Выбухі ў Бэйруце

Зьвесткі зь Вікіпэдыі — вольнай энцыкляпэдыі

Выбухі ў порце Бэйруту. 4 жніўня 2020 году ў партовай частцы Бэйруту (Лібан) прагрымелі два магутныя выбухі [1][2][3], у выніку чаго загінулі ня менш за 207 чалавек, а блізка 5 тысячаў чалавек параніла. У радыюсе 10 кілямэтраў ад эпіцэнтру былі пашкоджаныя будынкі, вуліцы заваленыя абломкамі дамоў і перакуленымі аўтамабілямі. Выбуховую хвалю адчулі жыхары Кіпру, што за 240 кілямэтраў ад Бэйруту. Каля 300 тысячаў жыхароў лібанскай сталіцы засталіся бяз даху над галавой, а шкода ад выбуху ацэньваецца як мінімум у 3 мільярды даляраў.[4].

Падставы выбуху[рэдагаваць | рэдагаваць крыніцу]

Прычынай выбухаў сталі 2750 тон аміячнай салетры, якая захоўвалася на складзе ў порце. Яе канфіскавалі з карабля Rhosus мытныя службы ў 2014 годзе. Судна пад малдаўскім сьцягам, якое належала ўраджэнцу Хабараўску Ігару Грачушкіну, перавозіла груз салетры з Грузіі для Мазамбіку, але спынілася ў Бэйруце з прычыны непаладак. Пазьней уладальнік судна адмовіўся ад грузу, а экіпаж карабля мусіў некалькі гадоў правесьці ў Лібане: вярнуцца на радзіму яны змаглі толькі нядаўна.

Выбух[рэдагаваць | рэдагаваць крыніцу]

Першы, менш магутны выбух спарадзіў воблака дыму над полымем і мігатлівыя агні, падобныя на фаервэрк. Другі выбух скалануў цэнтральны Бэйрут і ўзьняў грыбападобнае воблака пылу ў паветра[5]. Ён адбыўся прыкладна а 18:08:18 па мясцоваму часу і стаў прычынай сэйсьмічнай хвалі магнітудай 3,3[3][6][7]. Сьведкі кажуць, што будынкі на адлегласьці 10 кілямэтраў (6,2 міль) атрымалі пашкоджаньні ад выбуху[8].

Пашкоджаньні і ахвяры[рэдагаваць | рэдагаваць крыніцу]

Пашкоджаньні ў кватэры Анчал Вохра, Голас Амэрыкі

Пасьля выбухаў многія людзі ляжалі на зямлі параненымі[9][10]. Загінула ня меней за 135 чалавек, пацярпелі болей за 5000[11].

Каля 300000 чалавек засталіся без жыльля. Улады лічаць, што агульны ўрон складае ад 3 да 5 міліярдаў даляраў[12].

Мясцовыя навіны і заявы лібанскага міністра аховы здароўя Хамада Хасана паказваюць на тое, што колькасьць ахвяр можа быць значна больш[11]. Хасан заявіў, што сотні людзей былі параненыя і чакаецца «шмат траўмаў і значны ўрон»[1][13]. Відавочцы распавялі тэлеканалу LBC, што «па меншай меры дзесяткі людзей пацярпелі, а ў шпіталях было шмат параненых»[14].

Была разбурана штаб-кватэра лібанскай газэты The Daily Star, дзе абваліліся частак даху, выбітыя вокнаў і пашкоджана мэбля[15]. Акрамя іншага, пацярпелі будынкі пасольстваў Казахстана і Расійскай Федэрацыі[16].

Прэм’ер-міністар Лібану Хасан Дыаб абвясьціў, што наступны дзень пасьля выбухаў будзе днём нацыянальнай жалобы[17]. Губэрнатар Бейруту Марван Абуд заплакаў па тэлебачаньні, назваўшы гэта «нацыянальнай катастрофай»[3].

Ліквідацыя наступстваў выбухаў[рэдагаваць | рэдагаваць крыніцу]

Лібанскі Чырвоны Крыж заявіў, што кожная наяўная хуткая дапамога з Паўночнага Лібану, Бэка і Паўднёвага Лібану адпраўлялася ў Бейрут, каб дапамагчы пацыентам[3]. Верталёты выкарыстоўваліся для тушэньня вялікага пажару пасьля выбухаў[11]. Шпіталі, якія не пацярпелі ад выбухаў, не давалі рады ад колькасьці параненых[14].

Вінаватыя[рэдагаваць | рэдагаваць крыніцу]

Урад Лібану 5 жніўня пастанавіў адправіць пад хатні арышт усё кіраўніцтва бэйруцкага порту, пакуль ня выявяць вінаватых у выбуху, які адбыўся ў Бэйруце напярэдадні[18].

Крыніцы[рэдагаваць | рэдагаваць крыніцу]

  1. ^ а б Massive explosion shakes Lebanese capital, buildings near Beirut port reportedly damaged Праверана 4 August 2020 г.
  2. ^ Massive explosion shakes Lebanon's capital Beirut Праверана 4 August 2020 г.
  3. ^ а б в г Explosions Rock East Beirut 4 August 2020 г. Праверана 4 August 2020 г.
  4. ^ «Першай рэакцыяй было, што нас нас скінулі бомбу». Беларусы пра выбух, які ператварыў Бэйрут у руіну, Радыё Свабода, 5-08-2020
  5. ^ Massive explosion rocks central Beirut Праверана 2020-08-04 г.
  6. ^ M 3.3 Explosion - 1 km ENE of Beirut, Lebanon. U.S. Geological Survey.
  7. ^ Взрыв аммиачной селитры в Бейруте: по данным Красного Креста, 100 человек погибли, тысячи ранены Праверана 2020-08-05 г.
  8. ^ Beirut explosion shatters windows across Lebanese capital // CNN4 August 2020 г. Праверана 4 August 2020 г.
  9. ^ Two massive explosions rock Beirut, wounding dozens // CBS4 August 2020 г. Праверана 4 August 2020 г.
  10. ^ Huge explosions rock Lebanon capital Beirut with widespread damage, injuries // abc7.com4 August 2020 г. Праверана 4 August 2020 г.
  11. ^ а б в Azhari (4 August 2020) Hundreds wounded as huge blast rips through Lebanon's Beirut Праверана 4 August 2020 г.
  12. ^ Бейрут — зона бедствия. Вот как выглядит столица Ливана после взрыва в порту // Meduza2020-08-04 г. Праверана 2020-08-05 г.
  13. ^ Lebanon's health minister says many injuries and large damage from Beirut blast: LBC TV 4 August 2020 г. Праверана 4 August 2020 г.
  14. ^ а б Huge explosion in Beirut shatters windows and rocks buildings Праверана 4 August 2020 г.
  15. ^ Large explosion rocks port area in Beirut, cause unclear // NBC News4 August 2020 г. Праверана 4 August 2020 г.
  16. ^ Мощный взрыв в Бейруте: масштабные разрушения, десятки погибших и тысячи пострадавших 2020-08-04 г. Праверана 2020-08-04 г.
  17. ^ Lebanon's Prime Minister Hassan Diab declares national day of mourning Wednesday, after Beirut blast Праверана 4 August 2020 г.
  18. ^ Кіраўніцтва порту ў Бэйруце, дзе адбыўся выбух, узялі пад хатні арышт, Радыё Свабода 5-08-2020

Вонкавыя спасылкі[рэдагаваць | рэдагаваць крыніцу]