Два полі
| «Два полі» | ||||
| Песьня выканаўцы «Сябры» зь міні-альбому «Завіруха» | ||||
| Мова | беларуская | |||
|---|---|---|---|---|
| Напісаная | 1983 (42 гады таму) | |||
| Выдадзеная | 1984 (41 год таму) | |||
| Фармат | грампласьцінка | |||
| Запісаная | 1983 (42 гады таму) | |||
| Студыя | «Мэлёдыя» (Масква) | |||
| Жанр | вакальная музыка | |||
| Працягласьць | 2:20 | |||
| Лэйбл | Усесаюзнае радыё | |||
| Аўтар(ы) | Анатоль Вярцінскі | |||
| Кампазытар(ы) | Эдуард Ханок | |||
| Пясьняр(ы) | Анатоль Ярмоленка | |||
| Прадусэр(ы) | Уладзімер Рыжыкаў | |||
| храналёгія самотнікаў | ||||
| ||||
«Два полі» — беларуская патрыятычная песьня, запісаная ў 1983 годзе ансамблем «Сябры» на Ўсесаюзным радыё.
Верш да песьні напісаў паэт Анатоль Вярцінскі ў 1976 годзе[1], а музыку — кампазытар Эдуард Ханок. У 1984 годзе песьня выйшла на грампласьцінцы ў міні-складанцы «Завіруха», што зьмяшчала мэлёдыі кампазытара Эдуарда Ханка. У 1985 годзе ўвайшла ў музычны альбом «Я ўдзячны лёсу» гурта «Сябры».
У песьні сьцісла малюецца перамога ў Другой сусьветнай вайне, якая высьпявала на палях Беларусі. У 2014 годзе 1-ы галоўны рэдактар часопіса «Роднае слова» (1987—2006) Міхась Шавыркін адзначыў, што аўтары песьні стварылі вобраз поля як быліннай прасторы, якая набывае акварэльнае аблічча. У маленстве яно паўстае казачнай нівай, дзе забавы і дзівосныя ўяўленьні расквечваюць навакольле. З гадамі поле пераўтвараецца ў працоўныя палеткі. Калі навала дакоціцца да яго квітнеючых межаў, яно становіцца ратным месцам мужнасьці. Шавыркін заўважыў у песьні вобраз «Поля Жыцьця», дзе людзі працуюць, ахвяруюць і змагаюцца дзеля шчасьлівай будучыні. У прыпеве яднаюцца пачуцьцёвыя ўспаміны маленства і сталасьці пра адзіны нязгасны вобраз Поля Жыцьця, якое ўвесь час ёсьць самым блізкім і дарагім. Урэшце, апяваецца жыцьцядайнасьць поля праз вольнасьць і заможнасьць, велічнасьць і творчасьць[2].
Выканаўцы
[рэдагаваць | рэдагаваць крыніцу]У 1984 годзе ансамбаль «Сябры» на чале з Анатолем Ярмоленкам выканаў песьню «Два полі» на Беларускім тэлебачаньні для тэлеканцэрта «Салют Перамогі»[3]. У 1984 годзе кампазытар Эдуард Ханок выпусьціў міні-альбом «Завіруха» з 3-х напісаных ім мэлёдыяў, сярод якіх 2-й была песьня «Два полі» ў выкананьні «Сяброў»[4]. Запіс папярэдне ў 1983 годзе зрабілі на Ўсесаюзным радыё, а саму грампласьцінку накладам 30 000 асобнікаў у 1984 годзе выдала маскоўская студыя грамзапісу «Мэлёдыя» (Расейская СФСР)[5].
У 1985 годзе «Сябры» выступілі зь песьняй акапэльна на 15-м тэлефэстывалі «Песьня-85», які паказвала Цэнтральнае тэлебачаньне СССР[6]. У 1985 годзе гурт выпусьціў вінілавую грампласьцінку з сольным альбомам «Я ўдзячны лёсу», у складзе якога песьня «Два полі» была 2-й па ліку зь 9 мэлёдыяў. Альбом выйшаў на маскоўскай студцыі «Мэлёдыя» па выніках савецкага фэсту «Песьня-85»[7]. Музычным кіраўніком альбому выступіў Мікалай Сацура, а мастацкім — Анатоль Ярмоленка[8].
У 2008 годзе сьпеўны гурт 5-й брыгады спэцпрызначэньня выканаў песьню «Два полі» на 11-м тэлефэстывалі армейскай песьні «Зорка», які вёў палкоўнік Сяргей Макей[9].
5 траўня 2016 году сьпявачка Тацяна Матафонава выканала песьню «Два полі» на прэзэнтацыі зборніка «Галасы паэтаў», якая прайшла ў грамадзкай залі сабору Кірылы Тураўскага ў Новым Ёрку[10]. 13 траўня 2022 году песьню выканаў «Усіхсьвяцкі» мужчынскі хор пад дырыгенцтвам Зьмітра Такмакова[11].
Верш
[рэдагаваць | рэдагаваць крыніцу]
— Анатоль Вярцінскі, «Два полі» |
Крыніцы
[рэдагаваць | рэдагаваць крыніцу]- ^ Анатоль Вярцінскі. Два полі // Беларуская літаратура : хрэстаматыя / склад. Вячаслаў Адамчык, Міраслаў Адамчык. — Менск: Сучасны літаратар, 2004. — 1007 с.
- ^ Кастусь Шавыркін. Два полі // Зьвязда : газэта. — 3 ліпеня 2014. — № 123 (27733). — С. 8. — ISSN 1990-763X.
- ^ «Два полі» А. Ярмоленка і ВІА «Сябры» - 1984 // Ансамбаль «Сябры», 4 лютага 2011 г. Праверана 19 чэрвеня 2025 г.
- ^ «Завіруха» - песьні Эдуарда Ханка (1984) (рас.) // Партал «Парад ансамбляў», 2025 г. Праверана 19 чэрвеня 2025 г.
- ^ Песьні Эдуарда Ханка – «Завіруха» (рас.) // Партал «Дыскагі», 2025 г. Праверана 19 чэрвеня 2025 г.
- ^ ВІА «Сябры» - «Два полі» (а капэла) (1985) // Канал «Музыка на савецкім тэлебачаньні», 5 траўня 2025 г. Праверана 19 чэрвеня 2025 г.
- ^ ВІА «Сябры». «Я ўдзячны лёсу» (1985) (рас.) // Партал «Парад ансамбляў», 2025 г. Праверана 19 чэрвеня 2025 г.
- ^ «Сябры» – «Я ўдзячны лёсу» (рас.) // Партал «Дыскагі», 2025 г. Праверана 19 чэрвеня 2025 г.
- ^ Вакальная група 5 абр СпП - «Два полі» // Канал «Зорка армейскай песьні», 7 ліпеня 2011 г. Праверана 19 чэрвеня 2025 г.
- ^ Анатоль Вярцінскі. «Два полі» // Канал «Беларускі сьвет», 7 траўня 2016 г. Праверана 19 чэрвеня 2025 г.
- ^ «Два полі» // «Усіхсьвяцкі» мужчынскі хор, 13 траўня 2022 г. Праверана 19 чэрвеня 2025 г.
Вонкавыя спасылкі
[рэдагаваць | рэдагаваць крыніцу]- «Два полі» - Э.Ханок, А. Вярцінскі - студэнты БДАМ // Хор Беларускай дзяржаўнай акадэміі мастацтваў, 9 траўня 2021 г. Праверана 19 чэрвеня 2025 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |