| Нарадзіўся | 3 студзеня 1997[1][2] (29 гадоў) | |
| Рост | 175 см | |
| Вага | 68 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Алга[d] | |
| Нумар | 23 | |
| Клюбы | ||
| Гады | Клюб | Гульні (галы)¹ |
| 2015—2018 | Менск | 77 (6) |
| 2019—2023 | БАТЭ | 72 (6) |
| 2023—2024 | Актабе | 27 (0) |
| 2025 | Кубань[d] | 18 (1) |
| 2025— | Алга[d] | 13 (0) |
| Зборныя | ||
| 2013—2014 | Беларусь (да 19)[d] | |
| 2016—2018 | Беларусь (да 21) | 14 (1) |
| 2019—2022 | Беларусь | 7 (0) |
|
¹ Колькасьць гульняў і галоў за прафэсійны клюб лічыцца толькі | ||
Дзьмі́тры Бясьсьме́ртны (нар. 3 студзеня 1997 году) — беларускі футбаліст, паўабаронца кыргыскага клюбу «Алга».
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Выхаванец футбольнага клюбу «Менск», з 2014 году пачаў выступаць за клюбны дубль і хутка замацаваўся ў ягоным складзе. 17 чэрвеня 2015 году дэбютаваў у Найвышэйшай лізе ў асноўнай камандзе «Менску», выйшаўшы на зьмену на 76-й хвіліне матчу супраць «Тарпэда-БелАЗ» (0:2). У сэзоне 2016 году стаў часьцей зьяўляцца ў галоўнай камандзе менчукоў, нярэдка і ў стартавым складзе, дзе звычайна выступаў на пазыцыі правага паўабаронцы. У сэзоне 2017 году ўжо трывала замацаваўся як асноўны правы паўабаронца каманды, часам выкарыстоўваўся на пазыцыі правага абаронцы.
У студзені 2019 году перайшоў у барысаўскі БАТЭ[4]. Спачатку быў гульцом ратацыі, прыцягваўся да дублю, а з кастрычніка 2019 году ў сувязі з траўмаваньнем Аляксея Рыяса замацаваўся ў пачатковым складзе на пазыцыі правага абаронцы. У сэзоне 2020 году чаргаваў выхады ў стартавым складзе і на замену. У лютым 2021 году падоўжыў кантракт з БАТЭ[5]. У сэзоне 2021 году зьяўляўлся на полі нерэгулярна, а ў 2022 годзе стаў трывала прыцягвацца да пачатковага складу. У красавіку 2022 году падоўжыў пагадненьне з клюбам да канца 2023 году[6].
У сакавіку 2023 году праз забарону Міністэрства спорту і турызму ня быў дапушчаны да чэмпіянату Беларусі і ня браў удзелу ў афіцыйных матчах. У ліпені 2023 году пакінуў БАТЭ[7]. У жніўні стала вядома, што гулец будзе заяўлены ў склад казаскага «Актабе», замяніўшы ў заяўцы расейца Ідрыса Ўмаева[8]. У сьнежні 2024 году пакінуў каманду, згуляўшы ў ейным складзе 22 матчы. Пасьля быў гульцом расейскай «Кубані» з трэцяга дывізіёну мясцовага першынства. У ліпені 2025 году сышоў з каманды і прыяднаўская да кыргыскага клюбу «Алга».
Міжнародная
[рэдагаваць | рэдагаваць код]Увосень 2015 году ў складзе юніёрскай зборнай Беларусі (да 19) прымаў удзел у кваліфікацыйным раўндзе чэмпіянату Эўропы. 17 студзеня 2016 году дэбютаваў у зборнай Беларусі (да 21), выйшаўшы на замену на 76-й хвіліне матчу супраць зборнай Кыргызстану на Кубку Садружнасьці ў Санкт-Пецярбургу.
У ліпені 2017 году выступаў за другую зборную Беларусі на Кубку Караля ў Тайляндзе. 16 лістапада 2019 году дэбютаваў у нацыянальнай зборнай Беларусі ў адборачным матчы чэмпіянату Эўропы 2020 году супраць зборнай Нямеччыны (0:4), выйшаўшы на замену ў канцы сустрэчы.
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 1 | 0 |
| 2016 | Найвышэйшая ліга | 18 | 1 | |
| 2017 | Найвышэйшая ліга | 28 | 1 | |
| 2018 | Найвышэйшая ліга | 30 | 4 | |
Крыніцы
[рэдагаваць | рэдагаваць код]- ↑ Dmitri Bessmertniy // Transfermarkt (мн.) — 2000.
- ↑ Dmitriy Bessmertny // FBref (анг.)
- ↑ https://fcbate.by/team/base/19
- ↑ Дмитрий Бессмертный стал игроком БАТЭ (рас.)
- ↑ Дмитрий Бессмертный продлил контракт БАТЭ
- ↑ Бессмертный продлил контракт с БАТЭ
- ↑ Еще один футболист из "черного списка" покинул БАТЭ (рас.) Праверана 2023-07-28 г.
- ↑ Бессмертный заявлен за "Актобе" (рас.) Праверана 2023-08-06 г.
Вонкавыя спасылкі
[рэдагаваць | рэдагаваць код]- Профіль на сайце «Менску» (рас.)
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway