Генрык Жарскі

	Генрык Жарскі
Асабістыя зьвесткі
Нарадзіўся	1902; Варшава, Расейская імпэрыя;
Памёр	14 кастрычніка 1937; Менск, БССР, СССР;
Літаратурная дзейнасьць
Род дзейнасьці	празаік, грамадзкі дзяяч

Генрык Казімеравіч Жарскі (па-польску: Henryk Żarski; 1902, Варшава, Польшча — 14 кастрычніка 1937, Менск) — польскі празаік, грамадзкі дзяяч. Сябар Саюзу пісьменьнікаў Беларусі. З 1918 году сябра Кампартыі Польшчы, з 1924 сябра кампартыі Францыі, з 1926 сябра ВКП(б), выключаны ў 1936 годзе. Ён жа Гохбеpг Хаім Вульфавіч, ён жа Унгеp Боpух, ён жа Альбэpт Штамель.

Жыцьцяпіс

Нарадзіўся ў сям’і фэльчара. З шаснаццаці год удзельнічаў у падпольнай рабоце КПП. Удзельнічаў у гpам. вайне ў частках РККА. Быў зьняволены ў варшаўскі астрог «Павяк». Вызвалены пад залог, эміграваў у Францыю, дзе працаваў на заводзе «Рэно»^[1]. Супрацоўнічаў з газэтай «L’Humanite»^[2]. Высланы за межы Францыі за арганізацыю страйку рабочых. Па накіраваньні Польскай сэкцыі Камінтэрну прыехаў у СССР, дзе быў залічаны на вучобу ў Маскоўскі дзяржаўны інстытут журналістыкі^[1]. Скончыў унівэрсытэт у 1928 годзе^[2].

У 2-й палове 1920-х г. пачаў займацца літаратурнай дзейнасьцю. Працаваў у Саратаве ў абласной газэце, пасьля у пугачоўскай раённай газэце^[1].

У 1932 г. пераведзены ў Беларусь. Быў намесьнікам рэдактара, пасьля рэдактарам польскай газеты «Orka» («Ворыва»)^[1].

Сябар Саюзу пісьменьнікаў Беларусі з 1934 году^[1].

Арыштаваны 20 студзеня 1937 году^[2]. Расстраляны ў Менскай турме 14 кастрычніка 1937 году органамі НКУС у Менску^[1]. Месца пахаваньня невядомае^[1]. Рэабілітаваны ў 1957 годзе^[2].

Творчасьць

Літаратурнай працай займаўся з другой паловы 1920-х гг. Пісаў на расейскай і польскай мовах. Аўтар кнігі апавяданьняў для дзяцей «Парашок для чханьня» (Менск, 1935), аповесьці «Без языка» (газэта «Пионерская правда», 1927), шэрагу празаічных твораў у «Альманаху літэрацкім» (Менск, 1934)^[1]. Значная частка рукапісаў Жарскага загінула^[2].

Крыніцы

1 2 3 4 5 6 7 8 Жарскі Генрык – Белліт
1 2 3 4 5 Рэпрэсаваныя літаратары, навукоўцы, работнікі асьветы, грамадзкія і культурныя дзеячы Беларусі 1794—1991, ЖАРСКІ Генрык

Вонкавыя спасылкі

Жарскі Генрых Казіміравіч (1902), Адкрыты сьпіс
Жарскі Генрык

[:0-1] 1 2 3 4 5 6 7 8 Жарскі Генрык – Белліт

[:1-2] 1 2 3 4 5 Рэпрэсаваныя літаратары, навукоўцы, работнікі асьветы, грамадзкія і культурныя дзеячы Беларусі 1794—1991, ЖАРСКІ Генрык

[1]

[2]