Даніель Столь

	Даніель Столь
Пэрсанальная інфармацыя
Поўнае імя	па-швэдзку: Daniel Ståhl
Нарадзіўся	27 жніўня 1992 (33 гады); Швэцыя;
Грамадзянства	Швэцыя;
Прафэсійная інфармацыя
Спэцыялізацыя	кідальнік дыска
	Узнагароды і мэдалі Svenska Dagbladet Gold Medal[d] (2023)

Даніель Столь (па-швэдзку: Daniel Ståhl; 27 жніўня 1992 году) — швэдзкі кідальнік дыска, алімпійскі чэмпіён 2020 году, трохразовы чэмпіён сьвету 2019, 2023 і 2025 гадоў, срэбны прызэр чэмпіянату сьвету 2017 году. Праз маці мае фінскае паходжаньне.

Кар’ера

Браў удзел у чэмпіянаце сьвету 2015 году ў Пэкіне, дзе заняў пятае месца.

У 2016 годзе браў удзел у чэмпіянаце Эўропы, дзе зноў фінішаваў пятым. Атлет таксама ўдзельнічаў у Алімпійскіх гульнях у Рыю-дэ-Жанэйру ў гэтым жа годзе, але ня здолеў пераадолець кваліфікацыю і прабіцца ў фінал. Усяго празь некалькі тыдняў пасьля няўдачы ў Бразыліі спартовец браў удзел у чэмпіянаце Швэцыі, дзе ня толькі стаў найлепшым у краіне, але яшчэ ўсталяваў асабісты рэкорд.

У чэрвені 2017 году швэдзкі спартовец выканаў адзін з самых далёкіх кідкоў з вынікам 71,29 мэтраў, усталяваўшы новы асабісты рэкорд і палепшыўшы нацыянальны рэкорд Швэцыі. На чэмпіянаце сьвету па лёгкай атлетыцы 2017 году Столь стаў уладальнікам срэбнага мэдаля, адзначыўшыся вынікам у 69,19 мэтраў. Тады яго абышоў летувіскі атлет Андрус Гуджус, які кінуў спартовую прылада на 2 сантымэтры далей^[3]. У Бэрліне на чэмпіянаце Эўропы 2018 году, ён зноў, прапусьціўшы летувіса наперад, стаў другім з вынікам у 68,23 мэтраў. На перадалімпійскім чэмпіянаце сьвету, які ладзіўся ў Катары, швэд здабыў залаты мэдаль і стаў чэмпіёнам сьвету. Ягоны вынік склаў 67,59 мэтраў. Ён выйграў залаты мэдаль на летніх Алімпійскіх гульнях 2020 году з кідком на 68,90 мэтраў, апярэдзіўшы свайго суайчыньніка Сымана Пэтэрсана.

У 2023 годзе на чэмпіянаце сьвету ў Будапэшце, швэдзкі кідальнік дыска з рэкордам чэмпіянатаў у 71,46 мэтраў здабыў чарговы тытул чэмпіёна сьвету. У Токіё на чэмпіянаце сьвету 2025 году абараніў свой тытул, апярэдзіўшы апошнім кідком летувіса Мікаласа Алекну^[4].

Крыніцы

↑ Daniel Ståhl // https://pantheon.world/profile/person/Daniel_Ståhl
↑ Daniel Stahl // база зьвестак Сусьветнай атлетыкі
↑ «Lithuania’s Gudzius wins discus gold». BBC Sport.
↑ «VM-guld till Ståhl – hyllade Sundin: ”Idol”». Sportbladet.

Вонкавыя спасылкі

Профіль (анг.) на World Athletics
Профіль (анг.) на Diamond League

[_5b0102d82d992e85-1] Daniel Ståhl // https://pantheon.world/profile/person/Daniel_Ståhl

[_4d74f9380930c3a3-2] Daniel Stahl // база зьвестак Сусьветнай атлетыкі

[3] «Lithuania’s Gudzius wins discus gold». BBC Sport.

[4] «VM-guld till Ståhl – hyllade Sundin: ”Idol”». Sportbladet.

[1]

[2]

[3]

[4]