Гісторыя цацак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гісторыя цацак
Toy Story
Toy Story.jpg
Жанр бадзі-муві і фэнтэзійны фільм
Рэжысэр Джон Ласэтэр
Прадусар Боні Арналд і Ральф Гугенгэйм
Сцэнарыст Джос Ўідан, Эндру Стэнтан, Джоэл Коэн, Алек Сакалоў, Джон Ласэтэр[1], Піт Доктэр[1] і Джо Рэнфт[1]
У ролях
Кампазытар Рэндзі Ньюман
Мантаж Лі Анкрыч
Вытворчасьць Pixar і Walt Disney Pictures
Дата выхаду 22 лістапада 1995[2][3], 8 сакавіка 1996[4][3] і 21 сакавіка 1996[5]
Час 87 хвіліна
Краіна ЗША[6]
Мова ангельская мова
Бюджэт 30 000 000 амэрыканскі даляр[7]
Прыбытак 373 554 033 амэрыканскі даляр[8]
Старонка на IMDb
https://www.disney.co.jp/fc/toystory.html Афіцыйны сайт

«Гісторыя цаца́к» (па-ангельску: Toy Story) — амэрыканскі анімацыйны камэдыйны фільм 1995 году, выраблены студыяй Pixar Animation Studios і выпушчаны кампаніяй Walt Disney Pictures. Фільм ёсьць першай часткай у франшызе «Гісторыя цацак». Кінатвор быў першым цалкам кампутэрным анімаваным мастацкім фільмам, а таксама першым мастацкім фільмам ад студыі Pixar. Рэжысэрам кінастужкі выступіў Джон Ласэтэр, а над сцэнарам працавалі Джос Ўідан, Эндру Стэнтан, Джоэл Коэн і Алек Сакалоў. Гісторыя разгортваецца ў сьвеце, дзе антропаморфныя цацкі ажываюць, калі людзей няма паблізу, а сюжэт факусуецца на адносінах паміж старамоднай лялькай-каўбоем Ўудзі і лялькай касманаўтам Базам Лайт’ерам.

У 2005 годзе Бібліятэка Кангрэсу ЗША абрала фільм дзеля захаваньня ў Нацыянальным рэестры фільмаў як культурны, гістарычны альбо эстэтычна значны твор[9]. Посьпех «Гісторыі цацак» распачаў мультымэдыйную франшызу і сэрыю з некалькіх працягаў, пачынаючы з «Гісторыя цацак 2», якая пабачыла сьвет у 1999 годзе.

Сюжэт[рэдагаваць | рэдагаваць крыніцу]

У сьвеце, дзе цацкі ёсьць жывымі істотамі, але яны прыкідваюцца нежывымі, калі людзі прысутнічаюць побач, група цацак, якая належыць малому Эндзі Дэвісу, зьнянацку даведваецца, што дзень народзінаў Эндзі пераносіцца на тыдзень, бо ягоная сям’я рыхтуецца да пераезду на наступным тыдні. Цацкі Эндзі, у тым ліку Бо Піп, містэр Бульбяная галава, дыназаўр Рэкс, сьвіньня-скарбонка Гэм і сьпіралевы сабака, засьцерагаюцца, што ў дзень народзінаў іх заменяць новыя цацкі. Шэрыф Ўудзі ёсьць лідэрам цацак і ўлюбёнай лялькай Эндзі. Ён адпраўляе вайскоўцаў на чале з Сэржанта шпіёніць за вечарынай і паведамляць астатнім якія падарункі атрымлівае малы. Цацкі адчуваюць палёгку, калі вечарына, здаецца, заканчваецца, і ніхто зь іх не замяняецца на новыя цацкі, але потым Эндзі атрымлівае падарунак-сюрпрыз — фігурку База Лайт’ера, якая лічыць, што ён сапраўдны касьмічны рэйнджар.

Баз дзівіць астатнія цацкі сваімі рознымі рысамі, і Эндзі пачынае аддаваць яму перавагу, прымушаючы Ўудзі адчуваць сябе выгнаньнікам у параўнанні з новым, больш зграбным і больш дасканалым Базам. Пакуль Эндзі рыхтуецца да сямейнага вечару ў рэстарацыі пад назвай «Плянэта Піцца», куды маці дазваляе малому прынесьці толькі адну цацку. Баючыся, што Эндзі абярэ База, Ўудзі спрабуе скінуць яго за пісьмовы стол лялькавым аўтамабілем, але ў выніку ён выпадкова зьбівае яго з акна. Астатнія цацкі, за выключэньнем Бо Піп і сьпіралевага сабакі, паўстаюць супраць Ўудзі, асуджаючы яго за тое, што той пазбавіўся ад База праз зайздру і суперніцтва. Перш чым яны пасьпяваюць адпомсціць, Эндзі бярэ Ўудзі і ад’язджае зь сям’ёй у рэстарацыю. Калі сям’я спыняецца на запраўцы, Ўудзі выяўляе, што Баз зачапіўся за іхны аўтамабіль. Пачалася бойка, у выніку якой удваёх яны выпадаюць з самаходу, і сям’я зьязджае бязь іх. Ім атрымоўваецца прабіцца ў рэстарацыю, зачапіўшыся за грузавік дастаўніка піццы. Баз забіраецца ў аўтамат з цацкамі, якая напоўніцу набіта цацкамі іншаплянэтнікаў, пасьля таго, як ён памылкова прымае гэты аўтамат за касьмічны карабель. Ўудзі рушыць усьлед, каб выратаваць База, але з аўтамата іх выцягвае Сыд Філіпс, подлы, садыстычны, расьпешчаны нахабнік і сусед Эндзі, які любіць катаваць, зьнішчаць і зьдзеквацца з сваіх цацак.

У той час як Ўудзі спрабуе ўцячы з дома Сыда, Баз нарэшце выяўляе, што ён ёсьць цацкай, убачыўшы рэкляму тэлевізійнай фігуры База Лайт’ера, і пагружаецца ў маркоту. Сыд плянуе запусьціць База на фаервэркавай ракеце, але ягоныя пляны затрымліваюцца навальніцай.

Крытыка[рэдагаваць | рэдагаваць крыніцу]

На партале Rotten Tomatoes фільм мае рэйтынг ухваленьня 100% на аснове 90 аглядаў, а сярэдні рэйтынг складае 9,02/10. Паводле крытычнага аналізу, «Гісторыя цацак», забаўляючы сваёй інавацыяй, ажывіла анімацыю і выявіла зьяўленьне студыі Pixar як сілы, зь якой трэба лічыцца. На Metacritic фільм мае 95 балаў з 100 магчымых, заснаваных на 26 аглядах з пазнакай да фільму — усеагульнае ўхваленьне. Аўдыторыя, апытаная CinemaScore, паставіла фільму сярэдні бал А па шкале ад А+ да F.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]