Гатэль "Гарні"

Гатэль "Гарні" - гэта тып гатэлю, які прапануе пражыванне, сняданак, напоі і, максімум, закускі , але не класічны гатэльны рэстаран. Ён падобны да гатэлей тыпу "начлег і сняданак", але спраектаваны і кіруецца як гатэль, а не прыватны гестхаўз. Тэрмін паходзіць з Францыі і Нямеччыны.

Тэрмін hotel garni паходзіць з французскае мовы і літаральна перакладаецца як «гатэль з забяспечаньнем (для гасцей)». Hotels garnis звычайна знаходзяцца ў прыватным кіраваньні і маюць менш нумароў, чым гатэлі, якія ўваходзяць у сетку.

У гатэлях Garni звычайна няма начной рэцэпціі і парц'е .

Гісторыя

У Менску у свой час працавалі два гатэлі Гарні:

Інтэрнацыянальная, 11 - гатэль «Гарні» ці гасьцініца купца Б. А. Суціна (1880-я)^[1], унікальны аб’ект міжнароднага значэньня^[2] ў стылі эклектыка. У вайну будынак амаль не пацярпеў, але яго аблічча зьмянілася ў 1960-я: зьніклі бальконы й частка дэкору, зьявілася ўязная арка^[3]. У канцы ХХ стагодзьдзя ў ім знаходзілася кавярня «Адпачынак», а таксама гатэль «Мінатэль». У 2008 было вырашана вярнуць будынку яго першапачатковую функцыю й выгляд 1887 году. У кастрычніку 2011 году скончана рэканструкцыя (арх. С. В. Машковіч), якая вярнула гэтаму будынку ўсе архітэктурныя асаблівасьці^[3]. У трохзоркавым гатэлі «Гарні» 70 нумароў рознай утульнасьці са стылізаванымі пад XIX стагодзьдзе інтэр’ерамі. Дабудаваныя дадатковыя два паверхі, а на чацьвёртым паверсе зробленая мансарда, з прычыны чаго вышыня будынка павялічылася на 8 мэтраў. На даху — назіральная пляцоўка^[3]^[4]^[5]^[6]
Рог Захараўскай-Багадзельнай 64/36 - Гасцініца Ленскіх, 49 нумароў, рэстаран. У гэтым доме жыла сям'я Холмскіх, з якой звязана гісторыя рамантычная і трагічная адначасова. Вось як апісвае падзеі З.Шыбека: "У 1908 годзе ў менскай турме сядзеў эсэр А.В.Ярохаў, якога паплечнікі збіраліся адтуль вызваліць. Сувязь паміж арыштаваным і эсэраўскай арганізацыяй ажыццяўлялася праз нявесту Ярохава, 19-гадовую гімназістку Веру Холмскую. Аднак уцёкі з турмы праваліліся. Калі ж на кватэру да дзяўчыны прыйшлі з ператрусам, тая ў роспачы выкінулася на маставую з чацвёртага паверха і разбілася". У 1920-х гадах у былых гатэльных нумарах жылі студэнты рабфака БДУ.^[7]