Геш Паці

Геш Паці
па-француску: Patricia Porrasse
Дата нараджэньня	16 сакавіка 1946(1946-03-16)
Месца нараджэньня	Нёі-сюр-Сэн[d], Францыя
Дата сьмерці	22 чэрвеня 2026(2026-06-22) (80 гадоў)
Месца сьмерці	XV акруга Парыжа[d], Францыя
Занятак	акторка, харэограф, сьпявачка, танцорка, музыка
Псэўданімы	Guesch Patti
Жанры	поп
Інструмэнты	голас
Псэўданімы	Guesch Patti
Лэйблы	EMI[d] і Philips Records[d]
Бацька	Jean Porrasse[d]
Узнагароды	Victory for the female variety revelation[d] (1987) Vincent Scotto Award[d]
Геш Паці ў Вікісховішчы

Геш Пацí (па-француску: Guesch Patti; 16 сакавіка 1946, Нёі-сюр-Сэн, Францыя — 22 чэрвеня 2026, Парыж, Францыя) — француская сьпявачка, артыстка, харэографка, танцорка.

Жыцьцяпіс

Сапраўднае імя і прозьвішча сьпявачкі – Патрысія Парас. Нарадзілася 16 сакавіка 1946 году ў Нёі-сюр-Сэн. Маці кіравала сямейным рэстаранам у Парыжы, а бацька, Жан Парас (1923–1995), сын тэатральнага рэжысэра Люсьена Параса, быў імпрэсарыё і мастацкім кіраўніком.

Яна вывучала клясычны танец і ў дзевяць гадоў стала навучэнкай балетнай школы Парыскай опэры. У пятаццаць год выбрала сучасны танец. Паралельна з сваёй танцавальнай кар'ерай, у 1964 годзе яна пачала сьпяваць і запісала чатыры кружэлкі з сваім мужам, сьпеваком і піяністам Івам Жыльбэрам, пад імёнамі Іў і Патрысія.

У 1984 годзе яна ўдзельнічала ў стварэньні трыё Dacapo (разам зь Лідзі Каліер) і атрымала прыз «Радыё Манблян» за адкрыцьцё на фэстывалі ў Дыжоне. Яна абрала свой сцэнічны псэўданім «Геш» пад уплывам басконскай мянушкай (Gaixoa), якую ёй даў дзед.

У 1987 годзе яна пачала сольную кар'еру і дасягнула посьпеху з песьняй "Étienne".

Пасьля пяці альбомаў Геш Паці дыстанцыявалася ад сьвету музыкі, імкнучыся дывэрсыфікаваць свой мастацкі досьвед – аднавіла кар'еру танцоркі.

Яна таксама здымаецца ў кіно, сярод іншага, коратка зьняўшыся ў фільме Клёда Лялюша «Une pour toutes».

Яе таксама можна было ўбачыць у тэатры, у прыватнасьці, у «Маналёгах ваніны» і «Трохгрошавай оперы» Бэртальда Брэхта.

Геш Паці памерла ў Парыжы ў ноч з 21 на 22 чэрвеня 2026 году ва ўзросьце 80 гадоў пасьля працяглай хваробы.

Творчасьць

Яна найбольш вядомая сваёй песьняй «Étienne», якая дасягнула першага месца ў топ-50, атрымала залаты сэртыфікат, трапіла ў эўрапейскі топ-10 і прынесла ёй прэмію Victoire de la Musique ў 1987 годзе, а таксама прэмію Вінцэнта-Скота.

Аўтарка і выканаўца пяці студыйных альбомаў, яна таксама праявіла сябе як сучасная танцорка і актрыса, асабліва ў такіх п'есах, як "Маналёгі вагіны" і "Трохгрошавая опжра", а таксама некалькі разоў зьнялася ў кіно і на тэлевізіі.

Альбомы

• 1988: Labyrinthe,
• 1990: Nomades,
• 1992: Gobe,
• 1995: Blonde,
• 2000: Dernières Nouvelles.