Вільям Данджыну
| Вільям Данджыну | |
| Пэрсанальная інфармацыя | |
|---|---|
| Нарадзіўся | 1 кастрычніка 2001[1] (24 гады) |
| Грамадзянства | |
| Прафэсійная інфармацыя | |
| Спэцыялізацыя | шорт-трэкіст |
Вілья́м Данджыну́ (па-француску: William Dandjinou; нар. 1 кастрычніка 2001 году) — канадзкі шорт-трэкіст.
Кар’ера
[рэдагаваць | рэдагаваць код]Данджыну дэбютаваў на Кубку сьвету ў сэзоне 2019—2020 гадоў, узяўшы ўдзел у трох спаборніцтвах. 28 лістапада 2021 году трапіў на подыюм першы раз у кар’еры на этапе Кубка сьвету ў Дордрэхце, дзе здабыў срэбны мэдаль у эстафэце. Сэзон 2023—2024 гадоў пачаў зь нечаканай перамогі на чэмпіянаце Канады[3]. У сакавіку 2024 году на чэмпіянаце сьвету ў Ратэрдаме заваяваў залаты мэдаль у забегу на 1000 мэтраў. Ён скарыстаўся сутычкай паміж двума паўднёвакарэйцамі спартоўцамі, каб вярнуць сабе лідэрства да фінішу, трымаючы перавагу над італьянскімі шорт-трэкістамі. На чэмпіянаце сьвету 2025 году разжыўся яшчэ некалькімі залатымі мэдалямі як у асабістых спаборніцтвах, гэтак і камандных. Паводле вынікаў сэзону 2024—2025 гадоў стаў пераможцам Кубка сьвету ў агульным заліку, а таксама быў найлепшым у заліку на дыстанцыях 1000 і 1500 мэтраў.
Крыніцы
[рэдагаваць | рэдагаваць код]- 1 2 https://www.shorttrack.swisstiming.com/Entries.aspx?evt=11213100000124
- ↑ https://isu.html.infostradasports.com/cache/TheASP.asp@PageID%3D302037&SportID%3D302&Personid%3D1948472&TaalCode%3D2&StyleID%3D0&Cache%3D2.html?874065
- ↑ Richard, Nicholas. Vite sur ses patins, vite dans sa tête // La Presse, 12.03.2024 г.
Вонкавыя спасылкі
[рэдагаваць | рэдагаваць код]- Старонка на ShortTrackOnLine.info.