Джыра д’Італія
| Джыра д’Італія | |
| па-італьянску: Giro d'Italia | |
 | |
 | |
| Тып | Гранд-тур[d] |
|---|---|
| Пэрыядычнасьць | 1 год |
| Краіна | |
| Пачатак | 1909 |
| Арганізатары | RCS MediaGroup[d] |
| giroditalia.it (італ.) (анг.) (гішп.) (фр.) | |
«Джы́ра д’Іта́лія» (па-італьянску: Giro d’Italia) — штогадовая шматдзённая шашэйная роварная гонка, якая ладзіцца на тэрыторыі Італіі[1]. Першая гонка была арганізаваная ў 1909 годзе дзеля павелічэньня продажаў газэты La Gazzetta dello Sport[1][2], і гонка да гэтага часу ладзіцца даччынай кампаніяй уладальніка гэтай газэты[3]. Гонка праводзіцца штогод з моманту ейнага першага старту ў 1909 годзе, за выняткам часу двух сусьветных войнаў[1]. Усьцяж таго, як Джыра набывала вядомасьць і папулярнасьць, склад удзельнікаў пашыраўся ад пераважна італьянскіх роварнікаў да гоначнікаў з усяго сьвету.
Гэта адзін з трохтыднёвых Гранд-тураў прафэсійнага роварнага спорту[1][4], і другі паводле важнасьці тур у сьвеце па Тур дэ Франс. Джыра звычайна пачынаецца ў траўні, часам трываючы да пачатку чэрвеня[1]. Зважаючы на тое, што маршрут зьмяняецца штогод, фармат гонкі застаецца нязьменным, то бок у складзе заўсёды як найменей маюцца дзьве гонкі на час і этапы праз Альпы. Як і іншыя Гранд-туры, сучасныя гонкі Джыра д’Італіі звычайна складаюцца з 21 этапу цягам 23- або 24-дзённага тэрміну, які ўлучае два ці тры дні адпачынку[1].
Раварыст з найменшым агульным часам ёсьць лідэрам агульнай клясыфікацыі, за што атрымлівае ружовую кашулю лідэра. Хоць агульная клясыфікацыя прыцягвае найбольшую ўвагу, перамогі на этапах таксама годныя і прэстыжныя. У рамках Джыра складаюцца клясыфікацыі паводле агульных пунктаў, горных пунктаў, пунктаў сярод маладых гоначнікаў і камандная клясыфікацыя[5].
Крыніцы
[рэдагаваць | рэдагаваць код]- ^ а б в г д е Gregg Seltzer. The History of the Giro d’Italia. // Livestrong, 26.05.2011 г.
- ^ Tour d'Italie ou Giro d'Italia. Larousse.fr (30.03.2012).
- ^ RCS Sport. RCS MediaGroup S.p.A. (24.01.2013). Архіўная копія ад 18.02.2013 г.
- ^ Million dollar, baby! // Future Publishing Limited, 12.01.2007 г.
- ^ Giro d'Italia classifications demystified. Future Publishing Limited (13.05.2008).