Гістарычны музэй (Боцеўград)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Музэй
Гістарычны музэй
Исторически музей в Ботевград
Botevgrad-history-museum.jpg
Краіна Баўгарыя
Месцазнаходжаньне Боцеўград
Каардынаты 42°54′23″ пн. ш. 23°47′33″ у. д. / 42.90639° пн. ш. 23.7925° у. д. / 42.90639; 23.7925Каардынаты: 42°54′23″ пн. ш. 23°47′33″ у. д. / 42.90639° пн. ш. 23.7925° у. д. / 42.90639; 23.7925
Аўтар праекту Pencho Koychev[d]
Будаўнік Пенча Койчаў
Дата заснаваньня 1937
Сайт http://museumbot.bg/
Гістарычны музэй на мапе Баўгарыі
Гістарычны музэй
Гістарычны музэй
Гістарычны музэй
Commons-logo.svg Гістарычны музэй на Вікісховішчы

Гістарычны музэй у Боцеўградзе (па-баўгарску: Исторически музей в Ботевград) — гістарычны музэй у баўгарскім горадзе Боцеўград. Знаходзіцца ў цэнтры гораду, на Саранскім пляцы, у рэканструяваным будынку колішняй Судовай палаты. Пачаў сваю дзейнасьць у 1937 годзе.

Гісторыя[рэдагаваць | рэдагаваць крыніцу]

Музэйная справа ў грамадзе Боцеўград мае глыбокія карані і багатыя традыцыі. Першымі, хто займаўся вывучэньнем гістарычнага мінулага гораду, былі сьвятар Георгі Папдзімітраў зь сяла Скравена й настаўнік Георгі Папіванаў з Трудаўца.

Пра неабходнасьць будоўлі памяшканьня для музэйнай калекцыі ў Боцеўградзе (у той час Арханіе) упершыню было сказана ў газэце «Арханійскія навіны» (нумар 1 ад 10 студзеня 1927 году). Першая калекцыя была адкрытая ў 1937 годзе, дзякуючы дырэктару Боцеўградзкай гімназіі Асэну Стэфанаву.

У 1950 годзе пашыраную калекцыю перанесьлі ў будынак Народнага чыталішча «Хрыста Боцеў 1884», дзе ёй доўгі час займаўся мясцовы краязнаўца Ташка Нінаў. Праз два гады калекцыі надалі статус Дзяржаўнага музэю, якому перадалі будынак былога гатэлю-кавярні «Брысталь». 24 траўня 1959 году ў прыстасаваным будынку быў урачыста адкрыты Народны музэй, а ў 1970 годзе — ягоная другая экспазыцыя. У 1977 годзе, у сувязі з рэканструкцыяй гораду, будынак зьнясьлі, а музэй, без экспазыцыяў, перанесьлі ў фондасховішча на Баўгарскім бульвары, 8.

У 1985 годзе адбылася першая выстава мастацкага фонду музэю. У 1988 годзе музэю быў перададзены будынак у цэнтры гораду — насупраць Гадзіньнікавай вежы. Там музэйная экспазыцыя й мастацкая галерэя знаходзіліся да 2010 году, калі быў рэканструяваны будынак Судовай палаты.

Дзейнасьць[рэдагаваць | рэдагаваць крыніцу]

Гістарычны музэй Боцеўграду мае разьвітую экспазыцыйную дзейнасьць. Заля «Архаінец» абсталявана неабходнай тэхнікай для паказу прэзэнтацыяў, выставаў, канцэртаў, публічных чытаньняў. У якасьці культурна-навуковай установы музэй праводзіць навукова-дасьледчую, асьветна-выхавальніцкую і папулярызатарскую дзейнасьць.

Аддзелы[рэдагаваць | рэдагаваць крыніцу]

Фонды музэю захоўваюць больш за 15 тысячаў адзінак, у тым ліку, дакумэнты, арыгінальныя фатаграфіі, зброю, геральдычныя, нумізматычныя ды культурныя каштоўнасьці, мастацкія творы, разьмеркаваныя ў трох аддзелах і адной філіі:

  • Археалягічны аддзел
  • Аддзел гісторыі баўгарскіх земляў XV — XX стагодзьдзяў
  • Аддзел гісторыі й мастацтва ХХ ст.
  • Філія — колішняя вучэльня ў сяле Бажэніца (грамада Боцеўград)

Галерэя[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]