Ганна Сыхравава
| Ганна Сыхравава | |
| Anna Sychravová | |
.png) | |
| Дэпутатка Нацыянальнага сходу Чэхаславаччыны | |
|---|---|
| 1920 — 1925 | |
| Наступнік | Ёзэф Пайгер |
| Асабістыя зьвесткі | |
| Нарадзілася | 7 ліпеня 1873.svg){kind=small} Гумпалец |
| Памерла | 22 лютага 1925 (51 год) Прага |
| Партыя | Чэская сацыял-дэмакратычная партыя |
Га́нна Сы́хравава (па-славацку: Anna Sychravová; 7 ліпеня 1873, Гумпалец, Аўстра-Вугоршчына — 22 лютага 1925, Прага, Чэхаславаччына) — чэхаславацкая пэдагог, палітык. Першая і адзіная кабета з тэрыторыі сучаснай Славаччыны, абраная ў першы Нацыянальны сход Чэхаславаччыны пасьля наданьня жанчынам выбарчых правоў.
Жыцьцяпіс
[рэдагаваць | рэдагаваць код]Сыхравава нарадзілася ў сьвятарскай сям’і ў Гумпалцы (цяпер у Чэхіі).
Працавала настаўніцай у Празе і Жыжкаве. Па сканчэньні I сусьветнай вайны ў незалежнай Чэхаславаччыне нядоўга працавала ў Міністэрстве грамадзкага дабрабыту, пасьля чаго пераехала ва Ўруткі і працягнула настаўніцкую працу[1][2].
У 1920 року ў Чэхаславаччыне была прынятая канстытуцыя(d), якая прадастаўляла жанчынам выбарчае права. Ганна Сыхравава ўдзельнічала ў красавіцкіх выбарах ад Чэскай сацыял-дэмакратычнай партыі і стала адзінай жанчынай з Славаччыны, якая трапіла ў Нацыянальны сход[3]. Увайшла ў парлямэнцкую камісію па культуры, грамадзкай, сацыяльнай і здаровай палітыцы[4]. Займалася праблемамі інвалідаў, пазашлюбных дзяцей, моладзевага алькагалізму і прафіляктыкі хваробаў, перадаваных плоцевым спосабам.
Заўчасна сканала ў Вінаградзкай больніцы. Ейны дэпутацкі мандат перайшоў да Ёзэфа Пайгера[4].
Творчасьць
[рэдагаваць | рэдагаваць код]У 1902 року пераклала эсэ швэдзкай жаночай дзяячкі Элен Кей Mravnost ženy (бел. Мараль жанчыны) і Žena budoucnosti (бел. Жанчына будучыні)[5].
У 1910 року выдала пераклад кнігі аўстрыйскай фэміністкі Розы Майрэдэр O ženské otázce (бел. Пра жаночае пытаньне)[6], у 1911 — пераклад Ke kritice ženskosti (бел. Да крытыкі жаноцкасьці)[7] ды Mateřství a kultura (бел. Мацярынства і культура)[8] той жа аўтаркі.
Публікавалася ў часопісе Ženský svět[9].
Крыніцы
[рэдагаваць | рэдагаваць код]- ↑ Mažáriová, Katarína (15 сакавіка 2016) Prvých dvanásť statočných političiek (славацк.) Turiec Online Праверана 24 сакавіка 2021 г.
- ↑ Ziegler, Aleš (2011) Úloha žen v prvních československých parlamentních volbách roku 1920 (чэс.) Праверана 24 сакавіка 2021 г.
- ↑ Blanca Rodriguez Ruiz, Ruth Rubio-Marín. The Struggle for Female Suffrage in Europe: Voting to Become Citizens. — BRILL, 2012. — С. 237.
- 1 2 Anna Sychravová (чэс.) Poslanci. Poslanecká sněmovna Parlamentu České republiky. Праверана 24 сакавіка 2021 г.
- ↑ Eva Kalivodová. Browningová nebo Klášterský? Krásnohorská nebo Byron?: O rodu v životě literatury (чэс.). — Karolinum Press, 2011. — С. 68. — 250 с. — ISBN 978-80-246-1887-6
- ↑ O ženské otázce // Ženský svět. — 20 сьнежня 1910. — С. 10.
- ↑ Mateřství a kultura // Ženský svět. — 5 студзеня 1911. — С. 12—13.
- ↑ Eliška z Purkyňů. Mateřství a kultura // Ženský svět. — 5 сакавіка 1911. — С. 1—2.
- ↑ Čtenářům, spolupracovníkům a přátelům! // Ženský svět. — 10 студзеня 1916. — С. 3.
Вонкавыя спасылкі
[рэдагаваць | рэдагаваць код]- Творы Ганны Сыхрававай у зводным каталёгу Нацыянальнай бібліятэкі Чэхіі
- Нарадзіліся 7 ліпеня
- Нарадзіліся ў 1873 годзе
- Памерлі 22 лютага
- Памерлі ў 1925 годзе
- Нарадзіліся ў Гумпалцы
- Выкладчыкі навучальных установаў Аўстра-Вугоршчыны
- Чэхаславацкія дзяржаўныя службоўцы
- Выкладчыкі навучальных установаў Чэхаславаччыны
- Чэхаславацкія жанчыны-палітыкі
- Дэпутаты Нацыянальнага сходу Чэхаславаччыны
- Сябры Чэскай сацыял-дэмакратычнай партыі
- Памерлі ў Празе