Ваўкавыскае Эвангельле

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Vaŭkavyskaje Evangielle. Ваўкавыскае Эвангельле.jpg
Ілюстрацыя з Ваўкавыскага Эвангельля, XVI стст.
Бібліятэка
Акадэміі навук Летувы, Вільня

Ваўкавыскае Эвангельлестарабеларускі рукапісны помнік XVI стагодзьдзя. Месца стварэньня невядомае. Зробленая на кнізе ў 1751 годзе прэсьвітарам «церкви Волковицкой» айцом Іаанам Савічам прыпіска дазволіла Вікатару Шматаву зьвязаць Эвангельле з Ваўкавыскам, аднак магчыма, што кніга знаходзілася ў в. Ваўкавічы Наваградзкага павету. У XIX ст. А. Рачынскі вывез Эвангельле з Віцебскага Маркавага манастыру ў Віленскую публічную бібліятэку.

Апісаньне[рэдагаваць | рэдагаваць крыніцу]

Ваўкавыскае Эвангельле - рэдкі ўзор старабеларускай рукапіснай кнігі рэнэсансавага стылю: шматколерныя расьлінныя арнамэнты ініцыялаў і заставак выходзяць направае і левае палі рукапісу. Рукапіс пашкоджаны: няма пачатку Эвангельляў ад Марка, Мацьфея, няправільна збрашураваны Саборнік 12 месяцаў і казаньні эвангелістаў на кожны дзень (у канцы кнігі). Зьберагаецца ў бібліятэцы АН Летувы (Вільня).

Літаратура[рэдагаваць | рэдагаваць крыніцу]

  • Добрянский, Ф. Описание рукописей Виленской публичной библиотеки, церковнославянских и русских / составил Ф. Добрянский. — Вильна, 1882. — LV, [1], 533 с. — С. 36 — 38.
  • Нікалаеў, М. Палата кнігапісная: Рукапісная кніга на Беларусі ў Х — ХVIII стагоддзях / Рэд. М. М. Розаў, А. С. Мыльнікаў; Худож. У. М. Вішнеўскі. — Мн.: Мастацкая літаратура, 1993. — 239 с. — ISBN 5-340-01249-2