Вуліца Бабруйская (Менск)

	Бабруйская
	Менск
	; Менск, вуліца Бабруйская
Агульная інфармацыя
Гістарычны раён	Новае Места (Менск)
Даўжыня	1310 м
Бліжэйшыя станцыі мэтро	Вакзальная, Плошча Леніна
	Вуліца Бабруйская ў Вікісховішчы

Вуліца Бабруйская — гістарычная вуліца ў цэнтральнай частцы Менску (Маскоўскі і Кастрычніцкі раёны), пралягае насупраць чыгуначнага вакзала, зьяўляецца працягам вуліцы Клары Цэткін ад яе скрыжаваньня з плошчай Мяснікова і ідзе да скрыжаваньня з вуліцай Сьвярдлова. Названая ў гонар места Бабруйск, у накірунку якога крочыць. Нумарацыя дамоў ідзе ад плошчы Мясьнікова. Перасякае вуліцы: Мясьнікова, Савецкую, Ленінградзкую, Кірава, Сьвярдлова. Побач разьмешчаны станцыі мэтро: Вакзальная і Плошча Леніна. Даўжыня — 1310 мэтраў.

На вуліцы разьмешчаныя: Будынак рэктарата БДУ, Фізычны факультэт БДУ, Менскі чыгуначны вакзал, Прывакзальная плошча, Цэнтральны аўтавакзал, ГЦ Galileo.

Гісторыя

Вуліца пачала забудоўвацца ў 70-я гады ХІХ стагодзьдзя. Забудаваны ў асноўным няцотны бок вуліцы Бабруйскай (самы знакавы з аб’ектаў — комплекс сталінскіх высотак «Брама Менску», цотную некалі займалі станцыйныя пабудовы, спаленыя ў грамадзянскую вайну. У 1926-м на іх месцы быў разбіты сквер, які захаваўся дагэтуль. Акрамя чыгуначнага, на вуліцы так сама разьмешчаны цэнтральны аўтавакзал, над плятформамі якога дзейнічае буйны гандлёвы цэнтр Galileo^[1].