Васіль Юшкевіч

Васіль Юшкевіч
Род дзейнасьці	савецкі вайсковец, генэрал-палкоўнік
Дата нараджэньня	28 лютага 1897
Месца нараджэньня	Вільня
Дата сьмерці	15 сакавіка 1951
Месца сьмерці	Масква
Месца пахаваньня	Новадзявочыя могілкі
Месца вучобы	Віленская вайсковая вучэльня[d]
Занятак	афіцэр
Месца працы	Вайскова-палітычная акадэмія імя Леніна[d]
Узнагароды
Васіль Юшкевіч у Вікісховішчы

Васі́ль Алякса́ндравіч Юшке́віч (28 лютага 1897, Вільня — 15 сакавіка 1951, Масква) — савецкі вайскавод, генэрал-палкоўнік (1945). Чалец КПСС з 1919.

Біяграфія

У 1915 годзе пакліканы ў войска. Удзельнічаў у 1-й сусьветнай вайне 1914—1918 (камандзір узводу, роты). У Грамадзянскую вайну 1918—1920 гадоў камандаваў стралковай ротай, батальёнам, палком. Скончыў курсы ўдасканаленьня вышэйшага камандскладу пры Ваеннай акадэміі імя М. У. Фрунзэ (1926 і 1928), камандаваў стралковай дывізіяй і корпусам. У 1937 быў дараднікам у Гішпаніі; удзельнічаў у грамадзянскай вайне на баку рэспубліканскага ўраду. У пачатку нямецка-савецкай вайны 1941—1945 гадоў камандаваў 44-м стралковым корпусам, затым 28 жніўня — 19 кастрычніка 1941 — 22-й арміяй, 19 кастрычніка 1941 — 19 сакавіка 1942 — 31-й арміяй, затым у красавіку 1942 — красавіку 1944 зноў 22-й арміяй, у красавіку — жніўні 1944 — 3-й ударнай арміяй. Удзельнічаў у баёх на Заходнім, Калінінскім, Паўночна-Заходнім і 2-м Прыбалтыйскім франтох. Удзельнік абароны Менску, бітвы пад Масквой. З кастрычніка 1944 камандаваў войскамі Адэскае, у ліпені 1946 — лістападзе 1950 Прыволскае вайсковае акруг. Дэпутат Вярхоўнай Рады СССР 2-га і 3-га скліканьняў (ад 1946).

Узнагароджаны 2 ордэнамі Леніна, 4 ордэнамі Чырвонага Сьцягу, ордэнамі Суворава і Кутузава 1-й ступені, ордэнам Чырвонай Зоркі і мэдалямі. У гонар Васіля Юшкевіча названая вуліца ў горадзе Паставы.

Літаратура

• . — Мн.: .

Вонкавыя спасылкі

• Юшкевич