Джэсыка Дыгінз

	Джэсыка Дыгінз
Пэрсанальная інфармацыя
Нарадзілася	26 жніўня 1991[…] (35 гадоў); Сэнт-Пол, ЗША;
Грамадзянства	ЗША;
Прафэсійная інфармацыя
Спэцыялізацыя	лыжная гоначніца
	Узнагароды і мэдалі Мэдаль Гальмэнколен[d]

Джэ́сыка Ды́гінз (па-ангельску: Jessie Diggins; 26 жніўня 1991 году) — лыжніца з ЗША, якая ўважаецца за самую пасьпяховую лыжніцу краіну за ўсю гісторыю. Спартоўка ёсьць уладальніцай Кубкаў сьвету, алімпійскай чэмпіёнкай ды трымальніцай мэдалёў чэмпіянату сьвету і мноства іншых чэмпіёнскіх дысцыплінаў. Дыгінз карыстае свой статус вядомай спартоўкі дзеля прасоўваньня інфармацыйных матэрыялаў, павязаных зь зьмяненьнем клімату і разладамі харчовых паводзінаў^[6]^[7].

Кар’ера

Не зважаючы на тое, што Дыгінз атрымала стыпэндыю на навучаньне ў Паўночным Мічыганскім унівэрсытэце, яна адклала сваё залічэньне на адзін год, каб узяць удзел у спартовых спаборніцтвах. У 2011 годзе яна была ўлучаная ў склад лыжнай зборнай ЗША^[8] і ў тым жа годзе ўпершыню ўзяла ўдзел у чэмпіянаце сьвету.

У 2013 годзе яна выйграла залаты мэдаль поруч з Кікан Рэндал у камандным спрынце на чэмпіянаце сьвету па лыжных відах спорту ў Валь-дзі-Ф’емэ. Праз год яна дэбютавала ў складзе лыжнай зборнай на зімовых Алімпійскіх гульнях. На чэмпіянаце сьвету па лыжных відах спорту 2017 году ў Лахці, Дыгінз здабыла два мэдалі. Спачатку ў спрынце яна, здабыўшы перамогі ў чвэрцьфінале і паўфінале, узяла срэбны мэдаль, апярэдзіўшы сваю аднакамандніцу Рэндал^[9]. А ў клясычным камандным спрынце яна фінішавала трэцяй, апярэдзіўшы швэдзкую каманду на заключным этапе гонкі. Гэта зрабіла Дыгінз першай амэрыканкай, якая выйграла чатыры мэдалі чэмпіянату сьвету па лыжных гонках^[10]. Дыгінз заняла трэці радок у агульным заліку на Тур дэ Скі 2017—2018 гадоў, стаўшы першай амэрыканкай, якая фінішавала на п’едэстале ў агульным заліку. У Кубку сьвету яна была другой паводле вынікаў сэзону. На зімовых Алімпійскіх гульнях 2018 году ў Пхёнчхане Дыгінз і Рэндал сталі першымі амэрыканскімі лыжніцамі, якія здабылі залаты мэдаль.

Дыгінз стала пераможцам Тур дэ Скі 2021 году, а таксама была першай у агульным заліку Кубка сьвету 2020—2021 гадоў, атрымаўшы найбуйнейшы гадавы прыз у лыжных гонках. На зімовых Алімпійскіх гульнях 2022 году спартоўка стала ўладальніцай бронзы ў жаночым спрынце, стаўшы першай амэрыканкай, якая выйграла індывідуальны алімпійскі мэдаль у спрынце клясычным ходам^[11]. Затым яна ўзяла срэбны мэдаль у жаночай гонцы на 30 кілямэтраў клясычным ходам^[12]. У сьнежні 2022 году Дыгінз пераўзышла амэрыканскі рэкорд паводле колькасьці перамог на Кубку сьвету па лыжных гонках, атрымаўшы чатырнаццатую перамогу^[13]. У 2023 годзе стала чэмпіёнкай сьвету ў забегу клясычным ходам на 10 кілямэтраў. Яна ж перамагла ў турніры Тур дэ Скі 2023—2024 гадоў. Да зімовых Алімпійскіх гульняў 2026 году падыйшла ў якасьці лідэркі Кубка сьвету. На саміх гульнях узяла бронзавы мэдаль у гонцы на 10 км каньковым ходам.

Крыніцы

1 2 Olympedia (анг.) — 2006.
1 2 Team USA athletes database (анг.)
↑ база зьвестак МФЛС (анг.)
↑ нарматыўны кантроль Бібліятэкі Кангрэсу (анг.) — Library of Congress.
↑ Munzinger Sport (ням.)
↑ Mann, Brian. Jessie Diggins is a U.S. cross-country ski powerhouse after 2nd World Cup win // National Public Radio, 03.2024 г.
↑ Jessie Diggins talks climate change & Olympic gold | Cross-country skiing
↑ About – Jessie Diggins: Making the Choice to Ski
↑ Axon, Rachel (02.2017) U.S. women make history at cross-country skiing world championships. USAToday.com.
↑ Shinn, Peggy (02.2017) Jessie Diggins, Sadie Bjornsen Win Bronze In Team Sprint; Diggins Is First American To Win 4 World Medals. United States Olympic Committee. Архіўная копія ад 12.2017 г.
↑ Chappell, Bill (2022). «Jessie Diggins wins first-ever U.S. Olympic medal in cross-country sprint». NPR.org.
↑ Scott, Roxanna (2022). «American Jessie Diggins wins silver in 30K, Team USA’s final medal in Beijing». USA Today.
↑ Jessie Diggins breaks U.S. record for World Cup cross-country ski wins, contacts freeze. sports.yahoo.com.

Вонкавыя спасылкі

Профіль (анг.) на FIS

[_40396fc5ccebc6fa-1] 1 2 Olympedia (анг.) — 2006.

[_af400f5bfa45a69d-2] 1 2 Team USA athletes database (анг.)

[_cfc94c2fae55f5f9-3] база зьвестак МФЛС (анг.)

[_a790d0326a32cc97-4] нарматыўны кантроль Бібліятэкі Кангрэсу (анг.) — Library of Congress.

[_3e5eb1fcaa3c01b2-5] Munzinger Sport (ням.)

[6] Mann, Brian. Jessie Diggins is a U.S. cross-country ski powerhouse after 2nd World Cup win // National Public Radio, 03.2024 г.

[7] Jessie Diggins talks climate change & Olympic gold | Cross-country skiing

[8] About – Jessie Diggins: Making the Choice to Ski

[9] Axon, Rachel (02.2017) U.S. women make history at cross-country skiing world championships. USAToday.com.

[10] Shinn, Peggy (02.2017) Jessie Diggins, Sadie Bjornsen Win Bronze In Team Sprint; Diggins Is First American To Win 4 World Medals. United States Olympic Committee. Архіўная копія ад 12.2017 г.

[11] Chappell, Bill (2022). «Jessie Diggins wins first-ever U.S. Olympic medal in cross-country sprint». NPR.org.

[12] Scott, Roxanna (2022). «American Jessie Diggins wins silver in 30K, Team USA’s final medal in Beijing». USA Today.

[13] Jessie Diggins breaks U.S. record for World Cup cross-country ski wins, contacts freeze. sports.yahoo.com.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]