Дамініканская вуліца (Менск)

Дамініканская лац. Daminikanskaja
вуліца
Менск
Вуліца Дамініканская, 1880-я гг.
Агульная інфармацыя
Гістарычны раён	Высокі Рынак, Новае Места
Былыя назвы	Петрапаўлаўская, Валадарскага
Бліжэйшыя станцыі мэтро	Купалаўская, Кастрычніцкая
Аўтобусныя маршруты	100
Вуліца Дамініканская ў Вікісховішчы

Вуліца Дамініка́нская (з 1922 году — Э́нгельса) — вуліца ў цэнтральнай частцы Менску, якая пачынаецца з Высокага Рынку і ідзе да Ўльянаўскай вуліцы.

Дамінантай вуліцы быў збудаваны ў стылі барока Касьцёл Сьвятога Тамаша Аквінскага і кляштар дамініканаў, помнік архітэктуры XVII стагодзьдзя, зруйнаваны савецкімі ўладамі па другой сусьветнай вайне.

Гісторыя

У XVII стагодзьдзі атрымала назву Дамініканскай у гонар закладзенага на ёй кляштару ордэну дамініканаў. Таксама вуліца раней называлася Петрапаўлаўскай (да 1919 году), вуліцай Валадарскага (да 1922 году).

Апісаньне

Вуліца перасякаецца з вуліцай Інтэрнацыянальнай, праспэктам Незалежнасьці, вуліцамі Карла Маркса, Магазыннай і Ульянаўскай. Разам з праспэктам Незалежнасьці вуліца ўтварае Кастрычніцкую плошчу.

Нумарацыя дамоў — ад плошчы Свабоды. На вуліцы разьмяшчаюцца Менскі абласны выканаўчы камітэт, Нацыянальны акадэмічны тэатар імя Янкі Купалы, кінатэатар «Піянэр», Беларускі дзяржаўны тэатар лялек, Беларускі рэспубліканскі тэатар юнага гледача.

Гістарычныя здымкі і графіка

• 
• 
• 
• 
• 
• 
• 
• 
• 
•