Перайсьці да зьместу

Вальдэмар Поўльсэн

Зьвесткі зь Вікіпэдыі — вольнай энцыкляпэдыі
Вальдэмар Поўльсэн
Valdemar Poulsen
Фатаграфія Вальдэмара Поўльсэна (1912 год)
Дата нараджэньня 23 лістапада 1869(1869-11-23)[1][2][3]
Месца нараджэньня
Дата сьмерці 23 ліпеня 1942(1942-07-23)[2][3] (72 гады)
Месца сьмерці
Месца вучобы
Занятак фізык, інжынэр, тэхнік
Дзеці Christian Poulsen[d]
Узнагароды
Тэлеграфон Поўльсэна

Ва́льдэмар По́ўльсэн (па-дацку: Valdemar Poulsen; 23 лістапада 1869, Капэнгаген, Данія — 23 ліпеня 1942, Нью Ёрк, ЗША) — дацкі фізык, інжынэр. У 1898 року распрацаваў спосаб магнітнага запісу на дрот.

Прынцып магнітнага запісу быў прадэманстраваны Поўльсэнам у пачатку 1898. Першая прылада называлася тэлеграфон і выкарыстоўвала мэталічны (сталёвы) дрот у якасьці носьбіта. Сучасныя магнітафоны выкарыстоўваюць больш зручныя і надзейныя магнітныя стужкі, але базавы прынцып аналягавага запісу гуку не зьмяніўся: з узмацняльніка сыгнал падаецца на галоўку, якая запісвае, уздоўж якой з пастаяннай хуткасьцю перамяшчаецца носьбіт (стужка або дрот), у выніку чаго носьбіт намагнічваецца адпаведна гукаваму сыгналу. Пры прайграваньні гуку носьбіт з той жа хуткасьцю працягваецца ўздоўж прайгравальнае галоўкі, індукуючы ў ёй слабы электрычны сыгнал, які пасьля ўзмацненьня падаецца на гучнагаварыцель.

Патэнт на тэлеграфон Поўльсэн атрымаў у 1898 року. Узмацняльнікаў гуку тады яшчэ не было, таму гук быў вельмі слабы і яго можна было слухаць толькі ў навушніках. У 1900 року на Сусьветнай выставе ў Парыжы Вальдэмар Поўльсэн меў магчымасьць запісаць голас імпэратара Аўстра-Вугоршчыны Франца Ёсіфа, і ён лічыцца найстарэйшым з захаваных магнітных аўдыёзапісаў[4].

У 1908 року Поўльсэн распрацаваў удасканалены варыянт дугавога перадатчыка, які пазьней быў названы яго імем. Памёр на 73-ім годзе жыцьця ў Нью-Ёрку, ЗША. У 1969 року была выпушчаная паштовая марка ў гонар Поўльсэна. 23 лістапада 2018 року быў створаны Google Doodle да 148 годзьдзя нараджэньня Поўльсэна[5].

  1. ^ Valdemar Poulsen // Encyclopædia Britannica (анг.)
  2. ^ а б Valdemar Poulsen // Энцыкляпэдыя Бракгаўза (ням.)
  3. ^ а б Valdemar Poulsen // Dansk Biografisk Lexikon (дац.)
  4. ^ Thompson, J. Michael T. (2001). Visions of the Future: Physics and Electronics. p. 140.
  5. ^ 148 гадоў з дня нараджэньня Вальдэмара Поўльсэна

Вонкавыя спасылкі

[рэдагаваць | рэдагаваць крыніцу]
Вонкавыя мэдыяфайлы
  • «1898 — 1998 Poulsen’s patent». 100 гадоў магнітнага запісу.
  • Katz, Eugenii, «Біяграфія». Biosensors & Bioelectronics.
  • Poulsen, Valdemar, «U.S. Patent 661 619 Method of Recordings and Reproducing Sounds or Signals». Magnetic Tape Recorder.
  • 1900 World Exposition recording of Emperor Franz Joseph of Austria by means of Poulsen’s telegraphone.