Дзень незалежнасьці Ўкраіны
Дзень незалежнасьці Ўкраіны — галоўнае дзяржаўнае сьвята Ўкраіны. Адзначаецца штогод 24 жніўня ў гонар прыняцьця Вярхоўнай Радай УССР Акту абвяшчэньня незалежнасьці Ўкраіны, што прынята лічыць датай утварэньня дзяржавы Ўкраіна ў яе сучасным выглядзе.
Гісторыя
20 лютага 1992 году Вярхоўная Рада Ўкраіны прыняла пастанову «Аб Дні незалежнасьці Ўкраіны», згодна зь якой указана лічыць дзень 24 жніўня Днём незалежнасьці Ўкраіны і штогод адзначаць яго як дзяржаўнае агульнанароднае сьвята Ўкраіны.
Сьвяткаваньне
З 2005 году ўрачыстасьці ў Кіеве з нагоды сьвята пачынаюцца малебнам у Сафійскім саборы з удзелам прадстаўнікоў розных рэлігійных канфэсій і кіраўніцтва дзяржавы.