Гаўрыла Віер

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гаўрыла Віер
Дата нараджэньня 6 красавіка 1890
Месца нараджэньня в. Пуцунтэй
Дата сьмерці 7 сакавіка 1964
Месца пахаваньня Кальварыйскія могілкі
Адукацыя Школа таварыства заахвочваньня мастацтваў
Месца вучобы Малярская школа Імпэратарскага таварыства заахвочваньня мастацтваў
Занятак жывапіс

Гаўры́ла Сямё́навіч Ві́ер (6 красавіка 1890, в. Пуцунтэй, цяпер Аргеўскі раён, Малдовы7 сакавіка 1964) — беларускі мастак, жывапісец.

Біяграфія[рэдагаваць | рэдагаваць крыніцу]

З 1905 году вучыўся й працаваў у Менску ў іканапіснай майстэрні П. Курбатава, у 1910—1912 вучыўся ў Пецярбургу ў мастака С. Ягорава, скончыў там у 1916 Школу таварыства заахвочваньня мастацтваў[1]. У 1921 годзе вярнуўся ў Менск, працаваў дэкаратарам у тэатры «Чырвоная заля», выкладаў у чыгуначным тэхнікуме[1].

Пахаваны на Кальварыйскіх могілках у Менску.

Творы[рэдагаваць | рэдагаваць крыніцу]

Аўтар твораў «Малады мастак» (1923), «Старое і новае» (1927), «Суботнік» (1932), «Маладыя спартоўцы» (1934). Лепшыя творы гістарычнага жанру: «Курлоўскі расстрэл» (1924), «Лядовае пабоішча» (1938), «3 ліпеня 1944 году ў Менску» (1945); з партрэтаў — «Зьмітрок Бядуля» (1924), «Сямейны партрэт» (1927), «Кандрат Крапіва» (1938) і інш[1].

Крыніцы[рэдагаваць | рэдагаваць крыніцу]

  1. ^ а б в Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г.П. Пашкоў і інш. — Менск: БелЭн, 1997. — 480 с.: іл. ISBN 985-11-0090-0 С. 144