Джа Марант
| Джа Марант | ||
| па-ангельску: Temetrius Jamel Morant[1] | ||
 | ||
| Пазыцыя: | гульнёвы абаронца | |
| Рост: | 191 см або 188 см | |
| Вага: | 79 кг і 79,37 кг | |
| Грамадзянства: | ||
| Нарадзіўся: | 10 жніўня 1999[2] (27 гадоў) | |
| Альма-матэр: | ||
| Драфт | ||
|
2, драфт НБА 2019 году | ||
| Клюбная інфармацыя | ||
|---|---|---|
| Клюб | Мэмфіс Грызьліз | |
| Клюбы | ||
| Гады | Клюб | |
| 2017—2019 | Мюрэй Стэйт Рэйсэрз[d] | |
| 2019— | Мэмфіс Грызьліз | |
| Асабістыя ўзнагароды і дасягненьні | ||
| Статыстыка на NBA.com | ||
Тэмэтрыюс Джамэл „Джа“ Марант (па-ангельску: Temetrius Jamel „Ja“ Morant; нар. 10 жніўня 1999 году) — амэрыканскі баскетбаліст клюбу «Мэмфіс Грызьліз» з НБА. У 2022 годзе ён быў запрошаны на свой першы матч усіх зорак НБА. У канцы сэзону Марант быў улучаны ў зборную зорак НБА.
Кар’ера
[рэдагаваць | рэдагаваць код]На драфце НБА 2019 году Марант быў абраны камандай «Мэмфіс Грызьліз» пад другім нумарам[5]. 2 ліпеня ён склаў чатырохгадовы кантракт з «Грызьліз» на суму 39,6 мільёнаў даляраў[6]. 23 кастрычніка гулец запачаткаваў кар’еру ў НБА, стартаваўшы ў матчы супраць «Маямі Гіт» і набраўшы 14 пунктаў, зрабіўшы 4 падборы, 4 перадачы, адзін перахоп і блёк. 9 лютага 2020 году ён зрабіў свой першы ў кар’еры трыпл-дабл у пераможным зь лікам 106:99 матчы супраць «Вашынгтон Ўізардс»[7]. Паводле вынікаў сэзону быў названы найлепшым пачаткоўцам году[8]. 23 сьнежня 2020 году ён набраў рэкордныя 44 пункты, а таксама зрабіў дзевяць перадачаў, два падборы і два перахопы ў матчы супраць «Сан-Антоніё Спэрз»[9]. У наступным сэзоне Марант ня толькі некалькі разоў перасягаў уласныя рэкорды, зарабіўшы 28 лютага 2022 году 52 пункты ў матчы супраць «Сан-Антоніё»[10], але таксама быў запрошаны на матч усіх зорак НБА[11].
6 ліпеня 2022 году баскетбаліст узгодніў умовы новага кантракту з «Грызьліз» тэрмінам на пяць гадоў[12]. Угода ўлучыла 193 мільёны даляраў гарантаваных грошай, якія могуць павялічыцца да 231 мільёнаў даляраў у залежнасьці ад трапленьня гульца ў каманду ўсіх зорак НБА[13]. Цягам сэзону гулец некалькі разоў зрабіў трыпл-даблы, але каманда хутка выбыла з плэй-оф. 5 лютага 2023 году The Athletic апублікаваў справаздачу, у якой апісвалася сварка паміж памочнікамі Маранта і гульцамі «Індыяны Пэйсэрз», зь якімі каманда гуляла 29 студзеня[14]. 4 сакавіка 2023 году стала вядома, што НБА пачала расьсьледаваньне ў сувязі з відэа ў Instagram, на якім Марант дэманструе пісталет у начным клюбе Каларада. Пазьней у той жа дзень «Грызьліз» абвесьцілі, што Марант пакіне каманду на пэўны час. Пазьней Морант пацьвердзіў, што пакіне каманду на «нявызначаны тэрмін», каб знайсьці найлепшыя сродкі дзеля барацьбы з стрэсам, турботай і агульным самаадчуваньнем[15]. 19 сьнежня 2023 году гулец вярнуўся ў каманду пасьля дыскваліфікацыі. У лістападзе 2024 году прапусьціў амаль месяц праз траўму.
Крыніцы
[рэдагаваць | рэдагаваць код]- ↑ https://www.si.com/college-basketball/2019/01/23/ja-morant-murray-state-racers
- 1 2 Ja Morant // FIBA database
- ↑ College Basketball at Sports-Reference.com
- ↑ https://www.nba.com/draft/2019/board#/
- ↑ «Grizzlies select Ja Morant with second overall pick in 2019 NBA Draft». NBA.
- ↑ «Grizzlies sign Ja Morant to multi-year contract». NBA.
- ↑ «Ja Morant fuels Grizzlies’ rally past Wizards with first triple-double». ESPN.
- ↑ «Ja Morant wins 2019-20 Kia NBA Rookie of the Year Award». NBA.
- ↑ Villanueva, Virgil (23.12.2020). «Ja Morant scores career-high 44 points in opening night loss to the Spurs». ClutchPoints.
- ↑ Guinhawa, Angelo (28.02.2022). «Hawks star Trae Young reacts to Ja Morant 'going stupid' for Grizzlies vs. Spurs». ClutchPoints.
- ↑ «Ja Morant named starter for 2022 NBA All-Star Game». Memphis Grizzlies.
- ↑ «Grizzlies’ Ja Morant agrees to 5-year rookie maximum extension». NBA.
- ↑ Wojnarowski, Adrian (1.07.2022). «Ja Morant agrees to 5-year extension worth up to $231 million with Memphis Grizzlies, agent says». ESPN.
- ↑ McGregor, Gilbert (1.03.2023). «Ja Morant incident, explained: NBA investigates red laser, alleged gun threat towards Pacers by friends of Grizzlies star». Sporting News.
- ↑ «As Ja Morant steps away, a moment of truth in Memphis and the development of the Grizzlies’ franchise». Yahoo Sports.