Валянціна Коўтун

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Валянціна Коўтун
Асабістыя зьвесткі
Імя пры нараджэньні Валянціна Міхайлаўна Новік
Нарадзілася 6 красавіка 1946(1946-04-06)
в. Дземяхі, Рэчыцкі раён, Гомельская вобласьць
Памерла 30 красавіка 2011(2011-04-30) (65 гадоў)
Пінск
Літаратурная дзейнасьць
Род дзейнасьці літаратуразнаўца, перакладнік, паэтка, журналістка і пісьменьніца
Гады творчасьці 19662011
Жанр паэзія, крытыка
Мова беларуская мова
Прэміі Літаратурная прэмія імя А. Куляшова (1986)

Валянціна Коўтун, сапр. Валянціна Новік (6 красавіка 1946, в. Дземяхі, Рэчыцкі раён, Гомельская вобласьць — 30 красавіка 2011, Пінск) — беларуская пісьменьніца, літаратуразнаўца. Кандыдат філялягічных навук (1979)[1].

Біяграфія[рэдагаваць | рэдагаваць крыніцу]

Нарадзілася ў сям’і настаўніка. У 1963 скончыла Малоткавіцкую сярэднюю школу, працавала піянэрважатаю ў Паршавіцкай (цяпер Бярозавіцкай) сярэдняй школе Пінскага раёну.

У 1964 паступіла на філялягічны факультэт Львоўскага дзяржаўнага ўнівэрсытэту, а з 4 курсу перавялася ў Беларускі дзяржаўны ўнівэрсытэт, які скончыла ў 1969. Працавала настаўніцай мовы і літаратуры Варнянскай сярэдняй школы Астравецкага раёну (1969—1970), літкансультантам «Сельской газеты» (19701976). З 1976 — літсупрацоўнік, з 1979 — рэдактар аддзела крытыкі і літаратуразнаўства часопіса «Полымя», з 1982 г. — загадчык рэдакцыі літаратуры для юнацтва выдавецтва «Юнацтва», з 1990 г. — старэйшы рэдактар аддзела прозы часопіса «Полымя».

У 19771980 вучылася ў асьпірантуры пры Інстытуце мастацтвазнаўства, этнаграфіі і фальклёру АН БССР. Кандыдат філялягічных навук. Сябра СП СССР з 1976 г. Перакладала з расейскай і ўкраінскай моваў.

У друку выступала з 1966 году.

Творчасьць[рэдагаваць | рэдагаваць крыніцу]

  • 1971 — «Каляровыя вёслы», зборнік паэзіі
  • 1977 — «На ўзьлёце дня», зборнік паэзіі
  • 1984 — «Сьвятло народнага слова: Паэтычны лад беларускай народнай песьні» (дасьледваньні беларускага фальклёру)
  • 1985 — «Мы робім казку», паэтычны зборнік для дзяцей
  • 1985 — «Мэтраном», зборнік паэзіі
  • 1986 — «Вясёлы заасад», паэтычны зборнік для дзяцей
  • 1987 — «Крыніца паэзіі: На шляхах эпізацыі», (дасьледваньні беларускага фальклёру)
  • 1988 — «Лісты да цябе», зборнік паэзіі
  • 1988 — «Калінавая гронка залатая» (зборнік апавяданьняў)
  • 2002 — «Пакліканыя» (раман з жыцьця)

Прэміі[рэдагаваць | рэдагаваць крыніцу]

  • Ляўрэат Літаратурнай прэміі СП БССР імя А.Куляшова (1986) за кнігу паэзіі «Метраном»[2].

Крыніцы[рэдагаваць | рэдагаваць крыніцу]

  1. ^ Любоў Гарэлік. Коўтун Валянціна Міхайлаўна // ЭГБ. Т. 4. — Менск, 1997. С. 245.
  2. ^ Коўтун Валянціна // Беларускія пісьменнікі (1917—1990): Даведнік; Склад. А.К. Гардзіцкі. Нав.рэд. А.Л. Верабей. — Мн.: Мастацкая літаратура, 1994.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]