Ганна Шакель
| Ганна Шакель | |
| Асабістыя зьвесткі | |
|---|---|
| Нарадзілася | 7 ліпеня 1998 (28 гадоў) |
| Літаратурная дзейнасьць | |
| Род дзейнасьці | паэтка, перакладніца |
| Узнагароды | |
Ганна Шакель (7 ліпеня 1998, Маладзечна) — беларуская паэтка і перакладчыца.
Жыцьцяпіс
[рэдагаваць | рэдагаваць код]Нарадзілася ў 1998 годзе ў Маладзечне. Атрымала адукацыю ў МДЛУ. Навучалася ў Беларускім Калегіюме і Школе маладога літаратара «W/Rights».
Публікавалася ў выданьнях «Маладосць» і «Дзеяслоў». У 2022 годзе творы Ганны Шакель увайшлі ў «Анталёгію паэтак. Выбранае Вальжынай Морт».
У дэбютнай кнізе «Цела мігдалу» (2023) паэтка дасьледуе чалавечую душу і яе шлях праз род, карані і памяць, гаворыць пра мінулае, якое не дае спакою; творы ў кнізе ствараюць наратыў, у цэнтры якога — рэфлексія над сабой і сьветам.
У яе вершах спалучаюцца біблейскія вобразы і фальклёрныя матывы. Акцэнт робіцца на фанэтыку і ідыяматыку[1].
Асобныя творы перакладзеныя на ангельскую, нямецкую, украінскую, нарвэскую мовы.
Узнагароды
[рэдагаваць | рэдагаваць код]Пераможца конкурсу рукапісаў «Неба з сабой»[2].
Пераможца прэміі імя Натальлі Арсеньневай за 2023 год[3].