Грыгорыюс V (папа рымскі)

Зьвесткі зь Вікіпэдыі — вольнай энцыкляпэдыі
Грыгорыюс V (папа рымскі)
Пасьвечаньні
Кансэкрацыя
 Вілігіз
Асабістыя зьвесткі
Нарадзіўся 972
  • Саксонія[d]
Памёр 23 лютага 999
Пахаваны
ДэнамінацыяКаталіцкая царква[1]
Бацькі Атон I[d]
Юдыта Баварская[d]
Заняткікаталіцкі сьвятар, пісьменьнік

Грыгорыюс V (па-лацінску: Gregorius PP. V), сьвецкае імя Бруна Карынтыйскі (па-нямецку: Bruno von Kärnthen; каля 972 году, Штайнах, Сьвятая Рымская імпэрыя — 18 лютага 999 году, Рым, Папская вобласьць) — папа рымскі з 3 траўня 996 году па сваю сьмерць у 999 годзе. Папа зьяўляўся сынам Атона I герцага Карынтыі, а таксама праўнукам імпэратара Сьвятой Рымскай імпэрыі Атона I. Стаў пераемнікам папы Яна XV ва ўзросьце 24 гадоў. Лічыцца першым нямецкім папам ці другім, калі браць ва ўлік папу Баніфацыюса II, які быў остготам паводле паходжаньня[2].

Падчас панаваньня выдаў вялікую колькасьць прывілеяў манастырам Сьвятой Рымскай імпэрыі. Каранаваў Атона III у якасьці імпэратара 21 траўня 996 году. Разам празь некалькі дзён яны склікалі сынод, на якім яны аднавілі на сваёй пасадзе арцыбіскупа Рэймскага Арнульфа, а на ягоны спадкаемца Гербэрт д’Арыяк, будучы папа Сыльвэстар II, быў асуджаны як парушальнік. Кароль Францыі Робэрт II, які настойваў на сваім праве прызначаць біскупаў, быў у канчатковым рахунку вымушаны адступіць.

У Рыме Грыгорыюс V меў апазыцыю з боку антыпапы Яна XVI, якога падтрымліваў уплывовы рымскі патрыцый Ян Крэсцэнцыюс. Грыгорыюс V быў зрынуты з пасады, аднак яму на дапамогу выправіўся імпэратар Атон III, які захапіў Рым. Антыпапа Ян XVI быў вымушаны зьбегчы з гораду, а Ян Крэсцэнцыюс схаваўся ў замку Сьвятога Анёла. Войска імпэратара схапіла і затрымала Яна XVI, яму адрэзалі нос і вушы, вылупілі язык і асьляпілі, пасьля чаго правялі па вуліцах Рыму. Замак Сьвятога Анёла быў аброжаны, а пасьля таго як быў захоплены Ян Крэсцэнцыюс быў засілены на сьцянох замку.

Памёр раптоўна 18 лютага 999 году. Верагодна быў забіты. Пахаваны ў базыліцы Сьвятога Пятра каля папы Пэлягіюса I.

Крыніцы[рэдагаваць | рэдагаваць крыніцу]

  1. ^ Catholic-Hierarchy.org (анг.)USA: 1990.
  2. ^ Richard P. McBrien, «Lives of the Popes: The Pontiffs from St. Peter to Benedict XVI», HarperCollins Publishers, 2000, — С. 138.

Вонкавыя спасылкі[рэдагаваць | рэдагаваць крыніцу]

Грыгорыюс V (папа рымскі)сховішча мультымэдыйных матэрыялаў