Валянціна Казлоўская
| Валянціна Казлоўская | |
| Асабістыя зьвесткі | |
|---|---|
| Нарадзілася | 6 (19) жніўня 1907 |
| Памерла | 31 сакавіка 1938 (30 гадоў) |
| Пахаваная | невядома |
| Літаратурная дзейнасьць | |
| Род дзейнасьці | паэтка, пісьменьніца, перакладніца, лекар, фальклярыстка |
| Гады творчасьці | 1923 — 1938 |
| Жанр | паэзія і проза |
| Мова | беларуская |
| Дэбют | 1923 |
Валянцíна Казлоўская (19 жніўня 1907, Рыга — 31 сакавіка 1938, Менск, БССР) — беларуская паэтка, пісьменьніца, перакладніца, фальклярыстка.
Жыцьцяпіс
[рэдагаваць | рэдагаваць код]Ураджэнка Латгаліі. Ейная радзіма - Лудзенскі край. Бацькі былі сялянамі і мелі свой хутар на мяжы зь Беларусьсю[1].
Навучалася ў гімназіях Рыгі, Люцыну, у 1927 г. скончыла Беларускія настаўніцкія курсы ў Дзьвінску.
Дзякуючы спрыяньню Янкі Купалы і Кастуся Езавітава ў тым самым годзе пераехала ў Менск і ў 1931 годзе скончыла Беларускі дзяржаўны мэдыцынскі інстытут[2].
Працавала ў Тураўскай раённай бальніцы, нейкі час жыла зь сям’ёю ў Менску, пазьней працавала ва Ўрэчанскай амбуляторыі, дзе побач у ваенным гарадку служыў ейны муж Маісей Шапіра, вайсковы лекар. У сям’і гадаваліся два сыны[3].
У сьнежні 1937 году была арыштаваная, абвінавачаная ў шпіянажы на карысьць латвійскай разьведкі[4].
Расстраляная 31 сакавіка 1938 году. Рэабілітаваная 19 траўня 1960 году[5].
Творчасьць
[рэдагаваць | рэдагаваць код]Літаратурную дзейнасьць пачала ў 1923 годзе[6].
Арыгінальныя творы і запісы беларускіх фальклёрных твораў публікавала пад уласным прозьвішчам і псэўданімам Лясная Кветка[7].
Друкавалася ў часопісе "Ластаўка" (1923-1924), а таксама ў асобным выданьні вучнёўскіх твораў "Ластаўка" (Люцын 1924) і ў альманаху "Першы крок" (Рыга, 1926). Таксама друкавалася ў штомесячніку Дзьвінскай беларускай гімназіі "Школьная праца".
Пісала празаічныя творы на фальклёрным матэрыяле ("У калядны вечар", "Легенды аб Люцынскім замку" і пад.).
Перакладала з латыскай мовы (вершы Я. Райніса, марш латыскіх скаўтаў і пад.).
Асобныя вершы паэткі друкаваліся ў анталёгіі беларускай жаночай паэзіі міжваеннага пэрыяду "Бліскавіцы" (2017)[8].
У 2016 годзе выйшла кніга Валянціны Казлоўскай і Пятра Сакала "Выбраныя творы"[9].
Творы
[рэдагаваць | рэдагаваць код]- Выбраныя творы / Пятро Сакол, Валянціна Казлоўская; Мінск: Кнігазбор, 2016, 179 с.
Крыніцы
[рэдагаваць | рэдагаваць код]- ↑ Адбудзецца прэм'ера спектакля паводле твора Валянціны Казлоўскай, Baltkrievu kultūras centrs, 20.03.2017, https://web.archive.org/web/20250527160015/https://www.bkc.daugavpils.lv/be/11-newsru/128-200317
- ↑ Валянціна Герасімаўна Казлоўская (19.08.1907 — 31.03.1938), Instagram executed_poetry, https://www.instagram.com/p/Cy0xR5YIafe/
- ↑ Валянціна Герасімаўна Казлоўская (19.08.1907 — 31.03.1938), Instagram executed_poetry, https://www.instagram.com/p/Cy0xR5YIafe
- ↑ Валянціна Герасімаўна Казлоўская (19.08.1907 — 31.03.1938), Instagram executed_poetry, https://www.instagram.com/p/Cy0xR5YIafe
- ↑ Валянціна Герасімаўна Казлоўская (19.08.1907 — 31.03.1938), Instagram executed_poetry, https://www.instagram.com/p/Cy0xR5YIafe
- ↑ Анталогія беларускай жаночай паэзіі міжваеннага перыяду / укладанне, каментары Аксаны Данільчык, Віктара Жыбуля. — Мінск: Кнігазбор, 2017, с. 320.
- ↑ Анталогія беларускай жаночай паэзіі міжваеннага перыяду / укладанне, каментары Аксаны Данільчык, Віктара Жыбуля. — Мінск: Кнігазбор, 2017, с. 320
- ↑ Анталогія беларускай жаночай паэзіі міжваеннага перыяду / укладанне, каментары Аксаны Данільчык, Віктара Жыбуля. — Мінск: Кнігазбор, 2017. — 448 с.
- ↑ Жанна Капуста, Анталогія болю, ЛіМ, №44, 2016, http://www.oo-spb.by/index.php?id=92
- Нарадзіліся 19 жніўня
- Нарадзіліся ў 1907 годзе
- Нарадзіліся ў Рызе
- Нарадзіліся ў Віцебскай губэрні
- Памерлі 31 сакавіка
- Памерлі ў 1938 годзе
- Памерлі ў Менску
- Беларусы ў Латвіі
- Беларускія перакладчыцы
- Беларускія паэты і паэткі
- Беларускія літаратары і літаратаркі
- Беларускія настаўніцы
- Расстраляныя беларускія літаратары
- Расстраляныя беларусы
- Расстраляныя ў БССР
- Беларускія фальклярысты
- Забітыя беларусы і беларускі
- Расстраляныя ў 1938 годзе