Даніель Чофэніг

	Даніель Чофэніг
Пэрсанальная інфармацыя
Нарадзіўся	28 сакавіка 2002 (23 гады); Філях, Карынтыя, Аўстрыя;
Грамадзянства	Аўстрыя;
Прафэсійная інфармацыя
Спэцыялізацыя	скакун з трампліну
	Узнагароды і мэдалі Austrian Sports Personality of the Year[d] (2025)

Даніель Чофэніг (па-нямецку: Daniel Tschofenig; нар. 28 сакавіка 2002 году) — аўстрыйскі скакун на лыжах з трампліну. Паходзіць з славенскай супольнасьці ў Аўстрыі.

Кар’ера

Дэбютаваў у Кантынэнтальным кубку ў сэзоне 2020—2021 гадоў 18 сьнежня 2020 году ў фінскай Руцы. Тады 18-гадовы спартовец фінішаваў на 19-м месцы. 6 студзеня 2021 году скакун запачаткаваў выступы на Кубку сьвету на 69-м Турніры чатырох трамплінаў. 19 лютага ў складзе аўстрыйскай каманды на Кубку сьвету ў Рышнаве заняў дзявятае месца, упершыню трапіўшы ў дзясятку найлепшых. На наступны дзень фінішаваў трэцім у складзе зьмяшанай каманды Аўстрыі.

У сэзоне 2021—2022 гадоў заняў 18-ы радок у Турніры чатырох трамплінаў. Працягнуў удзельнічаць у спаборніцтвах Кубка сьвету і 16 студзеня 2022 году заняў пятае месца ў Закапанах^[1]. Пасьля гэтага Аўстрыйскі алімпійскі камітэт вылучыў яго на зімовыя Алімпійскія гульні 2022 году ў Пэкіне^[2], аднак удзелу ў спаборніцтвах ня браў. 11 лютага 2023 году ўпершыню фінішаваў на подыюме Кубка сьвету, заняўшы трэцяе месца на вялікім алімпійскім трампліне ў Лэйк-Плэсыдзе. На чэмпіянаце Аўстрыі ў кастрычніку 2023 году ў Гінцэнбаху і Бішафсгофэне здабыў залатыя мэдалі як на звычайным, гэтак і на вялікім трамплінах^[3].

На пачатку сэзону 2024—2025 гадоў Чофэніг быў у выдатнай форме. Пасьля другога месца на адкрыцьці Кубка сьвету ў Лілегамэры выйграў свае першыя этапы Кубка сьвету праз два тыдні ў Вісьле. Гэта зрабіла яго першым спартоўцам, народжаным у XXI стагодзьдзі, які дасягнуў індывідуальнай перамогі ў Кубку сьвету. Далей рушыў адрэзак зь перамог. На Турніры чатырох трамплінаў, атрымаўшы дзьве перамогі ў Гарміш-Партэнкірхэне і Бішафсгофэне, а таксама два трэція месцы, чым забясьпечыў перамогу ў турніры, апярэдзіўшы сваіх суайчыньнікаў Яна Гёрля і Штэфана Крафта. Пасьля перамогі ў Гарміш-Партэнкірхэне ўпершыню ў сваёй кар’еры пераняў жоўтую кашулю лідэру Кубка сьвету ад Піюса Пашке. Спартовец захаваў лідэрства да канца сэзону ўпершыню стаўшы пераможцам Кубка сьвету.

Крыніцы

↑ Skispringer Daniel Tschofenig wird Fünfter in Zakopane (ням.). Salzburg24.at (2022-01-29).
↑ Österreichische Olympiamannschaft nominiert (ням.). Skispringen.com (2024-01-24).
↑ Österreichische Meisterschaft: Daniel Tschofenig und Jacqueline Seifriedsberger siegen in Hinzenbach (ням.). Skispringen.com (2023-10-15).

Вонкавыя спасылкі

Профіль (анг.) на FIS

[1] Skispringer Daniel Tschofenig wird Fünfter in Zakopane (ням.). Salzburg24.at (2022-01-29).

[2] Österreichische Olympiamannschaft nominiert (ням.). Skispringen.com (2024-01-24).

[3] Österreichische Meisterschaft: Daniel Tschofenig und Jacqueline Seifriedsberger siegen in Hinzenbach (ням.). Skispringen.com (2023-10-15).

[1]

[2]

[3]