Гарві Вайнштэйн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гарві Вайнштэйн
Harvey Weinstein 2011 Shankbone.JPG
Дата нараджэньня 19 сакавіка 1952(1952-03-19)[1][2][3][4][5][6][7] (68 гадоў)
Месца нараджэньня Кўінз, ЗША
Грамадзянства ЗША
Альма-матэр Унівэрсытэт Буфала і школа Джона Браўна
Занятак кінапрадусар, выканаўчы прадусар і актор
Узнагароды
IMDb ID nm0005544

Гарві Вайнштэйн (па-ангельску: Harvey Weinstein, 19 сакавіка 1952) — амэрыканскі кінапрадусар. Ляўрэат прэмій «Оскар» и BAFTA за фільм «Закаханы Шэксьпір».

Адзін з самых вядомых прадусараў Галівуду. Стаў сузаснавальнікам кінакампаній Miramax і Weinstein Company. Працаваў над такімі фільмамі як «Закаханы Шэксьпір», «Кароль прамаўляе!», «Забіць Біла», «Банды Нью-Ёрка», «Крымінальнае чытво», «Джанга вызвалены» ды «Мярзотная васьмёрка».

Жыцьцяпіс[рэдагаваць | рэдагаваць крыніцу]

Вырас у жыдоўскай сям’і зь Нью-Ёрку. Акрамя яго, у сям’і было яшчэ адно дзіяця — яго малодшы брат Боб Вайнштэйн. Гарві скончыў школу Джона Браўна, пасьля паступіў ва Ўнівэрсытэт штату Нью-Ёрк у Буфала[8][9].

Пасьля ўнівэрсытэту пачаў займацца прадусарскай дзейнасьцю. Першымі яго праектамі стала арганізацыя рок-канцэртаў у Буфала ў 1970-я гады. Харві разам з братам Бобам і Коркі Бургэрам працавалі пад лэйблам Harvey & Corky Productions. Але абодва браты марылі аб стварэньні фільмаў, і напрыканцы 70-х на заробленыя арганізацыяй канцэртаў грошы яны заснавалі невялікую, затое незалежную кампанію Miramax, якая была названая ў гонар бацькоў братоў — Мірыям і Макса. Першымі працамі Miramax былі музычныя фільмы — накшталт «Рок-шоў» з Полам Макартні.

Вайнштэйн зьяўляўся прыхільнікам Дэмакратычнай партыі, удзельнічаў у кампаніях прэзыдэнта Барака Абамы і кандыдатаў у прэзыдэнты Гілары Клінтан і Джона Кэры[10]. Падтрымліваў прэзыдэнцкую кампанію Гілары Клінтан у 2008 годзе[11] і ў 2012 годзе снаваў збор сродкаў для Абамы ў сваім доме ў Вэстпорце, Канэктыкут[12].

Абвінавачваньні і суд[рэдагаваць | рэдагаваць крыніцу]

Увосень 2017 году дзясяткі жанчын пачалі абвінавачваць Вайнштэйна ў сэксуальных дамаганьнях рознага кшталту — усяго аб гэтым заявіла 75 жанчын. Сярод тых, хто заявіў пра дамаганьні Вайнштэйна, — кіназоркі Анджэліна Джалі, Сальма Гаек, Гвінэт Пэлтраў і Эшлі Джад[13]. Пасьля справы Вайнштэйна зьявілася шмат публічных абвінавачваньняў у адрас іншых вядомых мужчын, што прывяло да пачатку сусьветнай кампаніі супраць сэксуальных дамаганьняў пад хэштэгам #MeToo.

Вайнштэйна звольнілі з рады дырэктараў яго прадусарскай кампаніі і выключылі са складу амэрыканскай Кінаакадэміі. Пазьней заснаваная Вайнштэйнам і яго братам Бобам кампанія збанкрутавала. Сам прадусар не прызнаваў сваю віну.

Вайнштэйн здаўся паліцыі ў траўні 2018 году і быў вызвалены пад заклад.

У траўні 2019 году Вайнштэйн заключыў зьдзелку з жанчынамі, якія абвінавачваюць яго ў дамаганьнях. Ён абавязаўся выплаціць сваім ахвярам каля 44 мільёнаў даляраў[14].

Журы прысяжных у лютым прызнала Вайнштэйна вінаватым у сэксуальным гвалце па двух пунктах абвінавачваньня зь пяці. Ён быў апраўданы па двух найбольш сур’ёзных пунктах абвінавачваньня. Суд у Нью-Ёрку 11 сакавіка прысудзіў Вайнштэйну 23 гады турэмнага зьняволеньня па абвінавачваньнях у сэксуальным гвалце[15][16].

Крыніцы[рэдагаваць | рэдагаваць крыніцу]

  1. ^ Person Profile // IMDb — 1990.
  2. ^ Internet Broadway Database — 2000.
  3. ^ Encyclopædia Britannica
  4. ^ filmportal.de — 2005.
  5. ^ Discogs — 2000.
  6. ^ Архіў Мунцынгера — 1913.
  7. ^ Энцыкляпэдыя Бракгаўза
  8. ^ Peter Biskind Down and Dirty Pictures: Miramax, Sundance and the Rise of Independent Film. — Simon & Schuster, 2004. — С. 463—464. — ISBN 068486259x
  9. ^ Lurie, Rod. «Harvey Weinstein Gets My Criticism of „The Reader“ Wrong» The Wrap, February 21, 2009
  10. ^ Harvey Weinstein has donated over $1 million to Democrats since 2000 – here are some of the biggest names Праверана 2017-10-14 г.
  11. ^ Sources: Clinton supporter pressures Pelosi CNN Праверана 2018-06-08 г.
  12. ^ Obama Looks To Connecticut For Campaign Cash // Tribune Publishing2012-08-05 г. Праверана 2012-08-05 г.
  13. ^ nina.nn.by
  14. ^ Гарві Вайнштэйн выплаціць $44 млн ахвярам сэксуальнага гвалту, Радыё Свабода, 24-05-2019
  15. ^ Гарві Вайнштэйну прысудзілі 23 гады турмы, Радыё Свабода, 11-03-2020
  16. ^ В США 67-летнего продюсера Харви Вайнштейна приговорили к 23 годам тюрьмы за сексуальное насилие, Intex-press, 11-03-2020