Васіль Вір

Васіль Вір
Асабістыя зьвесткі
Нарадзіўся:	невядома Піншчына
Памёр:	пасьля 1991 году Канада
Партыя:	Беларуская сялянска-работніцкая грамада Беларуская народная грамада

Васі́ль Ві́р (псэўданім С. Пінскі; ?, Піншчына — пасьля 1991, Канада) — беларускі пэдагог, журналіст, палітычны дзеяч.

Жыцьцяпіс

У 1920-30-х гадах актыўна ўдзельнічаў у Беларускай сялянска-работніцкай грамадзе на Піншчыне, спрыяў Таварыству беларускай школы. У Пінску імкнуўся стварыць беларускую газэту, чаго не дазволілі ўлады. Быў рэпрэсаваны польскімі ўладамі. У верасьні 1939 году прымаў удзел у антыпольскім паўстаньні на заходнебеларускім Палесьсі.

Падчас нямецкай акупацыі арганізоўваў беларускае школьніцтва на Піншчыне і Століншчыне, друкаваўся ў віленскай газэце «Беларускі голас». Прымаў удзел у беларускім нацыянальным падпольлі, арганізоўваў нацыянальную партызанку. У канцы 1943 арыштаваны СД у Пінску і высланы на прымусовую працу ў Нямеччыну. Напрыканцы 1940-х гадоў выехаў з Заходняе Нямеччыны у Канаду. Браў удзел у беларускім эміграцыйным жыцьці, уваходзіў у рэдакцыйную калегію газэты «Беларускі голас» (Таронта, Канада), дзе выступаў як публіцыст, друкаваў успаміны. Сябра Літаратурнай сустані «Баявая Ўскалось», друкаваўся ў аднайменным часопісе.

Літаратура

• Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль.. — Смаленск: 2003. — 480 с. — ISBN 985-6374-04-9
• Ёрш С. Беларуская партызанка. Мн., 1999.