Вітаўт Руднік

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вітаўт Руднік
Род дзейнасьці журналістыка
Дата нараджэньня 26 жніўня 1969
Месца нараджэньня Малі, Астравецкі раён, Гарадзенская вобласьць, БССР

Вітаўт Руднік (нарадзіўся 26 жніўня 1969) — гарадзенскі журналіст, грамадзкі дзеяч і трэнэр.

Біяграфія[рэдагаваць | рэдагаваць крыніцу]

Нарадзіўся 26 жніўня 1969 году ў вёсцы Малі Астравецкага раёну Беларусі. Закончыў гістарычны факультэт Гарадзенскага дзяржаўнага ўнівэрсытэту. Займаўся дасьледаваньнем гісторыі беларускай журналістыкі пачатку ХХ стагодзьдзя.

З пачатку 1990-х актыўна займаецца журналістыкай. Працаваў у якасьці пазаштатнага карэспандэнта газэт «Прессбол» і «Футбол Беларусі», камэнтаваў футбольныя матчы з удзелам гарадзенскага «Нёмана» на гарадзенскім тэлебачаньні, дзе таксама быў вядучым выпускаў спартыўных навінаў.

З 1995 году карэспандэнт гарадзенскай грамадзка-палітычнай газэты «Пагоня».

У 1997 годзе быў адным з заснавальнікаў грамадзкага аб’яднаньня «Цэнтар інфармацыйнай падтрымкі грамадзкіх ініцыятываў «Трэці сэктар».

З другой паловы 1990-х — адзін з найбольш вядомых беларускіх трэнэраў для грамадзкіх актывістаў і журналістаў. Працуе ў пытаньнях мэнэджмэнту няўрадавых грамадзкіх аб’яднаньняў, сувязі з грамадзкасьцю, грамадзянскім удзеле, разьвіцьці мясцовай супольнасьці. Адзін з заснавальнікаў і кіраўнікоў гарадзенскай «Школы маладога журналіста». Рэдактар часопісу «Трэці сэктар». Старшыня праўлення ГА «Цэнтар „Трэці сэктар“» (1997-2017), сябра праўлення (з 2017) арганізацыі.

Жанаты. Мае дачку.

Бібліяграфія[рэдагаваць | рэдагаваць крыніцу]

  • Руднік В. Чэмпіёны свету па футболе. 1930—2006. Беласток., 2006. 109 с.