Вікіпэдыя:Значнасьць асобаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Значнасьць у Вікіпэдыі — крытэр уключэньня артыкулаў, заснаваны на энцыкляпэдычнай прыдатнасьці тэмы артыкулу. Дзеля зьяўленьня артыкулаў пра асобаў гэтыя асобы мусяць быць у першую чаргу значнымі для Вікіпэдыі, і не абавязкова знакамітымі ці папулярнымі — хоць апошняе таксама ня выключана.

Назва артыкулу павінна называць прадмет артыкулу. Калі зьвестак дастаткова дзеля стварэньня артыкулу пра саму асобу, варта назваць артыкул ягоным імем: «Лявон Іванюк». Калі ж плянуецца зьмясьціць інфармацыю толькі пра адну падзею з жыцьця асобы, тады сьлед назваць артыкул паводле гэтай падзеі, напрыклад выпадак са Стывам Бартманам(en). Часам бывае багата інфармацыі на асобны артыкул пра і так значную асобу, накшталт сьмерць прынцэсы Дыяны або выкраданьне Эйхмана. Калі артыкул пра значную асобу ўжо даволі вялікі, частку інфармацыі зь яго можна вынесьці ў асобны артыкул, напрыклад бібліяграфія Юзэфа Ігнацыя Крашэўскага.

Асноўны крытэр[рэдагаваць крыніцу]

Асобы лічацца значнымі, калі яны неаднаразова згаданыя ў розных апублікаваных надзейных другасных крыніцах, незалежных адна ад аднае і ад самога суб’екту.

  • Калі аднае асобнае ўзятае крыніцы недастаткова дзеля пацьверджаньня значнасьці, варта скампанаваць некалькі незалежных крыніцаў; адзін факт згаданьня суб’екта ў другасных крыніцах можа быць недастатковы дзеля вызначэньня значнасьці.
  • Першакрыніцы могуць быць выкарыстаныя ў артыкуле дзеля паўнейшага асьвятленьня, аднак на значнасьць суб’екта яны не ўплываюць.

Асобы, якія адпавядаюць асноўнаму крытэру, могуць лічыцца значнымі без праверкі дадатковым крытэраў (ніжэй). Аднак артыкулы пра гэтых асобаў усё ж могуць быць ня створаныя, калі яны трапляюць пад крытэры выключэньня, такія як вядомасьць толькі з-за аднае падзеі, або пералічаныя ў Чым ня ёсьць Вікіпэдыя.

Дадатковыя крытэры[рэдагаваць крыніцу]

Асобы лічацца значнымі, калі адпавядаюць прынамсі адной з наступных умоваў. Неадпаведнасьць гэтым крытэрам ня можа лічыцца канчатковым доказам нязначнасьці асобы; і наадварот, адпаведнасьць аднаму ці некалькім зь іх не гарантуе ўключэньне асобы ў сьпіс значных.

Асобы, якія не адпавядаюць гэтым дадатковым крытэрам, усё-ткі могуць быць прызнаныя значнымі згодна зь Вікіпэдыя:Значнасьць. Рэдактарам гэтыя крытэры могуць быць прыдатнымі дзеля вызначэньня, ці ёсьць сэнс патрабаваць у артыкуле дадатковых крыніцаў (шляхам прастаноўкі {{Няма крыніцы}} або {{Парады артыкулу|няма крыніцаў}}), ці лепей выставіць артыкул на выдаленьне.

Біяграфіі ў цэлым[рэдагаваць крыніцу]

  1. Асоба атрымала вядомую і значную ўзнагароду або прэмію ці была намінаваная некалькі разоў;
  2. Асоба зрабіла шырока прызнаны ўнёсак, які стаў прызнаным фактам у ейнай галіне.

Навукоўцы[рэдагаваць крыніцу]

Шматлікія навукоўцы, дасьледнікі, філёзафы (дзеля зручнасьці назавем іх «навуковы сьвет») даволі ўплывовыя ў навуковым сьвеце бяз згадваньня іхніх біяграфіяў у другасных крыніцах.

Творчыя прафэсіі[рэдагаваць крыніцу]

Аўтары, рэдактары, журналісты, кінавытворцы, фатографы, мастакі, архітэктары й іншыя прадстаўнікі творчых прафэсіяў:

  1. Асоба лічыцца значнаю ці шырока цытаваная сучасьнікамі ці пасьлядоўнікамі;
  2. Асоба вядомая дзякуючы вынаходніцтву якасна новай канцэпцыі, тэорыі ці тэхнікі;
  3. Асоба стварыла ці адыграла значную ролю ў сумесным стварэньні значнага ці добра вядомага твору. Але гэты твор мусіць быць прадметам незалежнай кнігі, поўнамэтражнага фільму, ці мноства незалежных артыкулаў у пэрыёдыках;
  4. Твор (або творы) асобы альбо a) сталі значным помнікам; b) сталі грунтоўнай часткай значнай выставы; c) займелі значную ўвагу крытыкаў; d) прадстаўленыя ў сталых калекцыях некалькі значных галерэяў ці музэяў.

Ахвяры і злачынцы[рэдагаваць крыніцу]

Асоба, якая вядома толькі ў сувязі з злачынствам ці судовым працэсам, звычайна не павінна быць прычынай стварэньня асобнага артыкулу, калі існуе такі артыкул, у які можна ўключыць усю інфармацыю пра такую асобу. Калі існы артыкул мае вялікі памер, тады яго варта падзяліць на меншыя памерам.

Калі падыходзячых артыкулаў не існуе, тады злачынец ці ахвяра можа быць значнай для Вікіпэдыі асобай толькі тады, калі ён адпавядае аднаму з наступных крытэраў:

Для ахвяраў і памылкова абвінавачаных

  1. Ахвяра злачынства ці памылкова абвінавачаная ў злачынстве асоба, знакамітая толькі адной падзеяй, якая адыграла значную ролю ў задакумэнтаванай гісторыі. Гістарычная значнасьць асобы вызначаецца сталым апісаньнем падзеі ў надзейных другасных крыніцах, якія надаюць асаблівую ўвагу ролі гэтай асобы.

Для злачынцаў

  1. ахвяра злачынства — вядомая ў краіне ці міжнародна асоба, напрыклад (але ня толькі) палітыкі ці знакамітасьці;
  2. матыў ці спосаб выкананьня злачынства незвычайны і з гэтае прычыны дастаткова асьветлены ў крыніцах. Гістарычная значнасьць вызначаецца сталым апісаньнем падзеі ў надзейных другасных крыніцах;
    • Увага: чалавек, абвінавачаны ў злачынстве, лічыцца невінаватым, пакуль ягоная віна ня будзе даказаная ў судзе. Таму рэдактары мусяць устрымлівацца ад стварэньня артыкулаў па меркаваных злачынцах да тае пары, пакуль прысуд ня будзе вынесены.

Эстрадныя артысты[рэдагаваць крыніцу]

Акторы, акторы агучкі, комікі, заканадаўцы думак, мадэлі і знакамітасьці:

  1. Здымаліся ў значных ролях у шматлікіх значных фільмах, тэлеперадачах, выступалі на сцэне ці інш.;
  2. Маюць вялікую аўдыторыю ці значны «культ асобы»;
  3. Зрабілі ўнікальны, пладавіты ці інавацыйны ўнёсак у галіне шоў.

Вайскоўцы[рэдагаваць крыніцу]

  1. Асобы, узнагароджаныя найвышэйшымі нацыянальнымі ўзнагародамі за адвагу;
  2. Асобы, узнагароджаныя другімі паводле значнасьці нацыянальнымі ўзнагародамі за адвагу некалькі разоў;
  3. Знаходзяцца ў званьні не ніжэй за генэрала/флагмана/камадора ці іхніх эквівалентаў;
  4. Знаходзяцца на найвышэйшых пасадах ва ўзброеных сілах (напрыклад, начальнік Генэральнага штабу) ці найвышэйшага аддзяленьня (напрыклад, начальнік штабу сухапутных сілаў);
  5. Адыгралі значную ролю ў значнай ваеннай падзеі;
  6. Камандавалі значнай вайсковай адзінкай у бітве;
  7. Унесьлі ў вайсковую навуку значны ўнёсак, які бясспрэчна належыць ім;
  8. Сталі неаспрэчнымі вынаходнікамі формы вайсковай тэхналёгіі, якая значна зьмяніла спосаб вядзеньня вайны;
  9. Прызнаныя сучасьнікамі як аўтарытэтная крыніца па вайсковай справе.

Для мэтаў гэтага крытэры «значная вайсковая адзінка» азначае буйны баявы карабель, дывізію і больш, ці іхнія адпаведнікі.

Палітыкі[рэдагаваць крыніцу]

  1. Палітыкі і судзьдзі, якія займалі міжнародныя, дзяржаўныя ці рэгіянальныя (абласныя) пасады, чальцы або былыя чальцы нацыянальных, дзяржаўных ці рэгіянальных заканадаўчых органаў. Гэта тычыцца таксама асобаў, якія былі абраныя ў такія органы, але пакуль не прыступілі да выкананьня паўнамоцтваў.
  2. Асноўныя мясцовыя палітычныя дзеячы, якія займелі значны розгалас у прэсе.
  3. Іншыя мясцовыя палітыкі і неабраныя кандыдаты ў заканадаўчыя структуры могуць таксама быць значнымі, калі адпавядаюць агульнаму крытэру «значнай колькасьці згадак у надзейных крыніцах, незалежных ад суб’екта артыкулу».
  4. Для мэтаў гэтага правіла амбасадары ня лічацца займальнікамі міжнародных пасадаў.

Калі кандыдаты ў выбарныя органы не адпавядаюць гэтым крытэрам, прынята ствараць перанакіраваньне з артыкулаў зь іхнімі імёнамі на адпаведны артыкул пра выбары ў такія органы. Кароткія біяграфічныя зьвесткі пра кандыдатаў можна зьмясьціць у гэтым артыкуле.

Спартоўцы[рэдагаваць крыніцу]

Удзельнікі Алімпійскіх гульняў незалежна ад выніку.

Няслушныя крытэры[рэдагаваць крыніцу]

  • Той факт, што асоба А мае стасункі з добра вядомай асобай Б, напрыклад зьяўляецца сужэнцам ці дзіцём — не падстава для стварэньня асобнага артыкулу пра А (калі не існуе значнага асьвятленьня асобы А). Зьвесткі пра А можна ўключыць у артыкул пра Б.
  • Варта пазьбягаць крытэраў ацэнкі значнасьці паводле статыстыкі пошукавых сыстэмаў (кшталту Google hits ці Alexa) або паводле колькасьці знойдзеных у сеціве фатаздымкаў. Карыстаючыся пашуковікамі, улічвайце якасьць, а ня колькасьць спасылак.

Неадпаведнасьць усім крытэрам[рэдагаваць крыніцу]

Асобныя выпадкі[рэдагаваць крыніцу]

Значныя толькі адной падзеяй[рэдагаваць крыніцу]

Сьпісы асобаў[рэдагаваць крыніцу]

Сям’я[рэдагаваць крыніцу]

Артыкулы пра вікіпэдыстаў[рэдагаваць крыніцу]

Глядзіце таксама[рэдагаваць крыніцу]

Крыніцы[рэдагаваць крыніцу]