Вільярэал (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вільярэал
Villarreal CF logo.png
Поўная назва Villarreal Club de Fútbol, S.A.D.
Заснаваны 10 сакавіка 1923
Горад Вільярэал, Гішпанія
Стадыён Эстадыё дэ ля Сэраміка
Умяшчальнасьць: 24 890
Прэзыдэнт Фэрнанда Роіг Альфонса
Галоўны трэнэр Хавіер Кальеха
Чэмпіянат Ля Ліга
 · 2017—2018 5 месца
Хатнія колеры
Выязныя колеры
Афіцыйны сайт

«Вільярэа́л» (па-гішпанску: Villarreal Club de Fútbol, S.A.D.) — гішпанскі футбольны клюб, што базуецца ў мястэчку Вільярэал у правінцыі Кастэльён у складзе Валенсійскай аўтаноміі. Каманда гуляе на стадыёне «дэ ля Сэраміка», што месьціць 25 тысячаў чалавек. Клюб быў заснаваны ў 1923 годзе яшчэ да грамадзянскай вайны й да сэзону 1955—1956 гадоў гуляў у рэгіянальных лігах. Клюб шмат часу правёў у Тарсэры, Сэгундзе Б і Сэгундзе (трэці, другі й першы нацыянальныя дывызіёны) пакуль у 1998 годзе не дэбютаваў у Ля Лізе. Гэта падзея адбылася 31 жніўня, калі «падводнікі» ў гасьцёх гулялі супраць мадрыдзкага «Рэалу».

У чэмпіянаце краіны клюб заваяваў срэбраны мэдаль (2008) і бронзавы (2005). Найвышэйшым дасягненьнем у Кубку Гішпаніі для «Вільярэалу» пакуль зьяўляецца тройчае пападаньне ў чвэрцьфінал (1993, 2002 і 2008). Доўгі час асноўным супернікам «Вільярэалу» быў клюб «Кастэльён», бо абодва месьцяцца ў адной правінцыі. Але на сёньняшні момант галоўным супраціўнікам зьяўляецца «Валенсія». Супрацьборствы паміж гэтымі клюбамі атрымалі назоў Валенсійскае лякальнае дэрбі.

Гісторыя[рэдагаваць | рэдагаваць крыніцу]

Клюб быў заснаваны 10 сакавіка 1923 году. Першым прэзыдэнтам клюбу стаў Хасэ Кальдуш Альмэля. Першапачаткова колерамі клюбу былі чорны й белы, то бок белыя кашулі й чорныя шорты, а ў 1946 годзе было прынята рашэньне зьміняць іх на жоўты й сіні, якія застаюцца й на сёньняшні дзень. Стадыён «Эль-Мадрыгаль» быў уведзены ў дзеяньне 17 чэрвеня 1923 году, а першы матч каманда згуляла на ім 21 кастрычніка.

Клюб гуляў у рэгіянальных дывізіёнах да сэзону 1955—1956 гадоў, калі забясьпечыў сабе выхад у трэці нацыянальны дывізіён, у якім гуляў да сэзону 1961—1962 гадоў, калі 14 пазыцыя прывяла да паніжэньня ў клясе й вяртаньню ў першы рэгіянальны дывізіён. Аднак там «Вільярэал» затрымаўся ненадоўга й, заняўшы ў сэзоне 1966—1967 гадоў першае месца, забясьпечыў пераход у трэці нацыянальны дывізіён. З трэцяй спробы клюб забясьпечыў павышэньне ў клясе зь першага месца, аднак затрымаўся ў другім нацыянальным дывізіёне толькі на два гады, заняўшы 17 месца ў сэзоне 1971—1972 гадоў. Пасьля чатырох ня вельмі ўдалых сэзонаў у трэцім нацыянальным дывізіёне клюб у апошні раз вярнуўся ў першы рэгіянальны дывізіён, затрымаўшыся там толькі на сэзон 1976—1977 гадоў, паводле выніках якога зь першага месца зноўку трымаў павышэньне ў Тэрсэру. У сэзоне 1986—1987 гадоў «падводнікі» зарабілі павышэньне ў клясе й з 1987 па 1990 гады правялі ў Сэгундзе Б, адкуль панізіліся клясай ніжэй. Сэзон 1990—1991 гадоў стаў апошнім у трэцім нацыянальным дывізіёне, бо паводле ягоных вынікаў, заняўшы 2 месца, клюб перайшоў у Сэгунду Б, адкуль транзытам з 2 месца ў сэзоне 1991—1992 гадоў трапіў у Сэгунду. На працягу пяці сэзонаў клюб займаў месца ніжэй за сярэдзіну турнірнай табліцы лігі.

У сэзоне 1997—1998 гадоў «падводнікі» занялі 4 месца, што дазволіла праз сыстэму плэй-оф зарабіць упершыню за 65 гадоў гісторыі клюбу пуцёўку ў элітны гішпанскі дывізіён. Першы матч у Ля Лізе клюб правёў 31 жніўня 1998 году на стадыёне «Сант’яга Бэрнабэў», дзе «Вільярэал» саступіў мадрыдзкаму «Рэалу» зь лікам 4:1. У дэбютным сэзоне за «Вільярэал» выступалі такія гульцы, як то Давід Альбэльда, Андрэс Палёп, Хэсус Гарсія Санхуан, Жэрарда Гарсія. Нягледзячы на ​​ўдалую першую палову сэзону, у выніку «Вільярэал» заняў 18 радк у табліцы, вярнуўшыся ў Сэгунду. Сэзон 1999—2000 гадоў клюб завяршыў на 3 пазыцыі, вярнуўшы сабе права выступаць у найвышэйшым дывізіёне. За адзінаццаць наступных сэзонаў клюб займаў месцы з 15 па 2 і браў удзел у эўрапейскіх клюбных спаборніцтвах.

Паводле вынікаў сэзону 2011—2012 гадоў клюб пакінуў найвышэйшы дывізіён чэмпіянату Гішпаніі, скончыўшы сэзон на 18 месцы. Аднак на наступны сэзон «Вільярэал» зноўку забясьпечыў сабе права выступу ў Ля Лізе.

Склад[рэдагаваць | рэдагаваць крыніцу]

Актуальны на 4 верасьня 2018 году
Пазыцыя Імя Год нараджэньня
1 Сьцяг Гішпаніі Бр Сэрхіё Асэнха 1989
2 Сьцяг Гішпаніі Аб Марыё Гаспар 1990
3 Сьцяг Гішпаніі Аб Альвара Гансалес 1990
4 Сьцяг Аргентыны Аб Раміра Фунэс Моры 1991
5 Сьцяг Аргентыны ПА Сант’яга Касэрэс 1997
6 Сьцяг Гішпаніі Аб Віктар Руіс 1989
7 Сьцяг Гішпаніі Нап Жэрар Марэна 1992
8 Сьцяг Гішпаніі ПА Паблё Форнальс 1996
9 Сьцяг Калюмбіі Нап Карляс Бака 1986
10 Сьцяг Італіі Нап Ніколя Сансонэ 1991
11 Сьцяг Гішпаніі Аб Хаўмэ Коста 1988
13 Сьцяг Гішпаніі Бр Андрэс Фэрнандэс 1986
14 Сьцяг Гішпаніі ПА Ману Трыгерас 1991
Пазыцыя Імя Год нараджэньня
15 Сьцяг Гішпаніі Аб Мігель Льямбрыч 1996
16 Сьцяг Гішпаніі ПА Альфонса Пэдраса 1996
17 Сьцяг Камэруну Нап Карл Тако-Экамбі 1992
18 Сьцяг Гішпаніі ПА Хаві Фуэга 1984
19 Сьцяг Гішпаніі ПА Санці Касорля 1984
20 Сьцяг Чылі ПА Мануэль Ітура 1984
21 Сьцяг Гішпаніі ПА Бруна Сарыяна (капітан) 1984
22 Сьцяг Гішпаніі ПА Дані Раба 1995
23 Сьцяг Італіі Аб Даніеле Банэра 1981
24 Сьцяг Мэксыкі Аб Мігель Лаюн 1988
25 Сьцяг Аргентыны Бр Марыяна Барбоса 1984
28 Сьцяг Гішпаніі ПА Ману Марлянэс 1999

Вонкавыя спасылкі[рэдагаваць | рэдагаваць крыніцу]

Commons-logo.svg Вільярэал (футбольны клюб)сховішча мультымэдыйных матэрыялаў